Milimo 17:30 - Amazwi Yakwe Leza 2013

³⁰ Caleka nsita zyakuntamanya Leza wasulanga kuli vino antu yacitanga. Lelo ndakai watapela ilamulo ku antu yonsi konsikonsi kuti yazenzuke.

Milimo 17:30 Referans Kwoze

Milimo 14:16

Ku mpiti walesile antu kucita vyonsi vino yakulonda.

Luka 24:47

nga nu kuti mwi zina lyakwe kuye kukosola ku antu amu nko zyonsi, kutandikila mu Yelusalemu, pakuti yazenzuke nu kuti Leza ayelele maifyo yao.

1 Petulo 4:3

Mwemo mwasumvile nsita mu kucita vintu wa antu atataila Leza. Mwemo mwacitanga vya winyi, mwali ni mbunu, mu ukolesi, nu mu kuwowota, mu muzangalwe mu nsaka zya ukolesi, nga nu mumipepele iya winyi ya tuluwi.

Loma 3:25

Leza wamutumile Klistu kuya impolelwa kuti mu mfwa yakwe amuno maifyo ya antu yangelelwa pa kutaila munoli. Leza wacisile vii pa kulanga ukuti wene mololoke. Mpiti Leza watekanga umwenzo nu kusulako ku maifyo yano antu yacitanga.

Milimo 3:19

Caleka zenzukini, nu kuswilila kuli Leza pakuti nawe amwelele maifyo inu,

Loma 2:4

Nanti uzye ukasula kuvula kwa luse lwakwe Leza na vino akatutekela mwenzo? Uzye utamanyile vino Leza ali nu luse kunuli kuti akutungulule ku kuzenzuka?

Loma 1:28

Mulandu uno antu yakana kusunga mano ya cumi apali Leza mu myenzo yao, Leza wayafutatila kuti yalondela melenganyo yao a ukakasi na kuti yacita vintu vino vitaine kucita.

Milimo 20:21

Nasokanga Ayuda na Akulukuwa kwene ukuti yazenzuke ize kuli Leza nu kuti yataile mu Mwene Yesu.

Luka 13:5

Namunena nati, awe. Lelo ndi mutangazenzuka, mwensi kwene mulalowa wakwe vino yalovile.”

Masamu 50:21

Ee, avino mukacita. Uzye mukulonda ukuti nani nsule sile? Uzye mukuti nani naya wakwe mwemwe? Ee, mwalola! Ilelo namunenelapo, namutotwela tonsi pyu.

Milimo 17:23

Pano lino natandalanga mu musumba winu nu kulola mu vifulo vino mukapepelamo, nazanyile akavuwa apalembwa ukuti, ‘Kuli Leza wino atamanyikwa.’ Cico cino mukapepa mu kuntamanya, acino ndakai namamulandila.

Milimo 11:18

Lyene lino yuvwa vintu vii, yata kupazyanya nawe, lelo yati, “Lyene Leza watapela Akulukuwa isyuko lya kuzenzuka kuti yaye nu umi!”

Mako 6:12

Caleka yapita nu kukosola kuti antu yazenzuke.

Mako 1:15

Avwanga ati, “Insita yati fika, nu Wene wakwe Leza wati upalama pipi! Zenzukini nu kutaila Ilandwe Lisuma!”

Mateo 3:2

akuti, “Zenzukini, pano Wene wa mwiyulu wati upalama pipi.”

2 Kolinto 7:10

Pano ulanda uno Leza akaomvya wene ukuleta ukuzenzuka kuno kukatungulula ku ufyusi. Caleka mutalinzile kuvwa ulanda pali cii. Pano kuvwa ulanda wakwe vino amu nsi yakacita kwene kukaleta imfwa.

Luka 15:10

Namunena vino mu musango uli onga, angeli yakwe Leza yakazanga pali kaifya wenga uwazenzuka.”

Mateo 4:17

Kufuma pa nsita kwene ilya, Yesu atandika kukosola, ati, “Zenzukini, pano Wene wa mwiyulu wati upalama pipi.”

Loma 3:23

Pano antu yonsi iifya, nupya yali kutali na Leza wino akatuula.

Ezaya 21:12

Alino nani namwaswike inti, “Kwene wasya uce, nga lelo nupya kwene wasya wize wiile. Ndu kasi, ungiza uuzye nupya.”

Mateo 20:7

Nao yamwasuka yati, ‘Pano kusi umwi wakutulemba incito.’ Nawe ayanena ati, ‘Namwe kwene yangini mukaomba mu calo cane ca matingi.’