Milimo 24:24 - Amazwi Yakwe Leza 2013

²⁴ Pacisila ca manda yamwi Felikisi aiiza nu muci wakwe Dulusila, uwali u Muyuda. Alino atuma kuti yaame Paulo kuti auvwe kunoli pamulandu wa utailo muli Yesu Klistu.

Milimo 24:24 Referans Kwoze

Milimo 20:21

Nasokanga Ayuda na Akulukuwa kwene ukuti yazenzuke ize kuli Leza nu kuti yataile mu Mwene Yesu.

Galatiya 2:16

Lelo twamanya vino umuntu akacitwa kuya mololoke pa manso yakwe Leza pa utailo wakwe muli Yesu Klistu, lelo asi mu kuyela Masunde. Pano kusi umwi angacitwa kuya mololoke pa manso yakwe Leza mu kuyela Masunde.

Umbwilo 14:12

Acino mwe antu yakwe Leza mulinzile kuposya mwe muno mukayela masunde yakwe Leza nu kutaila muli Yesu.

Yuda 1:3

Mwe yacuza yane akundwe, nalondesyanga kumulembela pa vya ufyusi uno swensi twakumako. Lelo pandakai calondekwa kuti mulembele kuti imukomelezye kutwalilila mu ulwi wa kucingilila utailo uno Leza wapela ku antu yakwe.

1 Yoane 5:1

Wino wensi uwataila ukuti Yesu a Katuula Uwalavilwe wene umwana wakwe Leza. Na wino wensi uwatemwa mukwasi wene watemwa nu Mwana kwene.

Galatiya 3:2

Ningatemwa kumanya cintu conga kufuma kunomuli. Uzye mwapokelile Mupasi Wamuzilo pa kuyela Masunde nanti mukuuvwa nu kutaila Ilandwe?

Galatiya 2:20

Nemo nafwa, lelo Klistu akaikala munondi. Umi uno ndakai ndi nao, nkaikala pakutaila mu Mwana wakwe Leza, wino uwantemilwe nga nu kupeela umi wakwe pamulandu wane

Milimo 26:22

Lelo Leza wangazwa kufika ni lelo kwene. Acino njimi pano kuti mpeele umboni pa manso ya antu onsi, apina na akama. Cino nkavwanga icili cimwi kwene na cino yakasema pamwi na Mose yavwanzile ukuti cili nu kucitika.

Milimo 16:31

Nao yaasuka yati, “Taila mu Mwene Yesu, alino ulatuulwa, wewe na amu ng'anda yako.”

Luka 23:8

Lyene lino Helodi walola Yesu, azanga cuze. Pano pa nsita ntali walondesyanga kumulola, pamulandu wakuti uvwile ilandwe lya panoli, nupya wapaalilanga kulola vino Yesu akucita cinjelengwe cimwi.

Luka 19:3

Walondanga ukulola vino Yesu akaloleka. Lelo aposiwa pamulandu wakuti wali umwipi, nupya iumba lyamucinzile.

Mako 6:20

oopanga Yoane pano wamanyile vino Yoane wacitanga ivyawololoke nupya wali uwamuzilo. Caleka amucingilila. Watemwanga kuvwa kunoli, nanti angala vino walandanga vyamuzungulanga.

Milimo 24:25

Lelo lino Paulo watandika kulondolola vya musango wakuya mu wololoke nu kuikanya nga nu kwiza kwa Wanda wa upinguzi, Felikisi auvwa intete nga anena Paulo ati, “Ungapita ndakai. Ndakwama lino ndakwata insita.”