Milimo 19:21 - Amazwi Yakwe Leza 2013

²¹ Pacisila cakwe vii, Paulo apanga kuti apite mu mpanga ya Makedoniya na Akaya nga aye ku Yelusalemu. Avwanga ati, “Ndi nafika kweneko, alino indi nu kuya ku Loma.”

Milimo 19:21 Referans Kwoze

Milimo 20:22

Lyene ndakai, pa kuyela Mupasi Wamuzilo nkuya ku Yelusalemu, ukwaula kumanya icilamponela kweneko.

Milimo 20:16

Paulo wasolwile kuti apuzye pa Efeso, pakuti atasumba kasita kamwi mu muputule wa mpanga ya Asiya. Walanga atapimpa pa kuti ndi cingaya, afike mu Yelusalemu pa wanda wa kuzevya Pentekosti.

Milimo 23:11

Usiku wa wanda walondelela, Mwene aimilila apali Paulo ati, “Posya sile! Wakwe vino watupeela umboni uwa pali nene muno mu Yelusalemu, avino ulinzile upele nu ku Loma kwene.”

Loma 1:13

Mwe inane nkasi mumanye vino insita zingi nkapanga ukwiza mupempula. Lelo kuli cikandesya. Nkalonda kwiza zombola vizao vya ku Mupasi muli mwemwe wakwe vino nacita mu Akulukuwa yauze.

Milimo 18:21

Apa kupita lino akuyapakasya, ayanena ati, “Ndawela nupya kunomuli, ndi Leza akasi.” Alino apatama mu wato, afuma ku Efeso.

1 Tesalonika 1:7

Mwizile muya cilangililo ca alondezi ya Mwene amu Makedoniya nu mu Akaya.

Galatiya 2:1

Pacisila ca myaka ikumi na iini, naswilile ku Yelusalemu pamwi na Banaba nga na Tito.

1 Kolinto 16:5

Ndiza mfike kunomuli pacisila ca kupita mu mpanga ya Makedoniya.

Loma 1:15

Caleka nkalondesya kukosola Ilandwe Lisuma na kuli mwemwe mwe muno mwikala mu Loma.

Milimo 28:16

Lino twafika mu Loma, Paulo yamuleka kuti aikalile wenga nu musilika ala akumulinda.

Milimo 27:24

‘Utuvwa intete, Paulo! Uli nu kuya imilila pa manso yakwe Kesa. Leza mu usuma wakwe kunuli watakupeela amaumi ya antu yonsi yano mupatime nao, yatakufwa.’

Milimo 27:1

Lino yapingula ukuti tuli nu kuya ku Italya mu wato, Yapela Paulo na anyepwe yauze kuli Juliasi musika wa asilika, uwali uwamu mpuka ya vita ino yatangi Impuka yakwe kateeka Agostino.

Milimo 21:17

Lino twafika mu Yelusalemu aina itu yatuzengela ningo.

Milimo 21:4

Tulonda, tuzanako aina Klistu yamwi, nga twikala nao mulungu onga. Nao Mupasi Wamuzilo ayanena kusoka Paulo kuti atakaye ku Yelusalemu.

Milimo 18:12

Lino Galio wali mulasi uwaku Akaya, Ayuda yonsi pamwi yakatukila Paulo, yamulema yamutwala ku cilye,

Nyimbo zya ndosya 3:37

Uzye aweni angalandapo cimwi nu kucitika cicitike, ndi cakuti Umwene aliwe atakasi?

Milimo 16:12

Kufuma kuku twapisile pa mulundu tuya ku Filipi, musumba wankolelo mu mpanga ya Makedoniya, nayo kwene yali mpanga ya ulasi wa Ciloma. Twatenzimo manda aingi.

Milimo 19:22

Alino atuma yakazwa yakwe yaili, Timoti na Elasita ku Makedoniya, wene asyala mu muputule wa mpanga ya Asiya pa nsita imwi.

Milimo 19:29

Kuya cimvulunganya mu musumba onsi. Iumba lilema Gayusi na Alisitako, aina Makedoniya apitanga na Paulo, yayasenda ku ng'anda ya kukonganilamo nanti kucinilamo.

Loma 1:11

Pano nkulondesya kumulola kuti tukize tukankane wila wakwe Mupasi Wamuzilo uno napokelela pakuti mukomeleke.

1 Kolinto 4:19

Ndi cakuti Mwene akasi, ndiza zuwazuwa kunomuli, nga lyene nemwisikulu ndalondelezya milimo ya antu yaa amataki ndi yakuomba nanti kuvwanga sile.

2 Kolinto 10:16

Lyene tulakosola Ilandwe Lisuma mu mpanga zyuze mumo muno tutangalonda kutasiwa pa mulimo uno muntu umwi wacita mpiti.