Milimo 2:17 - Amazwi Yakwe Leza 2013

¹⁷ ‘Umu manda yampelelekezyo ndapongolwela Mupasi wane pa antu onsi. Ana inu aonsi na anaci yalasema, ana inu alumendo yalalola vilolwa, na ikolo yalalota viloto.

Milimo 2:17 Referans Kwoze

Ezaya 44:3

Pano ndapongolwela amanzi mu mpanga iyume ndi, ndaletamo inguzi umu lwanga. Ana inu nemo ndayapongolwela Umupasi wane, nupya ndapolelela na amu mupanda winu.

Milimo 10:45

Ayuda yano ataila, aizile na Petulo kufuma ku Yopa yazunguka pa kulola vino na Akulukuwa kwene yapokelela uwila wa Mupasi Wamuzilo.

Yoane 7:39

Lino Yesu wavwanzile cii, wavwanzile pamulandu na Mupasi Wamuzilo wino yano amutaila yalapokelela. Pa nsita ilya walanga Mupasi Wamuzilo atali kuti apelwe, pano ala Yesu atali atumpulwe nu kupelwa ululumbi.

Zakaliya 12:10

“Ana yakwe Davidi na ina Yelusalemu nemo ndayapeelesya amano akukwatisya uluse, na mano akumpepesya wakwe cimwi. Yalatamba umwi wino yatulinkinye icanzo, yalamulosya vivi kwene ndi vino yakalosya umwana umonsi uwavyalwa wenga mpo. Yalamulosya kwati antu afwililwe umwana wao umonsi uwi yeli.

Ezekelo 11:19

Ndayapeela umwenzo upya, nga ndiika umi upya munoyali. Ndafumya umwenzo ukome wi we muno yali nu kuyapeela umwenzo utonte wa munyefu.

Ayebulai 1:2

Lelo mu manda yaa akusyalikizya wene wavwanga kunotuli mu Mwana wakwe. Muli wikwene amuno Leza waumvile uumbo onsi, nupya wene wamusolwile kuti aye umweneco wa vintu vyonsi.

1 Kolinto 12:28

Mwi uvi Leza wika antu yaa, nkolelo atumwa, yakwe ciili akasema, nga yakwe citatu akasambilizya. Alino wika na yao akacita vinjelengwe, nga palondelela yao apelwa maka akupozya nanti kwazwa yauze nanti kuyatungulula nanti kulandila mu ndimi zyuze zitamanyika.

Luka 3:6

Na antu yonsi yalalola ufyusi wakwe Leza.’”

Milimo 21:9

Wakweti ana akazyana asimbe yani yao akosolanga Landwe lyakwe Leza.

Oseya 3:5

Lelo pacisila cakwe vivyo aina Izlaeli yalawelela nupya kuli Yawe Leza wao na kuli wenga uwamu mupanda wakwe Davidi umwene wao. Lyene Yaliza kuli Yawe ala yakuzakaza nga yalapokelela ivisuma ukufuma kunoli.

2 Petulo 3:3

Cankolelo, mulinzile kumanya ukuti mu manda yaa akusyalikizya antu yamwi yalaloleka yano umi wao ukatungululwa ni nsuna zyao. Yene yalamusoweka

1 Kolinto 12:10

Mupasi Wamuzilo akapeela muntu umwi maka akucita vinjelengwe. Kuli muze nawe amupeela uwila wakulanda ilandwe lyakwe Leza. Kuli muze nawe amupeela maka akulondolola kupusana kwaya pa mawila yano yafuma kuli Mupasi Wamuzilo nga na yano yatafuma kunoli. Kuli muze nawe akamupeela maka akulandila mu ndimi zyuze zitamanyika, nga na kuli muze nawe akamupeela maka akulondolola vikulandwa mu ndimi zitamanyika.

Loma 5:5

Nu upaalilo uu usyatulenga insonyi pano Leza wapongolwela kutemwa kwakwe mu myenzo itu muli Mupasi Wamuzilo, ali wila witu kufuma kuli Leza.

Ezekelo 39:29

Alino ntalayafisa nupya usyu wane, pano ndapongolwela Mupasi wane pa ina Izlaeli.’ ” Ivyalanda Yawe Simwandalali.

