Milimo 20:37 - Amazwi Yakwe Leza 2013

³⁷ Onsi yalilanga lino yakumukukutila nu kumutonsola kwa kumupakasya.

Milimo 20:37 Referans Kwoze

2 Timoti 1:4

Nemo nkaiusya kulila kwako, nupya nkulondesya kukulola pakuti nzangisye.

Umbwilo 21:4

Wene alayakumbula minsozi yonsi. Kutalaya imfwa nupya. Kutalaya kulosya nanti kulila, nanti kuvwa kuwaika. Vintu vyampiti vyati vipita.”

1 Tesalonika 5:26

Mulamuke ataila yonsi mu kutonsolana kwa wina.

2 Kolinto 13:12

Mulamukane nu kutonsolana kwa wina Klistu.

1 Kolinto 16:20

Aina itu yonsi kuno nao kwene yamulamuka. Mulamukane mukutemwa kwa cumi.

Loma 16:16

Mulamukane mu kutonsolana kwa wina. Mauvi yonsi yakwe Klistu yakumulamuka.

Luka 15:20

Caleka akatuka aya kuli isi. “Lelo lino acili kutali kufuma kumwao, isi amulola; aya na mizu mu mwenzo wakwe. Alino asimula amukukula nu kumutonsola.

Umbwilo 7:17

pano Mwana wa mfwele, wino ali pakasi ka cilimba ca wene alaya ali kacema wao. Wene alayatungulula ku tufukoka twa manzi yano akapeela umi. Leza nawe alayakumbula minsozi yonsi.”

Masamu 126:5

Leka yayo akatovya umu kulila aminsozi, yace yasinze ni nsansa.

Yobo 2:12

Walanga sile lino yacili patali yamulola, lelo ala yatiyamuponga. Nga walanga yapalama kunoli, yamumanya nga yalukusya na minsozi. Alino iyalepola ni nsalu zyao pakulanga ulanda. Lyene iyatola ni twi nu lukungu, iyaiswela ku mitwe yao.

Ezila 10:1

Lino Ezila acili akupepa nu kuilongwela amaifyo yakwe, ala akulila nu kuisumba pansi inkolelo ya Ng'anda yakwe Leza, iumba likulu lya ina Izlaeli aonsi, na anaci na ana yao yamuunganila. Nayo kwene yalila aminsozi nu ulanda ukulu cuze.

2 Yamwene 20:3

“We Yawe, si ungala wiusye vino nakuombelanga usaka. Nakutontelanga amanda yonsi. Si angala wiusye vino nezyanga ukucita vyonsi vino wanena kuti incite.” Lyene Hezekiya alila aminsozi nu ulanda ukulu cuze.

2 Samueli 15:30

Lelo Davidi atwalilila ukutumbela Mwamba wa Miolivi, ala akulila lino akuya. Ku mutwe wakwe ala kwati kuvimbwa lelo ku ngazo atazwite cimwi. Antu yonsi ali nawe nayo kwene iyavimba ku mitwe yao, ala yakulila lino yakupita.

1 Samueli 20:41

Pacisila lino umulumendo wapita, Davidi nawe akatuka lwaku ufumondaka waku nsizi ya mutumba ulya uwa mawe nga afukama pansi amaila yatatu inkolelo yakwe Yonatani ala afupime. Alino yoili kwene iyatonsolana nu kulila aminsozi capamwi. Lelo Davidi walizile ukuluta umuze.

Utandiko 46:29

Yosefu anena aomvi yakwe kuti yateyanye celeta nga aya ku kuzengela isi ku Gosyeni. Lino Yosefu walola isi asimwilila kunoli amukumbatila nga alila pa nsita itali.

Utandiko 45:14

Alino Yosefu aya kuli Benjamini muto wakwe, iyakukulana, nga oili iyatandika kulila pamulandu nu luzango.

1 Yamwene 19:20

Elisya nawe ali pakusya yamasaye yakwe alondela Eliya. Asimula amupunda amunena ati, “Leka tale inje nkapakasye tata na mayo, alino nize nkulondele.” Eliya nawe amunena ati, “Ee, pitanga cili sile ningo, ntange nkulesye!”