Milimo 19:25 - Amazwi Yakwe Leza 2013

²⁵ Caleka aama yonsi pamwi na yano mulimo wakwe wali uli umwi nu wakwao, ayanena ati, “Mwe antu mwe, mwamanya vino ukama witu ukafuma pa mulimo uu.

Milimo 19:25 Referans Kwoze

Milimo 16:19

Lino yakateeka yakwe yamanya vino isyuko lyao lyakupanga ulupiya lyasila, yalema Paulo na Sailasi yayakunkizya ku cilye ca alasi.

Umbwilo 18:3

Pano antu amu nko zyonsi yamwa waini wakwe mukali uwa mbunu ya uzelele. Yakateeka amu nsi yacita ulenzyo na aliwe, nga na aculuzi amu nsi yaya akama pamulandu wa lwiswa lwakwe ulutangasila.”

2 Petulo 2:3

Pamulandu wa kutemwisya cuma yene yalamusomba na mazwi aucenjezi. Lelo kuvunukwa kwao kwateyanyiziwa mpiti, nu kononwa kwao kukayalolela.

Oseya 4:8

Yene yakaya akama ukupitila mu kwifya kwa antu yane, nupya yakalonda ukuti antu yayo yalukulunda penepo ukwifya.

Milimo 19:24

Muntu umwi uwali kasula, izina lyakwe Demetiliyo uwasulanga siluva apanga vinkolanya vya ng'anda ikulu ya mapepo yakupepelamo Alitemi, leza wao mwanaci. Uculuzi wakwe uu, waletalanga aomvi yakwe muzano ukulu cuze.

Milimo 19:26

Ndakai, mukuuvwa nu kuilolela mweisikulu vino umuntu wi Paulo akucita. Akuti yaleza apangwa na makasa ya antu yasi yaleza awe, nupya wataongola nu kupuulula antu aingi, muno mu Efeso na konsi mu muputule wa mpanga ya Asiya.