Milimo 19:13 - Amazwi Yakwe Leza 2013

¹³ Ayuda yamwi, apitanga ala yakufumya mipasi yankota, nao kwene yezizye ukuomvya izina lya Mwene Yesu pa antu ali ni mipasi yankota. Yavwanga ku mipasi yankota yati, “Tukumupeela ilamulo mwi zina lyakwe Yesu, wino Paulo akakosola, twati fumini.”

Milimo 19:13 Referans Kwoze

Mateo 12:27

Ndi nkafumya mipasi yankota mu maka yakwe Belezebu, uzye antu inu yakaifumya mu maka yakwe weni? Caleka nda vino cili antu inu kwene yalamupingula ukuti mwaponga.

Mako 9:38

Yoane nawe amunena ati, “Kasambilizya, twaweni umuntu umwi ala akufumya mipasi yankota mwi zina lyako, nga twamulesizye, pano asi uwa mwi umba litu.”

Luka 11:19

Ndi nkafumya mipasi yankota mu maka yakwe Belezebu, uzye antu inu yakaifumya mu maka yakwe weni? Caleka antu inu kwene yalamupingula ukuti mwaponga.

Luka 9:49

Yoane avwanga ati, “Kasambilizya, twaweni umuntu umwi ala akufumya mipasi yankota mwi zina lyako, nga twamulesizye pano asi uwa mwi umba litu.”

Mako 5:7

apunda ni zwi likulu ati, “Yesu, we Mwana wakwe Leza uwa papelapela, uzye ukulonda cani kunondi? Lapa pa manso yakwe Leza, ukuti, utakuncuzya!”

Mateo 26:63

Lelo Yesu aya cele. Alino Simapepo Mukulu amunena ati, “Nakunena, Lapa pa manso yakwe Leza umumi, utunene ndi wewe uli Katuula uwalavilwe, Mwana wakwe Leza.”

1 Yamwene 22:16

Lelo Aabu alondekanya ukuuzya ati, “Uzye amaila yanga yano ningakunena, pakuti lino ukulanda umwi zina lyakwe Yawe ulinzile wavwanga ivyacumi?”

1 Samueli 14:24

Lyene aina Izlaeli iyaongoka ku nzala pa wanda ulya, pamulandu wakuti Saulo wayapile ilamulo nu mulapo ku vita, ati, “Citipu ciye pa muntu ali wensi uwalya icakulya lino ilanzi litali liwe, nupya lino ntali incite icilanduzi pa anisi yane!” Icaleka kusi umuntu nanti wenga uwalile icakulya pa wanda ulya.

Yoswa 6:26

Pa nsita ilya Yoswa avwanga amazwi yaa amisindicila akuti, “Si citipu cakwe Yawe cikaye pa muntu wino aliza ku kukuululula umusumba uu, wa Yeliko: pakusokola umufula wauko, cazipa akafwilwe umwana wakwe umonsi wiyeli, na pakusimpa impongolo zyakweo, cazipa akafwilwe umwana wakwe umonsi kasuli.”

Utandiko 4:14

Lola, watunsukula ku kulima umusili nga nu ku manso yako. Ntalatala nje ni teko, nupya ndazeuluka pano nsi, na wino wensi alankomanya alankoma.”

Utandiko 4:12

Ndi ulezya kulima vilimwa, musili utalakumezezya nanti cimwi. Acino wemo utalatala uye ni teko nupya ulazeuluka sile muno nsi.”

Masamu 109:10

Lekini ana yakwe yazeuluka, yalenga lenga sile yasuke yayazinge nu mu matongwa yao!

Milimo 19:14

Acitanga vii, ana yakalume cinimbali, ana yakwe Sikeva, Simapepo mukulu wa Ayuda.

2 Kolinto 11:4

Pano umwi ndi wiza nu kukosola ilandwe lyuze lipusane ni landwe lya pali Klistu, nanti ndi mwapokelela mupasi muze apusine na Mupasi Wamuzilo, nanti ndi mwapokelela ilandwe lyuze lipusane ni Landwe Lisuma lino mwapokelile, ale lyene mukuyela landwe lilyo.