Milimo 17:25 - Amazwi Yakwe Leza 2013

²⁵ “Nupya asilonda cimwi cino tungaleta kunoli apakumuombela, pano umwisikulu akapeela umi nu muza ni vintu vyonsi kuli onsi.

Milimo 17:25 Referans Kwoze

Utandiko 2:7

Lyene Yawe Leza atoola ivu ukufuma ku musili nga apanga umuntu. Alino aputa umupu ukapeela umi mu mpuno yakwe, nga umuntu aya nu umi.

Loma 11:35

Uzye aweni uwatala amupeela cimwi nawe amuwezezya?”

Milimo 17:28

ndi vino umwi walanda wati, ‘Pano munoli twakwata umi, tukapita sweswe antu.’ Cili wakwe vino yakalemba inu ya numbo yati, ‘Pano naswe kwene sweswe ana yakwe!’

Ezaya 42:5

Yawe, Leza, wiyo uwaumvile amayulu nu kuyavungulula, wiyo uwakonzolwile insi na vyonsi ivyafuma mwenemo, nu kupeela umi kuli yonsi akapita mwenemo. Wene wavwanga wati,

Yobo 33:4

Pasi pano umupasi wakwe Leza ali uno uli muli nene. Umupasi wakwe Leza ali uno wampeela umi wane.

Yobo 22:2

“Uzye umuntu angaya wamuzano kuli Leza? Awe, umuntu wamano akailetela sile umuzano umwisikulu.

1 Timoti 6:17

Uwanena akama mu vintu vyamu nsi kuti yataitumika, nupya yatapaalila mu vyuma vino vitakwata uyo, suka muli Leza. Wene kwaula lusoko akatupeela vintu vyonsi ivyakutuzanzya.

Yobo 27:3

Insita zyonsi lino incili nu umi, nupya lino ncikweti umupu wakwe Leza kwene umu mpuno zyane,

Zakaliya 12:1

Ii imbila ya mazwi yakwe Yawe akumile Izlaeli. Yawe, wiyo uwanzika amayulu, uwaumba insi, aliwe akapeela umi ku muntu. Wene wavwanga wati,

Masamu 16:2

Nanena Yawe nati, “Wewe uli Mwene wane. Wewe uli cuma cane pasi namuze.”

Yobo 12:10

Ala umi wa vintu vyonsi ivikafuta waya umu minwe yakwe Leza, ndi vino nu umi wa muntu kwene waya.

Milimo 14:17

Lelo Leza asita kupeela umboni uwa pali aliwe umwisikulu kupitila mu vintu visuma vino akacita. Wene akamupeela imvula kufuma mwiyulu nu kuleka kuti vilimwa vikule pa nsita isuma. Wene akamupeela ivyakulya nu kuzuzya myenzo inu nu luzango.”

Mateo 9:13

Acino kasambililini mazwi mu malembelo vino yakusenula, yano akati, ‘Nkulonda kuti mwalanga uluse ku antu yauzo kuluta kundetela impolelwa.’ Ntiza kukwama aololoke, lelo nizila yakaifya.”

Mateo 5:45

pakuti muye ana yakwe So uwa mwiyulu. Pano wene akawazya ilanzi pa antu asuma na pa aipe kwene. Akatuma imvula pa antu aololoke na pali yao asi aololoke.

Ezaya 57:16

“Pano nene napeela antu yane umi. Ali cino fwandi ntalatala njalemanizye, nanti ukuyasokela lyonsi foo.

Yobo 34:14

Ndi cali icakuti Leza atale afumye mupasi wakwe pano nsi, afumyepo nu mupu wakwe,

Mpendwa 27:16

“Si angala Yawe Leza, kapeela wa umi ku antu yonsi, asontele iuvi lii intunguluzi

Mpendwa 16:22

Lelo Mose na Aaloni yafukama pansi yafupime nga yapunda yati, “Iye we Leza, wewe uli ntendekelo ya umi. Uzye ungasokela iuvi lyonsi lino umuntu wenga umwi uvi wifya?”

Malango 30:20

Muce mwatemwa Yawe Leza winu, mwamuyela nu kuya akutailwa kunoli, nga nawe alaleka mwemwe na amu mupanda winu mwikale amanda avule mu mpanga ino walavile ukupeela ivikolwe vinu, Abulaamu, Isaki, na Yakobo.”

Yelemiya 38:16

Lelo umwene Zedekiya alapa mu umfisolo kuli Yelemiya ati, “Cumi cumi Leza andye, intakukukoma foo. Ntalakusumba mu makasa ya antu yaa yano yakulonda kukukoma.”