Milimo 19:18 - Amazwi Yakwe Leza 2013

¹⁸ Yano ataile aingi iiza yazumila nu kuilongwela paswe vino yacisile.

Milimo 19:18 Referans Kwoze

Loma 10:10

Pano tukataila mu mwenzo nu kutaka utailo witu. Lyene Leza akatucita kuya aololoke pa manso yakwe, atutuula.

Mateo 3:6

Yene yailongwelanga maifyo yao, nga nawe ayawatizya mu luzi lwa Yodani.

Masamu 32:5

Ali vino nasuka nakulongwela amaifyo yane, ukwaula ukukufisa nanti lyonga. Navwanga nati, “Kanje kuli Yawe nkailongwele amaifyo yane,” nawe fwandi ali pa kunjela uluse uku viipe vyane vyonsi.

1 Yoane 1:9

Lelo ndi twailongwela maifyo itu kuli Leza, wene uwakutailwa nupya uwa cumi ku ulayo wakwe. Alatwelela maifyo itu nu kutusangulula ku kuluvyanya kwitu konsi.

Ezekelo 36:31

Alino mulaiusya imipitile inu iipe yampiti, ni micitile inu yampiti iipe, alino lyene namwe kwene mulavipata pamulandu wa uyi wakwevyo nu winyi wakwevyo.

Ezekelo 16:63

Ali pakuti uce ukaiusya nu kulemwa ni nsonyi, ukasyalilile cele mu nsonyi zyako, lilyo lino ndakuyelela uluse kuli vyonsi vino wacita. Ivyalanda ne Yawe.”

Yelemiya 3:13

Cikulu sile umanye uyi uno wacita, apakusangukila Yawe Leza wako, apakucina umwisika lya vimuti ivivumbilikizye, alino na pakukana uvwa izwi lyane.’” Ivyalanda ne Yawe.

Mapinda 28:13

Wiyo akafisa amaifyo yakwe atalaya nu longo foo. Lelo wiyo akailongwela amaifyo nu kuzenzuka, akaelelwa uluse.

Aina Levi 26:40

“Lelo amu mupanda winu yalailongwela maifyo yao na maifyo ya vikolwe vyao vino vyankanyile nu kunsangukila,

Aina Levi 16:21

Alinzile kwika makasa yakwe yoili pa mutwe wa mbuzi iyo, alino ailongwele uyi wakwe na maifyo yakwe, na ucisanguka wa ina Izlaeli pa mutwe wa mbuzi. Pa kucita vii ale watwika vyonsi pa mutwe wa mbuzi. Lyene umuntu umwi wino watasontwa alinzile kuzingila imbuzi iyo mu lwanga.

Milimo 19:17

Ayuda na Akulukuwa aikalanga mu Efeso yuvwile pali cii. Lyene yonsi yuvwa intete cuze, nga ni zina lya Mwene Yesu licindikwa cuze.

Milimo 19:19

Aingi muli yano acitanga malele yaleta impapulo zyao apali pamwi yazyoca pa manso ya antu. Lino yapenda yazana vino mutengo wakwezyo wali impiya zyakwe siluva mazimbi makumi yasano.

Yakobo 5:16

Caleka, lyene mwailongwela maifyo inu wenga nu muze, nu kupepelana kuti mupoziwe. Ipepo lya muntu wino akacita vyawololoke lyakwata maka cuze.