Milimo 22:24 - Amazwi Yakwe Leza 2013

²⁴ Lyene musika mukalamba uwa asilika a Ciloma anena antu yakwe kuti yasende Paulo, yamutwale mu kamba ka asilika, yamume vikoti pakuti azale umulandu uno Ayuda yamuweleketanga.

Milimo 22:24 Referans Kwoze

Milimo 23:10

Vikanza vikulisya na musika mukalamba intete zimulema zyakuti limwi yangasantola Paulo. Caleka apeela ilamulo ku asilika kuti yafumyemo Paulo yamutwale ku kamba kao.

Milimo 21:34

Antu yamwi mwi umba yapunda vipusanepusane. Kwali icimvulunganya cakuti musika mukalamba aposiwa kumanya ni cacitike. Caleka apeela ilamulo ku antu yakwe kuti yasende Paulo ku kamba.

Yoane 19:1

Lyene Pilato apeela ilamulo kuti yume Yesu vikoti.

Ayebulai 11:35

Pakuya nu utailo anaci yamwi yapokelile akazi kao yano azyukwike kufuma ku afwe. Yauze nao yayacuzizye cuze suka yafwa, kwaula kuzumila kuti yasapulwe yaye antungwa. Yene yacisile cii kuti lino yalazyukuka yace yaye nu umi usuma.

Milimo 23:27

Ayuda yalemile umuntu wiyo nupya yali pipi nu kumukoma. Lino namanyile vino wene umwina Loma, napisile na asilika yane nu kuya mupususya.

Milimo 16:37

Lelo Paulo anena asilika ati, “Tutazanyilwe nu mulandu nanti umwi, lelo yatumile ivikoti apaswe, nupya sweswe ikazi yamu Loma! Lyene yatusumbila mu ng'anda yaminyololo. Uzye ndakai yakulonda uli kuti yatuleke mu nkama? Awe citangaya vivyo! Yakapingula ya milandu a Ciloma aisikulu yalinzile kwiza tufumya.”

Milimo 21:37

Lino asilika yali pipi nu kumwingizya mu kamba, Paulo auzya musika mukalamba ati, “Uzye ntange mvwange cimwi kunuli?” Musika mukalamba wa asilika amuuzya ati, “Uzye wamanya kuvwanga Cigiliki?

Milimo 28:18

Aina Loma nao yanguzikisya, yalonda kunsapula pano yatanzanyile nu mulandu wakuti nkomwe.