Milimo 21:9 - Amazwi Yakwe Leza 2013

⁹ Wakweti ana akazyana asimbe yani yao akosolanga Landwe lyakwe Leza.

Milimo 21:9 Referans Kwoze

Milimo 2:17

‘Umu manda yampelelekezyo ndapongolwela Mupasi wane pa antu onsi. Ana inu aonsi na anaci yalasema, ana inu alumendo yalalola vilolwa, na ikolo yalalota viloto.

Umbwilo 2:20

Lelo nkuilizyanya pali cii cakuti ukazumilizya Yezebele mwanaci wino akailanda umwisikulu ukuti wene inkombe yakwe Leza. Wene akaomvya usambilizyo wakwe pa kuponzya aomvi yane kuti yalongozya nu kulya vyakulya vyapeelwa ku tuluwi.

Luka 2:36

Kwali kasema umwi umwanaci wi zina lyakwe Ana, mwana Faniweli uwamu luko lwakwe Aseli. Wene wali mukoloci cuze, nupya watenzi niya imyaka cinimbali kufuma ku kutwalwa kwakwe.

Yowelo 2:28

“Apacisila ca nsita imwi, uwanda wakwe Yawe ulafika, lino ndapongolwela Mupasi wane pa antu onsi, Ana inu aonsi na anaci yalasema, na ikolo yalalota viloto, na ana inu alumendo yalalola vilolwa.

Kufuma 15:20

Milyamu kasema, kaci wakwe Aaloni watozile kangoma nga anaci yonsi aina Izlaeli yamulondelela pacisila ala yakulizya tungoma twao yakucina.

Milimo 13:1

Mwi uvi lyaku Antioki mwali yakasema na yakasambilizya yaa: Banaba, Simeoni (uwamwangwa mutifi), Lukio (uwafumile ku Kuleni), Manaeni (uwakuzile pamwi nu mulasi Helodi), nga na Saulo.

Neemiya 6:14

Nga nemo pali pakupepa inti, “We Leza wane, iusya Tobiya na Sanibalati apa vintu vino yacisile, alino na kasema umwanaci Noadiya pamwi na yakasema yauze yano yezizye ukungofya.”

2 Yamwene 22:14

Alino simapepo Hilikiya pamwi na Aiikamu, Akiboli, Syafani na Asaiya iyaya yuzya Hulida, kasema wilya umwanaci, uwali umuci wakwe Syalumu umwana wakwe Tikiva, umwana umonsi wakwe Haliasi. Syalumu kwene wali ali kasunga wa vyakuzwala vyakwe yasimapepo ivyali umu Ng'anda ikulu yakwe Yawe. Antu yayo fwandi ali pakulandila Hulida umulandu. Umwanaci wi wikalanga umu Yelusalemu, mwi pamba lyakwe ciili.

Yakapingula 4:4

Pa nsita ilya Debola, umuci wakwe Lapidoti wali a kasema nupya watumikilanga aina Izlaeli wakwe kapingula wao.

1 Kolinto 7:38

Caleka monsi wino watwala mwali wiyo ala wacita ningo, lelo atamutwite wene wacita ningo kuluta.

Ezekelo 13:17

Nupya Yawe anena ne Ezekelo ati, “We mwana wa muntu, apa yantu yako lolapo yamangu aka ituntumba sile ivyakusema. Yanga ukayasoke pali vino yakacita.