Milimo 20:24 - Amazwi Yakwe Leza 2013

²⁴ Lelo ntasakamile pa umi wane, pano nkulonda sile kuti imale umulimo uno Mwene Yesu wampile ukucita, uwa kukosola Ilandwe Lisuma lya pamulandu wa cikuku cakwe Leza.

Milimo 20:24 Referans Kwoze

2 Kolinto 4:1

Leza mu mizu yakwe watupela mulimo uu kuti twaomba. Acino tusyatonta.

2 Kolinto 12:10

Endi, nemo ndi nu luzango lwa kuya nu utonte, kutukwa, kuzunyiwa, nu kukwata ntazi na macuzi, ndi vyonsi vili pamulandu wakwe Klistu. Pano lino ndi mu utonte, ale lyene nene mukome.

Milimo 21:13

Lelo Paulo avwanga ati, “Mukucita cani, ukulila nu kuntezula mwenzo? Ala kusi kunyepwa kutupu kuno naipela, lelo nu kufwa kwene mu Yelusalemu pamulandu wi zina lya Mwene Yesu.”

1 Kolinto 15:58

Caleka, mwe inane akundwe, komelikini nupya tekelini mutanenuka. Cincilini lyonsi lino mukutumikila Mwene. Mwamanya ukuti mukuombela Mwene mutaya kucula sile.

Loma 11:6

Lelo wene wayasolwile pa kuya ni cikuku kunoyali asi pamulandu wa milimo yao ino yaomba. Pano ndi cili pa milimo, ale lyene cikuku cakwe cile cisi cikuku ca cumi.

Milimo 14:3

Paulo na Banaba yatenzi kweneko pa nsita ntali, ala aingi yakuvwanga nu kupama pamulandu wa Mwene. Mwene nawe ayapeela maka akucita vinjelengwe ni vizungusyo kuti apeele umboni vino kuvwanga kwao pamulandu wa cikuku cakwe ukwa cumi.

1 Petulo 5:12

Siluvano uwangazwilizye kulemba kalata wii, nupya nkuti wene umwina witu uwakutailwa muli Klistu. Nemo nkulonda kumukomelezya nu kupeela umboni uwakuti cikuku cakwe Leza kunomuli ica cumi. Komelekini muno cili.

Tito 1:3

Lino insita yafisile Leza, Katuula witu, wasokolwile cii ku antu kupitila mwi landwe lyakwe. Leza uwandasike mulimo uu. Nani nkakosola pa kuyela ilamulo lyakwe.

Galatiya 1:1

Kalata kufuma kuli ne Paulo, wino kwamwa kwane kwa kuya mutumwa kutafuma ku muntu nanti kupitila mu muntu, Lelo kwafuma kuli Yesu Klistu, na Leza Tata, wino uwazyukwile Klistu kufuma ku afwe.

2 Kolinto 5:8

Tulinzile kuya akomeleke, pamulandu wakuti catuzipila kusya mili ii kuti tuye mu wikalo wa Mwene.

Milimo 20:32

“Lyene ndakai namwika mu makasa yakwe Leza, mwikale nu mwi Landwe lya cikuku cakwe, ilili nu kumukuula nu kumupeela upolelelo uno Leza wasungila antu yakwe onsi.

Milimo 11:23

Lino wafisile nu kulola vino Leza wapolelile antu, aya nu luzango nga ayanena yonsi kuti mu myenzo yao yatwalilile mu utailo ni cumi ku Mwene.

Filipi 2:17

Utailo winu mu Mwene nga nu kuomba kwinu vikoline wa mpolelwa iyapeelwa kunoli. Nu wazi wane ungapongolwelwa pa kupeela impolelwa. Cii ndi cacitika, ndazanga nu kusansamuka pamwi namwe.

Milimo 9:15

Mwene anena Ananiya ati, “Pitanga, pano nati musola kuya muomvi wane, kuti aleke imanyike ku Akulukuwa nu ku ene nga nu ku ina Izlaeli.

Milimo 1:17

Yuda wali uwa mwi umba litu pano wasolwilwe kutoola imbali mu mulimo witu.” (

Yoane 17:4

Nati mpela lulumbi kunuli nu mu nsi nati malila milimo ino wampile kuti ncite.

Umbwilo 12:11

Aina itu yamucimvizye ku wazi wa Mwana wa mfwele, nu ku mazwi ya umboni uno yapile. Yene yaipezile cuze cakuti yatoopanga nanti kufwa.

1 Yoane 3:16

Twamanya vino kutemwa kwaya pano Klistu wapile umi wakwe pamulandu witu. Uli mulandu uno naswe kwene tulinzile kupeela umi witu pamulandu wa antu yauze.

2 Timoti 1:12

Acino pamulandu kwene uu, nemo nkucula. Lelo nsi na nsonyi pano indi nu upaalilo cuze, pano manyile wiyo wino nataila. Nupya nkusininkizya ukuti wene akweti maka akucingilila cico cino wandasika, kufika na pa Wanda wa mpelelekezyo.

