Milimo 17:10 - Amazwi Yakwe Leza 2013

¹⁰ Zuwa lino kwafita, aina yatuma Paulo na Sailasi ku Belea. Lino yafikako, yaya ku ng'anda yamapepo ya Ayuda.

Milimo 17:10 Referans Kwoze

1 Tesalonika 2:2

Mumanyile vino antu yatucuzizye nu kututuka mu musumba wa Filipi lino tutali twize kuno muli ku Tesalonika. Lelo Leza watukomelizye cuze kuti tukosole Ilandwe Lisuma kunomuli lya pali aliwe, nanti angala antu yatulwisizye cuze.

Milimo 17:2

Lyene ndi vino umwata wakwe wali, Paulo aingila muno yali. Pa Masabata yatatu alanzyanya nao mu malembelo,

Milimo 20:4

Sopata, mwana Pilusi, uwafumile ku Belea, amusukilila, avino na Alisitako na Sekundo uwafumile ku Tesalonika, Gayusi uwa ku Debe na Timoti nga na Tikikasi na Tulofimo, afumile ku Asiya.

Milimo 9:25

Lelo usiku alondezi yakwe Saulo yamusenda, yamufumizya apali cipongo mu lung'umba lwi linga, yamwisizya pansi mu muse.

1 Samueli 20:42

Lyene Yonatani anena Davidi ati, “Leza aye nawe, pano twandana ucuza nu mulapo umwi zina lyakwe Yawe, tula tukuti, ‘Yawe ali kambone pakasi kakwe wewe nani, na pakasi ka amu mupanda wako na amu mupanda wane amanda pe.’ ” Lyene Davidi afumapo, nga Yonatani nawe aswilila ku musumba.

Milimo 1:15

Pacisila ca manda yanono kwali ukongano wakwe yao ataile. Yali manye umwanda na makumi yaili. Alino Petulo aimilila pakasi kao avwanga ati,

Milimo 9:20

Alungama sile mu mang'anda ya mapepo atandika kukosola ndi vino Yesu Mwana wakwe Leza.

Milimo 15:22

Lyene atumwa na aikolo, pali pamwi ni iuvi lyonsi yelenganya kusolola aomvi yamwi kufuma mwi umba nu kuyatuma ku Antioki pamwi na Paulo na Banaba. Lyene yasola Yuda, wino yamanga Basabasi nga na Sailasi, antu yaa oili yano acindikwe cuze mu ina.

Milimo 17:1

Paulo na auze yapita yapuzya mu Amfipolisi nu mu Apoloniya iiza ku Tesalonika, ukwali ng'anda ya mapepo ya Ayuda.

Milimo 17:4

Yamwi munoyali yataila mazwi yailundanya kuli Paulo na Sailasi, nga ni umba lya Agiliki yano apepanga Leza, na anaci acindame, nao kwene yailundanya kunoyali.

Milimo 17:6

Lelo lino yatayazanyile, yafumizye Yasoni na yano ataile yayatwala ku ntunguluzi zya musumba, yapunda yati, “Antu yaa yacita icimvulunganya mu misumba yonsi! Ndakai yati iiza nu mu musumba witu kwene,