Ezaya 66:23

Ukufuma ku mwezi upya, ukufika nu ku mwezi upya uze, ukufuma kwi Sabata lyonga ukufika nu kwi Sabata lyuze, antu yonsi yalaiza ku kupepa kuno ku Yelusalemu. Kuu kuli kulanda kwakwe Yawe.

Zakaliya 2:13

Mwe antu mwensi si myalalini sile apa manso yakwe Yawe! Pasi pano awiyo watavwandamuka ukufuma umu cifulo cakwe icamuzilo, akwiza kunotuli.

Ezaya 2:2

“Limwi umu manda akusyalikizya umwamba apa kuulilwa Ng'anda ikulu yakwe Leza iya kumpepelamo, ali lino ulatalimpisya ukuluta imyamba yuze yonsi. Na antu ya mitundu yuze ali kuno yalaomokela.”

Mapinda 1:23

Sumbiniko amano kuli vino namamukonkomezya, namamwitulwila ivyaya muli tompwe wane, nu kumumanyisya vino naya nu kumunena.

Masamu 72:6

Leka umwene acita ndi vino imvula ikacita umu vyalo. Umwene umutupu angaya wakwe tuswelele utukusansa apa mpanga.

Yoane 17:2

Pano wemo wamupile maka pa antu onsi, kuti angapeela umi wa pee kuli yonsi yano wamupile.

Mika 4:1

Mu manda akwiza, umwamba apa kuulwa Ng'anda ikulu yakwe Yawe ulaya uutali ukuluta imyamba yonsi, usanzuke ukuluta imilundu yonsi. Antu amu nko zivule yalasimwilila kuno uli.

Ezaya 40:5

Alino lyene ucindami wakwe Yawe ulasokololwa, cakuti na antu yonsi yalaulola. Yawe umwisikulu uwatavwanga vii.”

Utandiko 49:1

Yakobo atuma umwi kuti aame ana yakwe onsi, nga lino yiiza ayanena ati, “Palamilini kunondi muleke munene vino cilamucitikila mu manda akwiza:”

Ezaya 49:26

Yayo akamucuzya ndayatunkizya iminyefu iyakwao. Yalakoleka nu wazi wakwao aeneco, kwati antu yano yakoleka waini. Lyene antu yonsi yalamanya ukuti nene indi Yawe. Yalasininkizya ukuti nene Mukuluzi winu, Wamaka wilya wakwe Yakobo.”

Yakobo 5:3

Zaabu pamwi na siluva winu kwene vyonsi vikweti ngalawa, nga ngalawa kwene zii zilaya a kambone wa kumusinila nu konona mili inu ndi vino moto ukaonona. Mwemo mwaitulikila cuma mu manda kwene yaa a mpelelekezyo.

Danieli 10:14

Acino lyene natiniza kuti nkulondolwele ivilacitikila antu yako mu manda akwiza. Cilolwa ica manda akwiza.”

Utandiko 6:12

Leza alolekesya azana ukuti insi yonsi yazulamo inkota, pano vicitwa vya antu ivya nkota.

Masamu 65:2

Pano wemo ukauvwa amapepo, antu yonsi yamaizanga kuli wewe.

Milimo 11:28

Wenga uwa munoyali uwizina lyakwe Agabasi, aimilila, nga mu maka ya Mupasi Wamuzilo asema pa cipowe icali nu kwiza umu nsi yonsi. (Cii, icizile lino Kalaudio wali a kateeka).

Milimo 2:16

Lelo cii cino mwalola acili cino kasema Yoeli wasemile lino wavwanzile ati, Leza wavwanga wati,

Milimo 2:18

Endi, na pa yaomvi yane kwene, aonsi pali pamwi na anaci, ndapongolwela Mupasi wane mu manda yao, nga nao yalasema.

Milimo 2:33

Wene wakwela nu kwikala kwi kasa lilunji lyakwe Leza, nga wapokelile Mupasi Wamuzilo, kufuma kuli Isi, wakwe vino wamulavile. Na ndakai vii vino mukulola nu kuvwa, uwila wakwe Yesu uno watatuma panotuli.

Milimo 11:27

Mu manda yalya yakasema yamwi yafumile ku Yelusalemu iiza ku Antioki.