Milimo 19:29 - Amazwi Yakwe Leza 2013

²⁹ Kuya cimvulunganya mu musumba onsi. Iumba lilema Gayusi na Alisitako, aina Makedoniya apitanga na Paulo, yayasenda ku ng'anda ya kukonganilamo nanti kucinilamo.

Milimo 19:29 Referans Kwoze

Milimo 20:4

Sopata, mwana Pilusi, uwafumile ku Belea, amusukilila, avino na Alisitako na Sekundo uwafumile ku Tesalonika, Gayusi uwa ku Debe na Timoti nga na Tikikasi na Tulofimo, afumile ku Asiya.

Filimoni 1:24

Aomvi yanji, Mako, Alisitako, Demasi, na Luka yamulamuka.

Kolose 4:10

Alisitako ali pamwi nani mu ng'anda yaminyololo. Wene watuma ulau kunomuli, vivyo kwene na Mako, muvyala wakwe Banaba. (Mwemo mwapokelela utunguluzi pali vino mungapokelela Mako ndi cakuti angiza kunomuli.)

Milimo 27:2

Tupatama mu wato uwaku Adilamitiamu uwali nu kupita mu misumba yamu nkumba yakwe yemba, mu muputule wa mpanga ya Asiya, nga tukatuka tupita. Twali na Alisitako umwina Makedoniya, uwafumile ku Tesalonika.

1 Kolinto 4:9

Pano kunondi caloleka ukuti Leza wapela cifulo cakusyalikizya kuli sweswe swe atumwa. Tuli wa antu avunukwa ku kukomwa pa swe, nupya tuli akutambwa ni viumbwa, asi antu yatupu, lelo na angeli kwene.

1 Kolinto 1:14

Nkutaizya Leza ukuti nemo ntawatizye umuntu namuze munomuli, suka sile Kilisipa na Gayusi.

Loma 16:23

Mwine ng'anda Gayusi, muno Iuvi likakongana, nawe kwene watuma ulau. Elasita, kasunga wa cipao camu musumba, nga nu mwina witu Kwatosi, nayo kwene yatuma ulau.

Milimo 21:30

Icimvulunganya cisalangana monsi mu musumba nga na antu yonsi yasimwilila pamwi, yalema Paulo, yamufumya mu Ng'anda ikulu yakwe Leza. Lilyo kwene milyango ya Ng'anda ikulu yakwe Leza iyalwa.

Milimo 19:22

Alino atuma yakazwa yakwe yaili, Timoti na Elasita ku Makedoniya, wene asyala mu muputule wa mpanga ya Asiya pa nsita imwi.

2 Kolinto 8:19

Wene atamanyikwa sile lelo wasololwa na mauvi kuti apita naswe lino tukusenda uwila uu uno ulaleta lulumbi ku Mwene nga nu kulanga vino tukapaalila kwazwa.

Milimo 21:38

Uzye wemo usi mwina Eguputo wiya uwakatukile uteko pa myaka yapita nga nu kutungulula antu mazimbi yani mu lwanga yao ali azanzi.”

Milimo 20:34

Mweisikulu mwamanya vino nemo naombanga na makasa yane apa kuzana vyonsi vino nene na anji twalondanga.

Milimo 19:32

Ukongano wao wali uwacimvulunganya. Antu yamwi yapundanga icintu conga, yamwi nao yapunda vyuze, pano aingi munoyali yatamanyile na cino yakonganile.

Milimo 17:8

Pa mazwi yaa, yavulunginye iumba ni ntunguluzi zya musumba yakatusya mpanzela.

Milimo 16:9

Mu usiku kwene ulya Paulo waweni cilolwa muno waweni umwina Makedoniya ala aimi akumupapatila ati, “Lamba wize ku Makedoniya utwazwe.”

Milimo 13:5

Lino yafika mu musumba wa Salamisi, yakosola ilandwe lyakwe Leza mu mang'anda ya mapepo ya Ayuda. Yali na Yoane Mako kazwa wao.

Milimo 16:12

Kufuma kuku twapisile pa mulundu tuya ku Filipi, musumba wankolelo mu mpanga ya Makedoniya, nayo kwene yali mpanga ya ulasi wa Ciloma. Twatenzimo manda aingi.

Milimo 19:21

Pacisila cakwe vii, Paulo apanga kuti apite mu mpanga ya Makedoniya na Akaya nga aye ku Yelusalemu. Avwanga ati, “Ndi nafika kweneko, alino indi nu kuya ku Loma.”

3 Yoane 1:1

Kufuma kuli ne Wikolo. Nkulembela Gayusi mukundwe wane, wino mu cumi namutemwa.