Milimo 2:33 - Amazwi Yakwe Leza 2013

³³ Wene wakwela nu kwikala kwi kasa lilunji lyakwe Leza, nga wapokelile Mupasi Wamuzilo, kufuma kuli Isi, wakwe vino wamulavile. Na ndakai vii vino mukulola nu kuvwa, uwila wakwe Yesu uno watatuma panotuli.

Milimo 2:33 Referans Kwoze

Milimo 1:4

Lino yakongine pamwi, wayapile ilamulo lii ati, “Mutakafume mu Yelusalemu, lelo mulolele uwila uno Tata wamulavile, uno nani namunenanga.

Milimo 5:31

Lelo leza wazyukwile Yesu alino amwika kwi kasa lyakwe lilunji, ukuya intunguluzi na katuula, kuti apeele aina Izlaeli longo lwakuzenzuka nu kwelelwa maifyo yao.

Milimo 2:17

‘Umu manda yampelelekezyo ndapongolwela Mupasi wane pa antu onsi. Ana inu aonsi na anaci yalasema, ana inu alumendo yalalola vilolwa, na ikolo yalalota viloto.

Yoane 14:26

Lelo kaazwa, Mupasi Wamuzilo, wino Tata alatuma mwi zina lyane, wene alamusambilizya vintu vyonsi nu kumwiusya vyonsi vino namunena.

Mako 16:19

Pacisila lino Mwene Yesu wavwanga kunoyali, asendwa kwiyulu kupela, aikala kwi kasa lilunji lyakwe Leza.

1 Petulo 3:22

Ndakai Klistu waya kwiyulu kuno atenzi kwi kasa lilunji lyakwe Leza, nupya akuteeka pa angeli, na maka yonsi amwiyulu.

Galatiya 3:14

Klistu wacita cii kuti upolelelo uno Leza walavile kuli Abulaamu upelwe ku Akulukuwa muli Klistu Yesu. Cii cacitike kuti mu utailo tungapelwa Mupasi Wamuzilo wino Leza walavile Abulaamu.

Milimo 10:45

Ayuda yano ataila, aizile na Petulo kufuma ku Yopa yazunguka pa kulola vino na Akulukuwa kwene yapokelela uwila wa Mupasi Wamuzilo.

Mateo 28:18

Yesu nawe ayanena ati, “Napelwa maka pa viumbwa vyonsi mwiyulu na pano nsi.

Yoane 14:16

Nani ndapepa kuli Tata, nawe alamupeela kaazwa muze, kuti aikale namwe manda pe.

1 Petulo 1:21

Klistu uwalenzile kuti mutaile muli Leza, wino wamuzyukwile kufuma ku afwe. Nupya wamupile lulumbi. Acino utailo nga nu upaalilo winu vyaya muli Leza.

Ayebulai 10:12

Lelo Klistu wapile impolelwa yonga yakufumya maifyo, ni mpolelwa ii ikaomba manda pe. Lyene waile aikala kwi kasa lilunji lyakwe Leza.

Loma 5:5

Nu upaalilo uu usyatulenga insonyi pano Leza wapongolwela kutemwa kwakwe mu myenzo itu muli Mupasi Wamuzilo, ali wila witu kufuma kuli Leza.

Ezaya 53:12

Ali mulandu kwene uno nani ndamuteka pamwi apa cindame, apakasi ka yacindami nupya a maka. Pano umweneco kwene uwayazumilizye ukuti yangamukoma nu kuti yamucitile icili conga ni ntalanganyi. Fwandi aliwe wasungutile pali yakaifya avule apakuyapapatilako apa kwifya kwao.

Masamu 89:24

Nemo namamutemwanga nu kuya uwacumi kunoli nupya ndaleka kuti acimvya.

Masamu 89:19

Mpiti wavwanzile umu cilolwa ku antu yako acumi, uti, “Nemo natinzwika umuntu umuzwangane icilongwe. Natincindamika wenga wino nemo natinsolola apa antu.

Tito 3:6

Leza watupongololwile Mupasi Wamuzilo nu kuluta muli Katuula witu Klistu Yesu.

Efeso 4:8

Cili ndi vino calembwa mu malembelo cati, “Lino wene wakwezile papelapela kwiyulu, wasenzile azya aingi nga nu kupeela mawila ku antu.”

Yoane 17:5

Tata! Ndakai mpela lulumbi pa manso yako, luno nene nawe twakweti lino insi itali icitwe.

Yoane 15:26

“Lelo kaazwa aliza, ali Mupasi, wino akasokolola cumi ca pali Tata, nupya akafuma kuli Tata. Ndamutumila wii kwene kufuma kuli Tata, nga nawe alapeela umboni pamulandu wane.

Luka 24:49

Nani ndatuma panomuli cino Tata wandaya. Lelo mulinzile mulolele mu musumba, kufika lino mulapokelela maka kufuma kwiyulu.”

Ezaya 52:13

Yawe wavwanga wati, “Umuomvi wane alacula muli vino alaomba. Alaya umukulu nu kucindikwa wakwe cimwi.

Masamu 118:16

Umwene Wamaka, aliwe watatucimvizya, ikasa lyakwe Yawe lilunji likacimvya uku maka.”

Efeso 1:13

Yesu wamuletile cumi, cino cili Ilandwe Lisuma lya pamulandu wakwe vino mungatuulwa ndi mwataila. Caleka mwatamwa ni nsimbi yakwe Leza pa kumupeela Mupasi Wamuzilo wino walavile kunomuli kuti alange vino mwemwe yakwakwe.

Ayebulai 2:9

Lelo ndakai tukalola Yesu wino pa nsita imwi inono wacefiwe kuya pisika lya angeli. Ndakai tukalola vino wene wapelwa lulumbi nu mucinzi pano wene wacuzile kufika lino wafwile.