Milimo 23:12 - Amazwi Yakwe Leza 2013

¹² Uca katondo, nga Ayuda yamwi yakongana pali pamwi yapangana, yalaya nu mulapo ukuti yatakulya nanti kumwa suka yakome Paulo.

Milimo 23:12 Referans Kwoze

Milimo 23:30

Lyene lino iyanena ukuti Ayuda yamwi yumine kapi kuti yamukome, inelenganya ukuti imutume kunuli. Nati nena na yao akumulongwela kuti yakize yakamusinile pali wewe!”

Milimo 23:21

Lelo utakuvwe kunoyali, pano antu ukuluta pa makumi yani yalafisama nu kumuteyamila. Yati yalaya nu mulapo ukuti yatakutala yalye nanti kumwa cili consi suka yakome Paulo. Ndakai yati yaiteyanya kuti yacicite, nupya yakulolela sile vino wiza landa.”

Milimo 23:14

Lyene yaya kuli yasimapepo akalamba na ikolo, yayanena yati, “Swemo twali twalaya nu mulapo ukuti tutangalya nanti kumwa suka tukome Paulo.

Masamu 31:13

Nkuuvwa kuno anisi yane aingi yakutotozana, Yene yakungoofya monsi monsi. Yene yakumpangila, yakumana akapi kuti yankome.

Milimo 25:3

kuti ace aleke yalete Paulo ku Yelusalemu, pano yalanga yati yumana kapi yateyamila Paulo kuti yamukome.

Yelemiya 11:19

Nemo natontelile wa kana ka mfwele kano yakutwala ku kufyula. Nemo ntamanyile ukuti anene yakupangila ukuncita cimwi ala yakuti, “Mwe, lekini tukome Yelemiya, tumusinde wa cimuti cino cafikila apa nsita ya kulemba. Katumukome pakuti kutaca kuye nanti umwi uwa kumwiusya nupya.”

Mateo 26:4

Alino yumana kapi kuti yaleme Yesu mu nkama nu kumukoma.

2 Yamwene 6:31

Lyene umwene wilya avwanga ati, “Si Leza andye, ndi cakuti Elisya, umwana umonsi wakwe Syafati, yasikumuputula umutwe ilelo kwene, lino ilanzi litali liwe!”

Galatiya 3:13

Lelo Klistu watukulula ku citipu ca Masunde, lino umwisikulu waipile kuya citipu mu cifulo citu. Pano calembwa mu malembelo cati, “Wiyo wensi uwatanwa pa cimuti ala citipu cakwe Leza cili panoli.”

1 Kolinto 16:22

Muntu umwi ndi asyatemwa Mwene, Atipwe! Malanata! Mwene witu, iza!

1 Yamwene 19:2

Fwandi Yezebele muka Aabu nawe pali pakutuma inkombe kuli Eliya kuti zikamunene ziti, “Icumi nalapa yakatai yandepule! Mutondo pa nsita ndi ikwene, indi nu kucita kuli wewe umusango uli umwi kwene nga uno wacitile yakasema.”

1 Samueli 14:24

Lyene aina Izlaeli iyaongoka ku nzala pa wanda ulya, pamulandu wakuti Saulo wayapile ilamulo nu mulapo ku vita, ati, “Citipu ciye pa muntu ali wensi uwalya icakulya lino ilanzi litali liwe, nupya lino ntali incite icilanduzi pa anisi yane!” Icaleka kusi umuntu nanti wenga uwalile icakulya pa wanda ulya.

Mateo 27:25

Antu yonsi yavwanga yati, “Lekini mulandu wa mfwa yakwe wii uye panotuli na ana itu.”

Mateo 26:74

Alino Petulo alapa avwanga ati, “Ntamanyile umuntu wino mukulandapo! Ndi nkutumpoka, Leza andye.” Lilyo kwene mukolwe alamula.

Neemiya 10:29

twailundanya ku asambazi itu nu mulapo, ukuti tukawe nalyo ndi twakana ukuyela Masunde yakwe Leza yonsi yano watupeezile ukupitila muli Mose umuomvi wakwe. Tumayelanga vyonsi vino Yawe, umwene witu watunena. Nupya tumayelanga ivipope ni vyeo vyakwe Yawe umwene witu.

Yoswa 7:15

Alino umuntu wino alazanwa ni vintu vino vyapeelwa ku kononwa, wene uwakoca pamwi na amu ng'anda yakwe yonsi nga na vyonsi vino wakwata. Pasi pano wene asi uwacumi ku upangano wakwe Yawe nupya watacita icamuzewanya mu Izlaeli.”

Yoswa 6:26

Pa nsita ilya Yoswa avwanga amazwi yaa amisindicila akuti, “Si citipu cakwe Yawe cikaye pa muntu wino aliza ku kukuululula umusumba uu, wa Yeliko: pakusokola umufula wauko, cazipa akafwilwe umwana wakwe umonsi wiyeli, na pakusimpa impongolo zyakweo, cazipa akafwilwe umwana wakwe umonsi kasuli.”

Aina Levi 27:29

Kusi umuntu nanti wenga uwapeelwa ku kononwa kwaula vimwi vikulondekwa ukucita, wino angakululwa. Wene alinzile akomwe.

Yoswa 7:1

Lelo aina Izlaeli yamwi yatali acumi ku ciindo cino icakumile ivintu vino vyapeelwa ku kononwa. Akani umwana wakwe Kalimi, umwana wakwe Zimuli, umwana wakwe Zela, uwa mutundu wakwe Yuda, atoola ivintu vimwi vino yainzile. Caleka ukali wakwe Yawe ufulumila aina Izlaeli.

Utandiko 37:18

Lelo aina yamulola katalamukila, nga lino atali kuti afike pano yali, yapangana kuti yamukome.

Yelemiya 44:25

Yawe Wamaka yonsi, Leza wa ina Izlaeli akuti, ‘Mwe yamangu mwe, vino mwalaya apatunwa twinu mufwile mwavicita ni minwe yinu. Mukavwanga ndi vino mulafikilizya ivilayo vino mwalaya, ivyakocela Namwene wa Mwiyulu ubani, nu kumwitulwila uwila wa vyakumwa!’ Aleni fwandi mwalukuwaka ivilayo vinu nu kumwitulwila uwila wa vyakumwa!

Milimo 9:23

Pacisila ca manda aingi, Ayuda yapangana kukoma Saulo.

Milimo 9:24

Lelo antu yamwi yamusokolwela nkama pali cii. Saulo nawe amanya vino musanya nu usiku yapempulanga mpongolo kuti ataca utuke yace yamukome.

Milimo 23:13

Yali ukuluta amakumi yani, aumine kapi.

2 Kolinto 11:26

Mukasi ka nyendo zyane zingi, nali mu uzanzo wakusambela kwa nguzi, nu wa vipondo, nu wa Ayuda nga na Akulukuwa. Umi wane wali mu uzanzo mukasi ka misumba ikulu, mu lwanga, pali yemba, nga na pakasi ka antu yano aitakanga ukuti aina Klistu lelo yatali vivyo.

1 Tesalonika 2:16

Nupya yakwene yezizye kutulesya kukosola ilandwe ku Akulukuwa, lino lyange liyatungulule ku ufyusi. Ayuda yapitilila mu kwifya. Acino ndakai Leza wasoka nu kuyavunuka.

Esita 2:22

Lelo Modekai auvwa amapange yao nga alandila namwene Esita. Esita nawe aya alandila umusambazi Aasuwelo vino Modekai wamunenyile.