Milimo 2:27 - Amazwi Yakwe Leza 2013

²⁷ pano we Mwene Leza utalansya ku Gehena, nanti kuleka muomvi wako Wamuzilo aole mwi lindi.

Milimo 2:27 Referans Kwoze

Masamu 16:10

Pano wemo utalansya mwi lindi, nanti kuleka muomvi wako umukundwe akalole ukuola.

Milimo 2:31

Davidi waweni calimwi cino Leza wali nu kucita, acino wavwanzile pamulandu wa kuzyukuka kwakwe Klistu lino wavwanzile ati, ‘Leza atamutazyezile asyale kuzimo, umwili wakwe utaozile mwi lindi.’

Umbwilo 1:18

Nene mumi! Nafwile, lelo ndakai indi nu umi manda pe. Nakwata mfungulo zya mfwa ni zya kuzimo.

Umbwilo 20:13

Lyene yemba afumya afwe ali mwenemo. Imfwa ni cifulo ca antu afwe navyo kwene vifumya afwe ali mwenemo. Na onsi yapingwilwe kulingana ni vintu vino yacisile.

1 Kolinto 15:55

“Mfwa we, uzye ucimvyo wako uli kwi? Mfwa we, uzye luoya lwako luli kwi?”

1 Kolinto 15:52

Cii cilacitika zuwazuwa wa kukapaya kwi linso. Lino ntandala yakusyalikizya ilalila swemo tulazyukuka. Swe ya umi tulasenulwa.

Yoane 11:39

Yesu anena antu ali penepo ati, “Sisyinipo iwe.” Mata kaci wa mufwe amunena ati, “Mwene, ndakai tumanunkilwa pano pati papita manda yani kufuma lino yamuzisile.”

Masamu 86:13

Pano ukutemwa kwako kunondi ukwa muntaputuka ukukulu sana, Nemo wampususya nu kwi lindi kwene.

Umbwilo 3:7

“Lemba ku ntunguluzi yakwi uvi ku Filadefia uti, “Lii ilandwe kufuma kuli wino uwamuzilo nupya uwa cumi. Wene akweti mfungulo yakwe Kateeka Davidi, nupya lino wayula mulyango, kusi umuntu nanti wenga angauyala, na lino wene wauyala, kusi muntu nanti wenga angauyula.

1 Yoane 2:20

Lelo Klistu wene wamupolelile pakumupongolwela Mupasi Wamuzilo. Acino mwensi kwene mwamanya icumi.

Luka 4:34

“Uzye ukulonda cani kunotuli we Yesu uwaku Nazaleti? Uzye wiza kuno kuti utonone? Nati nkumanya, wewe Wamuzilo nupya wafuma kuli Leza.”

Luka 1:35

Mungeli amwaasuka ati, “Mupasi Wamuzilo uliza panuli, na maka yakwe Leza uwa papelapela yalakuvimba. Pamulandu uu, umwana wamuzilo alaamwa u Mwana wakwe Leza.

Mako 1:24

“Uzye ukulonda cani kunotuli we Yesu uwaku Nazaleti? Uzye wiza kuno kuti utonone? Nati nkumanya, wewe Wamuzilo nupya wafuma kuli Leza.”

Mateo 11:23

Mwe antu amu Kapenaumu uzye mukwelenganya vino mungakweziwa kwiyulu kupela? Awe! Mulasumbwa pansi kuzimo! Pano ndi vinjelengwe ivyacisilwe munomuli ivyacisilwe mu Sodoma, Sodoma nga acilipo ni lelo.

Yona 2:6

Intuwila mpaka ukufika pa visinte vya myamba, imfika nu kuzimo kuno nayalilwe umu mbali zyonsi umuyayaya. Lelo wemo, we Yawe Leza wane, wamfumizye umumi mu ciwina.

Masamu 116:3

Uzanzo wa mfwa wanzingulwike. Isakamiko lya mfwa wamvimbilikizye, icakuti nemo pasi pantete nu kusakamala sana.

Masamu 89:19

Mpiti wavwanzile umu cilolwa ku antu yako acumi, uti, “Nemo natinzwika umuntu umuzwangane icilongwe. Natincindamika wenga wino nemo natinsolola apa antu.

Masamu 49:15

Lelo nemo, Leza alapususya umwenzo wane, alansompola kuti ntaponela umwi lindi, nu kumpokelela.

Milimo 4:27

Pano cumi Helodi na Pontio Pilato yakongine mu musumba pamwi na Akulukuwa nga na ina Izlaeli kuti yalwisye Yesu, umuomvi wako uwamuzilo, wino wasolwile. Yoa 18:28

Milimo 3:14

Yesu wali uwamuzilo nupya mololoke, lelo mwemo mwamukanyile, nga mulenga Pilato kuti amusapwile inkomi mu cifulo cakwe.

Luka 16:23

Lyene kuzimo kuno wali mukucula kukulu cuze, asanzula amanso alola Abulaamu patali, na Lazalo ala atenzi pipi nawe.

Luka 24:44

Lyene ayanena ati, “Vii, vili vintu vino namunenanga lino nali namwe, ukuti vintu vyonsi vino vyalemvilwe pamulandu wane mu mpapulo zyakwe Mose na zyakwe yakasema, nga nu mu Masamu vilinzile kufikiliziwa.”

Milimo 2:26

Caleka mwenzo wane uli ni nsansa, na mazwi yane aluzango pano nanti angala nene mwina kufwa lelo ndi nu upaalilo,

Milimo 2:28

Wandanga inzila zyakuntwala ku umi, nga nani ndazanga cuze lino wemo waya pipi nani.’