Milimo 16:25 - Amazwi Yakwe Leza 2013

²⁵ Pa nsita imwi, manye usiku pakasi, Paulo na Sailasi yapepanga nu kwimba inyimbo kuli Leza, na anyepwe yauze yakutikanga kunoyali.

Milimo 16:25 Referans Kwoze

Yakobo 1:2

Inane, mwelenganye ukuti mwemwe yasyuke lino kweziwa kwa misango yonsi kwiza pakasi kinu.

Masamu 119:62

Usiku pakasi nkakatuka ukukuwanzya apa upinguzi wako ulungame.

Loma 5:3

Pasi pali cico sile cino tukailumbilapo lelo na pa macuzi itu kwene, pano twamanya vino ucuzi ukaleta kuposya

Masamu 77:6

Nkalola uca, ala nkwelenganya. Nkaivwanzya nu mu mwenzo ala nkuti,

Ayebulai 5:7

Lino Yesu wali pano nsi wene wapepanga nu kulenga Leza ni zwi likulu na minsozi, wino uwali na maka akumutuula ku mfwa. Leza wamuvwile, pano wene waicefizye nu kuya uwa cumi kunoli.

Efeso 5:19

Mwalanzyanya mazwi amu Masamu, mu nyimbo zya kulumbanya Leza nga ni nyimbo zyuze zya kulumbanya Leza mu myenzo inu.

Kolose 1:24

Ndakai indi nu luzango pamulandu wa kuculila mwemwe. Pano kupitila mu kucula kwane kwaku mwili nemo nkwazwilizya kumalila kucula kwakwe Klistu ukwasyalapo pamulandu wi uvi, lili mwili wakwe.

Loma 12:12

Lekini upaalilo winu umuletele luzango. Tekini myenzo mu ntazi zinu, nga nu kupepa nsita zyonsi.

Masamu 50:15

Mwemo mwandaizya sile ndi mwazanzwa na malanda. Nemo namamutasyanga, namwe mumandumbanyanga.

Yobo 35:10

Lelo kusi nanti wenga akavwanga ati, ‘Uzye Leza kaumba wane ali kwi, wiyo akaleka ukuti inyimbo zya luzango zyuvwike usiku.

Ezaya 30:29

Lelo kwene mwemo mwe antu yakwe Leza, mwemuno mumasansamukanga, mumaimbilanga ni nyimbo zizi kwene zino mukaimbila usiku pa wanda ukulu wakucindika Leza. Mumasansamukanga wa antu akapita umulongo ala yakulizya imitolilo pakuya ku Ng'anda ikulu yakwe Leza, Kataasya wa ina Izlaeli.

Masamu 71:7

Antu aingi yakazunguka kuli nene, lelo nemo awewe nkazina mwenemo, wewe wamaka umu cumi.

Masamu 34:1

Namawanzyanga Yawe insita zyonsi. Ntalatonta uku mulumbanya.

1 Petulo 4:14

Alongo amwemwe ndi cakuti antu yamutuka pamulandu wakulondela Klistu. Cii cikulanga ukuti Mupasi wa lulumbi, Mupasi wakwe Leza ali namwe.

Filipi 2:17

Utailo winu mu Mwene nga nu kuomba kwinu vikoline wa mpolelwa iyapeelwa kunoli. Nu wazi wane ungapongolwelwa pa kupeela impolelwa. Cii ndi cacitika, ndazanga nu kusansamuka pamwi namwe.

2 Kolinto 6:10

Yakati sweswe ya ulanda, lelo tukazanga lyonsi. Yakati sweswe apina, lelo tukalenga antu aingi kuya akama. Yakati tutakweti nanti cimwi, lelo tukweti vyonsi.

Milimo 5:41

Atumwa nao yafuma mwi Tengo, yazanga cuze, pano Leza wayapendile kuya alinge kusulwa pamulandu wi zina lyakwe Yesu.

Zakaliya 3:8

“ ‘Caleka uvwa kunondi, we Yoswa. Wemo wewe Simapepo Mukulu, alino namwe mwe yasimapepo yauze uvwini kunondi. Mwemo mwemwe cimanyililo icakumanyila ivilaya kweneko. Mu cumi indi nu kusokolola umuomvi wane akaamwa ukuti Musambo.

Masamu 119:55

We Yawe, ala usiku nkakwiusya, nga namayelanga amasunde yako.

Masamu 42:8

Su mwene alukulanga ukutemwa kwakwe ukwa pe akasanya, apakuti nalukumwimbila usiku, nu kupepa kuli Leza wiyo akampeela uumi.

Luka 22:44

Mu kunyunguluka kukulu cuze apepa ukuluta, ala ni yevu lyakwe likutonela pansi kwati amamata akulu a wazi.]

Masamu 91:15

Lino yene yalandaizya nemo ndayasuka, lino yaponelwa namalanda nemo namayanga nayo. Namayataasyanga nu kuyacindamika.

Masamu 77:2

Umu nsita ya macuzi nemo nkapapata Umwene. Usiku onsi nkakatusya makasa yane nu kupepa aliwe kwene, lelo umwenzo wane usi myalalikwa foo.

Yakobo 5:13

Uzye munomuli muli umwi ali mu ntazi? Wene alinzile kupepa. Uzye kuli umwi watazanga? Wene alinzile kwimbila nyimbo zya kulumbanya Leza.

Masamu 22:2

Leza wane, muno nali nkupunda kasanya konsi lelo ukwaula kuti ungasuke. Nanti usiku kwene, ntange indole utulo!

Milimo 15:22

Lyene atumwa na aikolo, pali pamwi ni iuvi lyonsi yelenganya kusolola aomvi yamwi kufuma mwi umba nu kuyatuma ku Antioki pamwi na Paulo na Banaba. Lyene yasola Yuda, wino yamanga Basabasi nga na Sailasi, antu yaa oili yano acindikwe cuze mu ina.

Milimo 16:19

Lino yakateeka yakwe yamanya vino isyuko lyao lyakupanga ulupiya lyasila, yalema Paulo na Sailasi yayakunkizya ku cilye ca alasi.

Milimo 16:33

Lino ucili usiku, kalinda wa ng'anda yaminyololo ayasenda nu kuyafulila ivilonda. Alino wene pamwi na amu ng'anda yakwe yawatiziwa lilyo kwene.