Milimo 20:27 - Amazwi Yakwe Leza 2013

²⁷ Pano ntamufisanga cimwi lelo namunena vyonsi vino Leza akalonda kuti mucite.

Milimo 20:27 Referans Kwoze

Milimo 20:20

“Mumanyile ukuti ntafisile cimwi icingaya ica kumwazwa lino nakosozile nu kusambilizya pa lwalala nu mu mang'anda inu.

1 Tesalonika 2:4

Mu cifulo cakwe cii, swemo lyonsi tukalanda wakwe vino Leza akalonda kuti tucite, pano wene walola ukuti twati tulinga kupelwa mulimo wa kukosola Ilandwe Lisuma. Tusyaezya kuzanzya antu, lelo tukaezya kuzanzya Leza, wino akaezya melenganyo itu.

2 Kolinto 4:2

Swemo tusyacita vintu vya nsonyi vino vikacitwa mu nkama. Caleka tusyacita vya usomvi nanti kupililika Ilandwe lyakwe Leza. Leza ali kambone witu ukuti vino tukulanda vyene ivya cumi. Caleka antu yauze muli yakampingu yao yangasininkizya ukuti sweswe yakutailwa.

Galatiya 4:16

Uzye lyene naya nene mwanisi winu pa kumunena cumi?

Efeso 1:11

Vintu vyonsi vikacitwa kulingana na vino Leza wateyanya. Wene watusolwile kuti tuye antu yakwe muli Klistu. Wene wacisile cii pamulandu wi pange lyakwe, lino limikwa pali vino wasolwile kufuma nu ku utandiko.

1 Kolinto 11:23

Pano usambilizyo uno namupiile naupokelile kufuma ku Mwene, uwakuti Mwene Yesu, pa wanda uno yamukoofile usiku, watozile mukate,

Milimo 20:35

Muli vyonsi namulanga ukuti apa kuombesya na maka mu musango uu tungazwa atonte, ukwiusya mazwi ya Mwene Yesu yano wavwanzile umwisikulu ati, ‘Mukupeela mwaya upolelelo ukulu cuze kuluta mukupokelela!’”

Milimo 2:23

Leza, ukulingana nu kulonda nga nu kumanya kwakwe, wasolwile mpiti kuti Yesu apelwe kunomuli, nga namwe mwamukomile apakuleka antu yankota yamutane pa lupanda.

Luka 7:30

Lelo Afaliseo na yakasambilizya ya Masunde pakukana kuwatiziwa na Yoane, yasuzile vino Leza walondanga kuyacitila.

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Masamu 32:11

Mwasansamuka mwensi mwe yakacita yaololoke, apamulandu navino Yawe wacita! Mwensi mwe muno mukamuzumila pundini ni nsansa, umilini utupundu!

Yoane 15:15

Ntalamwama wa yaomvi nupya pano muomvi asimanya cino mwene wakwe akucita. Lelo nkamwama yacuza, pano nati munena vintu vyonsi vino nuvwile kuli Tata.

Yelemiya 23:22

Ndi cakuti yamanyile inkama zya melenganyo yane, lyene ngano yalanda ilandwe lyane ku antu yane cakuti antu nayo yange yazenzuke ku nzila zyao iziipe nu ku vicitwa vyao iviipe.

Milimo 13:36

Pano Davidi wacisile kulonda kwakwe Leza mu manda amu mukulo wakwe, nga lino wafwile yamuzisile pamwi ni vikolwe vyakwe, nu mwili wakwe waozile.

Masamu 40:10

Insyakutala mfise amazwi akuti wemo ukapususya. Lyonsi sile nkavwanga apamulandu na ucumi wako nu wazwilizyo wako. Umwi uvi lyako, nsiikala cele, apamulandu nu kutemwa kwako ukwa muntaputuka. Na pali ucumi wako, nkavilanda penepo umwi uvi lya antu yako ilikalamba.

Yelemiya 26:2

“Imilila mu musolo wa ng'anda ya Mwene nu kuvwanga vino ninkunena ku antu yano yafuma mu misumba yaku Yuda, nu kwiza kuno ku kupepa. Utasya nanti conga pa kuyanena.

Yelemiya 42:21

Fwandi ali cino nimunena mu wanda wilelo. Lelo mwemo mwatimukana ukuvwa amazwi yakwe Yawe Leza winu. Mutazumile umulandu nanti onga uno ntumilwe ukwiza munena.

Ezekelo 40:4

Alino umuntu wiyo anena ati, “We mwana wa muntu, lolekesya ningo nu kukutika ningo, uteke nu mwenzo kuli consi cino namakulanga pano ali cino yakuletile kuno apakuti nkulangilile. Nupya ali vino uli nu kumanyisya ang'anda yakwe Izlaeli vyonsi vino umalola.”

Yoswa 8:35

Kutasiile izwi nanti lyonga mu masunde yano Mose wapile lino Yoswa atawelenzile pa manso yi uvi lyonsi lya ina Izlaeli, ukwika pamwi na anaci na ana, nga na inamasi aikalanga pakasi kao.

Yelemiya 34:6

Alino lyene Yelemiya aya alanda vyonsi vivyo kuli Zedekiya, umwene waku Yuda umu Yelusalemu.