Kolose 1:24

Ndakai indi nu luzango pamulandu wa kuculila mwemwe. Pano kupitila mu kucula kwane kwaku mwili nemo nkwazwilizya kumalila kucula kwakwe Klistu ukwasyalapo pamulandu wi uvi, lili mwili wakwe.

Efeso 3:13

Caleka namupapata mutatovoka pamulandu wa kucula kwane pamulandu winu. Kucula kwane ukwakumulenga kuya nu lulumbi.

2 Kolinto 7:4

Mwemo namutaila cuze. Lyonsi nkaya ni cilumba pamulandu winu, nga nupya nkakomeleka cuze. Mu ntazi zyane zyonsi nemo ncili nu luzango.

Ayebulai 10:34

Mwemo mwakumileko ku kucula pamwi na anyepwe. Nalino yamuposile vyuma vinu vyonsi, mwemo mwacipokelile ni nsansa, pano mwamanyile ukuti mucikweti cuma cisuma cuze cino cikaikalilila manda pe.

Tito 2:11

Pano Leza wasokolola cikuku cakwe ca kutuula antu onsi.

2 Timoti 4:17

Lelo Leza wene atantazyezile, nupya wampile maka kuti nkosole ilandwe limalilike ku Akulukuwa yonsi kuti yuvwe. Nupya nakulwilwe ku upinguzi wa kufwa.

Milimo 22:21

Mwene anena ati, ‘Pitanga, Pano namakutuma kutali ku Akulukuwa.’”

1 Tesalonika 3:3

pakuti kutaya nanti umwi wakunenuka pamulandu wa kuzunyiwa kuu. Mweisikulu mumanyile ukuti Leza uwazumilizye kuti tuzunyiwe mu musango kwene uu.

1 Tesalonika 2:2

Mumanyile vino antu yatucuzizye nu kututuka mu musumba wa Filipi lino tutali twize kuno muli ku Tesalonika. Lelo Leza watukomelizye cuze kuti tukosole Ilandwe Lisuma kunomuli lya pali aliwe, nanti angala antu yatulwisizye cuze.

Milimo 20:21

Nasokanga Ayuda na Akulukuwa kwene ukuti yazenzuke ize kuli Leza nu kuti yataile mu Mwene Yesu.

Efeso 1:6

Lekini tulumbanye Leza pa cikuku cakwe ca lulumbi, na pa wila uno watupeela mu Mwana wakwe mukundwe!

2 Timoti 3:11

kuzunyiwa kuno nazunyiwe, nga na macuzi yane. Wamanya vyonsi vino vyancitikile mu Antioki, mu Ikoniamu, nga nu ku Lisitala, kuzunyiwa ukwipisye kuno naposizye! Lelo Mwene wankulwile kuli vii vyonsi.

Loma 4:4

Umuntu akaomba incito akalipilwa malipilo. Lelo malipilo yatangapendwa kuya uwila, pano yakapelwa pa mulimo uno waomba.

Yoane 15:27

Namwe kwene mulapela umboni pamulandu wane, pano mwaya nani kufuma lino natandike kuomba.

Luka 16:28

pano nkweti aina yane yasano. Leka apite akayaceule kuti nao yatakize ku cifulo cii ica ucuzi.’

Milimo 13:25

Lyene lino Yoane wali pipi nu kumala mulimo wakwe, avwanga ku antu ati, ‘Uzye mukwelenganya vino nene weni? Ala nemo nsi wiyo wino mukalolela. Lelo akunoli akwiza cisila cane, nani ntaine kusapula ndyatu ku ngazo zyakwe.’

Milimo 15:7

Pacisila cakulanzyanya pa nsita ntali Petulo akatuka avwanga ati, “Inane, mwamanya vino kufuma mpiti Leza wansozile kufuma munomuli kuti nkakosole Ilandwe Lisuma ku Akulukuwa, pakuti yanguvwa nu kutaila.

Milimo 18:5

Lino Sailasi na Timoti yafisile kufuma ku Makedoniya, Paulo wasumvile nsita yonsi mu kukosola ilandwe lya Mwene, ala akunena Ayuda ukuti Yesu ali Klistu.

Milimo 20:23

Namanya sile ukuti mu misumba yonsi Mupasi Wamuzilo wansoka ukuti ukunyepwa mu mang'anda yaminyololo ni ntazi vikundolela.

Filipi 2:30

pano wene nga waponzizye umi wakwe, nupya wali pipi nu kufwa pamulandu wa mulimo wakwe Klistu, kuti ampeele wazwilizyo uno mwemo mwaposiwe ku mpela.

Umbwilo 6:11

Alino cila wenga wapilwe mwingila utiswe, nupya yayanena kuti yapuze pa nsita inono nayuze, suka mpendwa ya aomvi na ina yao mu utailo ilingane, yao alakomwa wakwe aliyo.

1 Milandu 11:18

Fwandi asilika yatatu alumbuke ali pakuipatikizya kupita mu nkambi ya ina Filisti, yaya yatapa amanzi mu cifula, nga yaletela Davidi. Davidi nawe atamwile amanzi yayo, lelo ayapongolwela pansi wa wila kuli Yawe.

2 Kolinto 4:12

Caleka swemo tukaya mu mfwa, lelo cikasenula kumupeela umi.