Milimo 17:28 - Amazwi Yakwe Leza 2013

²⁸ ndi vino umwi walanda wati, ‘Pano munoli twakwata umi, tukapita sweswe antu.’ Cili wakwe vino yakalemba inu ya numbo yati, ‘Pano naswe kwene sweswe ana yakwe!’

Milimo 17:28 Referans Kwoze

Yobo 12:10

Ala umi wa vintu vyonsi ivikafuta waya umu minwe yakwe Leza, ndi vino nu umi wa muntu kwene waya.

Kolose 1:17

Klistu akuno wali lino vyonsi vitali viyeko, nupya muli aliwe cintu consi cakwata cifulo caciko.

Ayebulai 1:3

Kuyengesa kwa lulumbi lwakwe Leza kukaloleka muli aliwe, nupya wene atapusana na aliwe mu mwata wakwe. Wene walemelela vintu vyonsi kwi zwi lyakwe lya maka. Pacisila cakuswefya antu kufuma ku maifyo, wene waile aikala kwiyulu kwikasa lilunji lyakwe Leza wa maka yonsi.

Masamu 36:9

Umucumi intendekelo ya umi yaya kunuli, tukalola nu luswepo ndi cakuti watukozezya.

Luka 20:38

Wene asi Leza wa afwe, lelo a Leza wa antu aumi. Pano kunoli antu yonsi aumi.”

Yoane 5:26

Vino Tata ali ntulo ya umi, avino walenga nu Mwana kwene kuti aye intulo ya umi.

Yoane 11:25

Yesu ati, “Nene kuzyukuka nu umi. Wino wensi wantaila nanti angafwa alaya nu umi nupya.

Masamu 66:9

Aliwe akatusunga nu kutupisya ulumi, nu kuleka ingazo zitu ukukana syetuka.

Ayebulai 12:9

Akwasi itu yakatusunda, nga naswe tukayacindika. Uzye lyene tutangalusya kutontela Tata uwaku mupasi nga tuye nu umi?

1 Samueli 25:29

Ndi umuntu mui wezya ku kuzanza kuti akukome, Yawe Leza wako alakucingilila wakwe vino umwi akacingilila icuma icamutengo ukulu. Lelo wene alavwinta anisi yako wakwe vino antu yakafiika amawe na legeni.

Danieli 5:23

Wemo wasangukile Umwene wa mwiyulu. Wapile ilamulo kuti yakuletele ingako ni ngeso ukufuma mu Ng'anda ikulu yakwe Leza. Alino wewe, na yacilolo yako, na aci yako, na aci yako apa mbali yamwelile waini mu viya vii nu kulumbanya tuleza utwapangilwa na siluva na zaabu, nu mukuwa, ni cela, ni mbao nga na mawe, vivyo ivitangalola nanti ukuvwa. Lelo utacindike Leza wino wafumbata umi wako umwi kasa lyakwe kumwi na vyonsi vino ukacita.

Luka 3:38

mwana wakwe Enosi, mwana wakwe Seti, mwana wakwe Adamu, mwana wakwe Leza.

Tito 1:12

Mwina Kulete umwisikulu, wenga uwa muli yakasema yao, uwavwanzile cumi lino wavwanzile ati, “Aina Kulete yene lyonsi antumpu. Yene yakoline wa vilyanyi. Yene yalilikisya nupya akasu.”

Malango 30:20

Muce mwatemwa Yawe Leza winu, mwamuyela nu kuya akutailwa kunoli, nga nawe alaleka mwemwe na amu mupanda winu mwikale amanda avule mu mpanga ino walavile ukupeela ivikolwe vinu, Abulaamu, Isaki, na Yakobo.”

Yelemiya 38:16

Lelo umwene Zedekiya alapa mu umfisolo kuli Yelemiya ati, “Cumi cumi Leza andye, intakukukoma foo. Ntalakusumba mu makasa ya antu yaa yano yakulonda kukukoma.”

Ayebulai 2:11

Wene akaswefya antu ku maifyo yao, nga aliwe pamwi na yao aswefiwa yonsi kwene Isi a wenga mpo. Uli mulandu uno Yesu asi ni nsonyi zya kuyama ukuti aina yakwe.