Biblia Todo Logo
Bib sou entènèt

- Piblisite -




Milimo 20:29 - Amazwi Yakwe Leza 2013

29 Imanyile ukuti lino ndapita, antu ali wa mimbulu ikalipe cuze yaliza munomuli, nga yatalapanya ufyo.

Gade chapit la Kopi




Milimo 20:29
18 Referans Kwoze  

“Cenjelini na yakasema yaufi, yano akaiza kunomuli mu ufuke kwati umwana wa mfwele, lelo mukasi kao yakoline wa mimbulu ikali.


Ku mpiti kwalolike yakasema yaufi pakasi ka ina Izlaeli. Mu musango uli onga kwene yakasambilizya yaufi yalaloleka munomuli. Mu nkama yene yalaleta usambilizyo uwakonona nupya usi wa cumi. Yene yalakana musambazi wino wayakulwile. Acino yalailetelela kononwa mukupumikizya.


Caleka muisunge mweisikulu, musunge nu ufyo uno Mupasi Wamuzilo wamwika kuya angalizi. Muye yakacema aiuvi lyakwe Leza, lino wacisile ukuya ilya kwakwe ukupitila mu mfwa ya Mwana wakwe.


Lelo wino walembwa sile incito, asi mucemi, nga ni mfwele zisi zyakwakwe, lino walola mumbulu ukwiza, amasya mfwele autuke. Nu mumbulu wize uleme yonga nga ni zyuze zipasike.


Pitini! Namutuma wa ana ya mfwele pakasi ka mimbulu.


“Lolini namutuma wa mfwele pakasi ka mimbulu. Caleka mucenjele wa nzoka lelo mufuke wa nkunda.


Kalanda kuli kacema wii ciwelewele ca muntu! Wene watatazyela imfwele! Maka yakwe yalasilila umu nkondo. Ikasa lyakwe liluuma liye na ndi, na manso yakwe yalapafula!”


“Kalanda kuli yakacema yano yakaleka ukuti imfwele zya ufyo wane ziponge nu kusalangana!” Ivyalanda Yawe.


Yacilolo yako yakung'anza wakwe yacisama, ni ntunguluzi zyako zikoline wa mimbulu, ino isyasya nanti cimwi kuti cifike nu mukatondo.


Mwe ina Yelusalemu, tumpulini amanso mulole! Anisi inu ayayo yakufuma ku kayeya. Uzye antu yano mwemwe mukasunga yali kwi, yano mwakwatila cilumba?


Akalamba ya uteko nayo kwene yaya wa mimbulu ino ikutakanya inyama ino yatilema. Yene yakakoma antu pakuti yalonkelemo icuma.


Ne Yawe Simwandalali nkulapa inti, kasili, pamulandu wakuti imfwele zyane zikulemwa ku vilyanyi pamulandu wa kuulilwa kacema ndi vino namwe kwene mwe yakacema yane musiiezya nanti panono kuzilondolola, mukaisakamala sile mwenga, ukwaula kusakamala imfwele,


Lino ukukomwa kucili kukutwalilila, antu yakwe Leza yalaazwiliziwa panono, nanti angala aingi ailundanya kuno yali yalacita cico pamulandu sile wakwe ukaitemwe.


“Mutoopa, mwe ufyo unono wa mfwele, pano So camuzanzya kuti amupeele Uwene wakwe.


Pacisila lino yalya, Yesu auzya Simoni Petulo ati, “We Simoni mwana wakwe Yoane, uzye wantemwa kuluta vino yaa yauze yantemwa?” Awe aasuka ati, “Endi Mwene, wamanya vino nakutemwa.” Yesu nawe amunena ati, “Uwalisya ana ya mfwele akwane.”


kuti musunge ningo mauvi yakwe Leza. Citini cii mu musango uli onga na uno yakacema yakasungilamo mfwele. Mwacita cii ndi vino Leza akalonda kuti mucite, kwaula kupatikiziwa. Ombini mulimo winu asi pamulandu sile wa kulipilwa, lelo pamulandu wa kulondesya kutumikila.


Yalanzile kunomuli yati, “Lino manda ya mpela yaliza, kulaya antu akalondela ivilondwa vyao visi vya upefi, alamuseka.”


Swiv nou:

Piblisite


Piblisite