Milimo 16:24 - Amazwi Yakwe Leza 2013

²⁴ Wene lino uvwa ilamulo lilyo, kalinda wamu ng'anda yaminyololo ayasumbila mu kamuputule ka mukasikasi nu kuyanyepelela makoli ku maulu.

Milimo 16:24 Referans Kwoze

Yobo 33:11

Watanyepa amaulu yane umu minyololo, nu kusopa monsi muno nkupita.’

Yobo 13:27

Wanyepelela amaulu yane umwi koli nu mu myando. Monsi muno nalyasile walondelezya, nu kupima apali ponsi pano ulwazo lwane lwalyata.

Yelemiya 29:26

“Yawe wakusolwile wewe ukuya simapepo apa cifulo cakwe Yeoyada apakuti waangalila ing'anda yakwe Yawe, nu kuti unganyepa cipena wensi mu minyololo wiyo uwaituntumba ukuya wakwe kasema.

Yelemiya 38:26

wemo ulinzile wayanena sile uti nali napapata ku mwene ukuti yatanswilizya ku ng'anda yakwe Yonatani pakuti ntakafwilemo.”

Masamu 105:18

Yamunyefile amaulu mu minyololo, nu kwika insingo yakwe umwi koli lya cela,

2 Milandu 16:10

Cii calenzile kuti umwene Asa asokele kasema cakuti amwika umu ng'anda yaminyololo. Kufuma lilyo kwene umwene Asa atandika kuteeka antu uluku uluku.

1 Yamwene 22:27

Uyanene yamusunge mu ng'anda yaminyololo, nga mulinzile mwamupeela cakulya cinono na manzi yanono suka sile ince imbwele umutende.”

Yelemiya 38:6

Acino nayo ali vino yasenzile Yelemiya, yaya yamusumbila mu cifula cakwe Malikiya, umwana wa mwene. Icifula cayelile mu musolo wakwe yakalinda. Ali muno yamutelemwila ku mwando. Lelo icifula cico mutalimo amanzi. Mwali sile amatipa. Yelemiya ali pakutika mu matipa.