Milimo 18:28 - Amazwi Yakwe Leza 2013

²⁸ Wene wapazyanyanga na Ayuda mu mivwangile pa manso ya antu, ala akuyasinila mu malembelo vino Yesu a Klistu.

Milimo 18:28 Referans Kwoze

Milimo 18:5

Lino Sailasi na Timoti yafisile kufuma ku Makedoniya, Paulo wasumvile nsita yonsi mu kukosola ilandwe lya Mwene, ala akunena Ayuda ukuti Yesu ali Klistu.

Milimo 9:22

Lelo kukosola kwakwe Saulo kuya ukwa maka kuluta, ni visinka vyakwe ivyakuti Yesu wali a Klistu vitali vyakutwisika, cakuti Ayuda ali mu Damasiko yatangamuzya nanti cimwi.

Luka 24:44

Lyene ayanena ati, “Vii, vili vintu vino namunenanga lino nali namwe, ukuti vintu vyonsi vino vyalemvilwe pamulandu wane mu mpapulo zyakwe Mose na zyakwe yakasema, nga nu mu Masamu vilinzile kufikiliziwa.”

Milimo 17:3

ala akuyalondolwela nu kuyasinila vino calingine kuti Klistu acule nu kuzyukuka kufuma ku afwe. Paulo ayanena ati, “Yesu kwene wii, wino nkukosola kunomuli ali Klistu.”

Yoane 5:39

Mwemo mukalondelezya nu kusambilila mu malembelo, pano mukaelenganya vino mulazanamo umi wape. Malembelo kwene yaa yakapela umboni pamulandu wane.

Luka 24:27

Lyene Yesu ayalondolwela vyonsi vyaya mu mpapulo zyakwe Mose na yakasema, pamulandu wakwe umwisikulu.

Milimo 18:25

Muntu wii wasambiliziwe pamulandu wa nzila ya Mwene, nupya wali umukampuke mu kukosola ala akusambilizya ningo ivisinka vya pali Yesu. Lelo, nanti cali vivyo, wamanyile sile uluwatizyo lwakwe Yoane.

Luka 1:80

Lino Yoane wakulanga, Mupasi Wamuzilo wamupile maka akulu cuze. Watenzi mu lwanga kufika uwanda uno wizile aloleka paswe ku ina Izlaeli.

Milimo 8:35

Lyene Filipo atandika kuvwanga. Atandikila pa ciputulwa ca malembelo kwene cii, amunena Ilandwe Lisuma lya pali Yesu.