Milimo 19:23 - Amazwi Yakwe Leza 2013

²³ Cali pa nsita kwene ii lino kwali cimvulunganya mu Efeso pamulandu ni nzila ya Mwene.

Milimo 19:23 Referans Kwoze

Milimo 24:22

Lyene Felikisi wamanyile ningo vyonsi vya nzila ya Mwene. Caleka azinyazinya mulandu ati, “Alala Lisiasi, musika mukalamba uwa asilika wiza alino ndaputula mulandu winu.”

Milimo 19:9

Lelo yamwi yali akome myenzo, yakana ukutaila, yavwanga viipe pamulandu na mazwi ya Mwene pa manso ya antu onsi. Paulo ayasya apita pamwi na alondezi yaya, nga cila wanda ala yakukomana nu kulanzyanya mwi sukulu lyakwe Tilano.

Milimo 9:2

kuti angamupeela ya kalata akuimanyisya ku ntunguluzi zya Ciyuda mu mang'anda ya mapepo ku Damasiko, pakuti ndi wazanyileko yamwi akalondela nzila ya Mwene, akwate maka aku yalema onsi, aonsi na anaci, ayatwale ku Yelusalemu.

2 Kolinto 6:9

Swemo tutamanyikwa kuli yauze, lelo twamanyikwa ningo kuno muli. Yakati tuli nu kufwa, lelo tucili nu umi. Antu yatuvunuka, lelo yatatukoma.

Milimo 24:14

Lelo nkuzumila cii pa manso inu, ukuti nkapepa Leza wa vikolwe vitu pa kulondela inzila ilya ino yakati iyaufi. Lelo nataila na muli vyonsi ivyalembwa mu Masunde yakwe Mose, nu mu mpapulo zyakwe yakasema.

Milimo 22:4

Nazunyanga nu kukomisya yamwi alondelanga nzila ya Mwene. Nalemanga aonsi na anaci nu kuyayalila mu ng'anda yaminyololo.

Milimo 18:26

Watandike ukuvwanga nu kupama mu ng'anda yamapepo. Lino Pulisila na Akwila yamuvwa, yamusenda ku ng'anda kumwao yamulondolwela ningo ivya nzila yakwe Leza.

2 Kolinto 6:5

Tumwanga, twanyepwanga mu man'ganda ya minyololo nga nu kuciswa mu zya mpanzela. Twaombesyanga nupya tutalalanga tulo nanti kulya.

2 Kolinto 11:26

Mukasi ka nyendo zyane zingi, nali mu uzanzo wakusambela kwa nguzi, nu wa vipondo, nu wa Ayuda nga na Akulukuwa. Umi wane wali mu uzanzo mukasi ka misumba ikulu, mu lwanga, pali yemba, nga na pakasi ka antu yano aitakanga ukuti aina Klistu lelo yatali vivyo.