Milimo 19:26 - Amazwi Yakwe Leza 2013

²⁶ Ndakai, mukuuvwa nu kuilolela mweisikulu vino umuntu wi Paulo akucita. Akuti yaleza apangwa na makasa ya antu yasi yaleza awe, nupya wataongola nu kupuulula antu aingi, muno mu Efeso na konsi mu muputule wa mpanga ya Asiya.

Milimo 19:26 Referans Kwoze

1 Kolinto 8:4

Acino lyene nanti angala vyakulya vikapelwa impolelwa ku tuluwi, swemo twamanya vino kutaya nanti kaluwi konga muno mu nsi kano kaya nu umi. Twamanya vino kwaya Leza wenga sile.

Milimo 17:29

“Caleka pano sweswe ana yakwe Leza, tutaelenganya vino umwata wakwe Leza ukoline wa ciluwi cakwe zaabu nanti cakwe siluva nanti iwe, icapangwa nu muntu umulamoke.

Umbwilo 9:20

Antu yonsi asyala yano atakomilwe ku vilumbelo vii, yatazenzwike ku milimo ya makasa yao. Yene yatatile kupepa mipasi yankota, nanti tuluwi twakwe zaabu, siluva, nanti mukuwa, nanti twa mawe, nanti twa vimuti tuno tutange tulole nanti kuvwa nanti kupita.

Milimo 19:10

Wacitanga vikwene kufika na pa myaka iili, na antu yonsi atenzi mu muputule wa mpanga ya Asiya, Ayuda na Akulukuwa kwene, yuvwile izwi lya Mwene.

Milimo 14:15

“Uzye pacani mukucita cii mwe antu? Swemo sweswe antunze sile wakwe vino muli! Tuli kuno kuti tukosole Ilandwe Lisuma, kuti mufume ku vintu vyasile sile mutandike kupepa Leza wa umi, uwaumvile iyulu, insi, yemba ni vyayamo.

Malango 4:28

Kuku kwene akuno mulatumikila tuleza utwapangwa na antu, tuleza utwapangwa ku miti na mawe, tuno tutangalola nanti ukuvwa, tuno tutangalya nanti ukununsya.

1 Tesalonika 1:9

Antu yaya yonsi yakulanda pa kuzengela kuno mwatuzengile, nga na vino mwazenzwike ku kupepa tuluwi nu kutandika kutumikila Leza wa cumi nupya uwa umi.

Galatiya 4:8

Lino mutamanyile Leza mwemo mwali azya ya tuluwi tutali tuleza.

1 Kolinto 12:2

Mwamanya ukuti lino mwali antu atataila, mwaponziwe umu nzila zingi mu kupepa tuluwi tusivwanga.

Yelemiya 10:11

Mwe antu fwandi muyanene ukuti tuleza ututaumvile iyulu nanti insi, tulalowa. Tutalatala tuvwike muno nsi awe.

Milimo 18:19

Lino yafika mu Efeso, Paulo asya Pulisila na Akwila. Alino aingila mu ng'anda ya mapepo nga apazyanya na Ayuda.

Oseya 8:6

Kawaza uwamu Izlaeli aliwe uwapanzile unkolanya uo, asi Leza awe. Unkolanya waku Samaliya ulaputolwa mu tupimfya.

Milimo 19:1

Lino Apolo wali mu Kolinto, Paulo apita ukusalala mpanga pakasi aiiza ku Efeso. Kuko azanako alondezi yamwi nga

Milimo 19:25

Caleka aama yonsi pamwi na yano mulimo wakwe wali uli umwi nu wakwao, ayanena ati, “Mwe antu mwe, mwamanya vino ukama witu ukafuma pa mulimo uu.