Milimo 19:35 - Amazwi Yakwe Leza 2013

³⁵ Alino pa kusyalikizya kalemba uwamu musumba pa kumyalalika iumba alinena ati, “Mwe ina Efeso! Muntu wensi wamanya ukuti amu musumba wa Efeso ali yakalolela ya ng'anda ikulu yakwe Alitemi mukulu, nupya ali yakalolela aiwe ilyamuzilo lyaponyile kufuma mwiyulu.

Milimo 19:35 Referans Kwoze

1 Timoti 4:2

Masambilizyo ali ndi yaa, yakasalanganyiziwa mu usomvi wakwe yakasambilizya yaufi, yano yakampingu yao yafwa, kwati yocewa ni cela cikaye.

Efeso 2:12

Mu nsita ilya mwemo mwali mutali mumanye vyapali Klistu. Mwemo mwali ainamasi pakasi ka ina Izlaeli, nupya mutali antu asololwe yakwe Leza. Mutakweti mbali imwi mu vipangano vino vimikwe pa malayo yakwe Leza ku antu yakwe. Nupya mwatenzi munonsi kwaula upaalilo nanti Leza.

Milimo 19:26

Ndakai, mukuuvwa nu kuilolela mweisikulu vino umuntu wi Paulo akucita. Akuti yaleza apangwa na makasa ya antu yasi yaleza awe, nupya wataongola nu kupuulula antu aingi, muno mu Efeso na konsi mu muputule wa mpanga ya Asiya.

Milimo 18:19

Lino yafika mu Efeso, Paulo asya Pulisila na Akwila. Alino aingila mu ng'anda ya mapepo nga apazyanya na Ayuda.

Yoane 9:31

Twamanya vino Leza asyauvwa yakaifya. Wene akauvwa antu yano akamucindika nu kucita kulonda kwakwe.

Milimo 19:34

Lelo lino yamanya vino wene u Muyuda, yapundila capamwi icili cimwi pa nsita ziili yati, “Mukulu a Alitemi uwaku Efeso!”

Milimo 19:36

Kusi umwi angakana vintu vii. Caleka lyene mulinzile mumyalale nupya mutacita cintu cimwi ciipe.