Milimo 2:46 - Amazwi Yakwe Leza 2013

⁴⁶ Uwanda nu wanda yakongananga ku kupepa mu Ng'anda ikulu yakwe Leza. Yalyanga apali pamwi mu mang'anda yao, ukulya cakulya ni myenzo ya luzango ifuke,

Milimo 2:46 Referans Kwoze

Milimo 5:42

Cila wanda atumwa yatwalilile kusambilizya mu mang'anda ya antu nu mu Ng'anda ikulu yakwe Leza, nga nu kukosola Ilandwe Lisuma ilyakuti Yesu ali Katuula.

Milimo 2:42

Mu nsita zingi antu yakonkowizye kusambilila ku atumwa, nu kutoola imbali mu utandano nga nu mukumokoola umukate wa wina nga nu mu mapepo.

Milimo 20:7

Pa wanda wakutandika mulungu tukongana pali pamwi ku kumokoola umukate wa wina. Paulo avwanga ku antu, atantalizya kuvwanga kufika usiku pakasi, pano wali nu kupita uwanda walondelela.

Masamu 86:11

We Yawe, unsambilizye ukucita vino ukalonda pakuti nakutontelela mu mipitile yane na pakuti naoopa izina lyako.

2 Kolinto 1:12

Tungaitumika pano yakampingu itu yasininkizya kuno tuli ukuti umi witu muno nsi waya uwa cumi nupya uwaula ucenjezi, maka maka lino twali mu utandano namwe. Nupya twatungululwanga na maka acikuku cakwe Leza kuluta kutungululwa na mano ya untu.

Milimo 16:34

Pacisila cakwe vii ayatwala ukwakwe nga ayapeela vyakulya. Aliwe pamwi na amu ng'anda yakwe yali nu luzango, pano ndakai yataila muli Leza.

Kolose 3:22

Mwe aomvi, namwe mwayela asambazi inu mu vintu vyonsi, asisile lino yakumwangalila pamulandu wakuti mukulonda kuyazanzya. Lelo mulinzile kuyela ni myenzo inu yonsi pamulandu wakucindikilamo Mwene.

Loma 12:8

Ndi twapelwa uwila wa kukomelezya yauze, mu cumi tulinzile kuyakomelezya. Wino wensi akwankana na auze vintu vino akweti, mu cumi alinzile apeele kwaula kuitemwa. Wino wensi ali pa utunguluzi, mu cumi alinzile aombesye ningo. Wino wensi akucitila auze milimo ya luse, mu cumi alinzile acita ni nsansa.

Neemiya 8:10

Neemiya ayanena ati, “Pitangini muye mukalye inyama izinone. Mukamwe ni vyakumwa ivilyompe. Wiyo atakweti ivyakuteyanya nawe mumutumile kweneko, pano uwanda uu, uwanda umwi upaatwilwe Yawe Leza witu. Mutaezya mwateeza nanti ukukungumala, pano uluzango luno Yawe amamupeela lumamukomelezyanga.”

Luka 24:53

nu kusumba nsita yao ya mapepo lyonsi mu Ng'anda ikulu yakwe Leza, ala yakulumbanya Leza.

Kasambilizya 9:7

Twalilila, uwalya ivyakulya vyako nu kusansamuka. Uwamwa waini wako nu kuzanga, pano ndakai Leza watazumilizya kuti wacita cico.

Malango 16:11

Muce mwasansamuka pa manso yakwe Yawe Leza winu, mwemwe pali pamwi na ana inu, na aomvi inu, na ina Levi, na inamasi, na ana asyale, alino na yamukamfwilwa yano mukaikala nayo. Muce mucite cii pa ncende yonga iyakupepela penepo.

2 Kolinto 11:3

Ndi ni ntete zyakuti mwemo mulasombwa, wakwe vino Eva wasomvilwe ni nzoka ya usomvi. Ndi ni ntete zya kuti limwi mwemo mulata kwelenganya pamulandu wakwe Klistu mu musango usuma uwa cumi.

Milimo 5:21

Lino atumwa yuvwa cii, pa macaca iingila mu Ng'anda ikulu yakwe Leza, yatandika kusambilizya. Simapepo mukulu na yano ali nawe yaama aikolo ya Ayuda yonsi pamwi kwi Tengo. Lyene yatuma antu ku ng'anda yaminyololo kuti yakalete atumwa kwi Tengo.

Milimo 3:1

Wanda umwi Petulo na Yoane yayanga ku Ng'anda ikulu yakwe Leza pa 3 koloko amanguzi, nsita ya mapepo.

Luka 24:30

Lyene lino watenzi nao pa cakulya, atoola mukate, ataizya, aumokoola, alino aupela kunoyali.

Mateo 6:22

“Manso yakoline wi lampi lya kukozezya mwili. Caleka manso inu ndi yali ningo, mili inu nayo kwene ilazulamo luswepo.

Malango 12:12

Lyene mulasansamuka pa manso yakwe Yawe Leza winu apali pamwi na ana inu, na aomvi inu, na ina Levi akaikala mu misumba inu. Mwaiusya ukuti aina Levi Yene yatapiilwe impanga ingaya impanga yao iyaupyanyi.

Efeso 6:5

Namwe mwe azya mwayela asambazi inu mu coopo nu kuzakaza. Mwacita cii ni cumi wakwe vino mungatumikila Klistu.

Luka 11:41

Lelo pelini vino vili mu mbale ku apina, alino myenzo inu imasanguluka.

Malango 12:7

Papa kwene pa manso yakwe Yawe ali pano mulalya nu kusansamuka na ang'anda zinu pamulandu nu usuma wa vintu vino Yawe Leza winu wamupeela, vino mwaombile.

1 Kolinto 10:16

Pa Cimulo ca Mwene, lino tukamwa mu lwako nu kutaizya Leza, uzye tusyakumako ku kwankana wazi wakwe Klistu? Lino tukamokoola umukate nu kulya, uzye tusyakumako ku kwankana mwili wakwe Klistu?