Milimo 16:15 - Amazwi Yakwe Leza 2013

¹⁵ Wene pamwi na amu ng'anda yakwe yawatiziwa, nga atwama ati, “Izini mwikale mu ng'anda yane ndi mwati mulola ukuti icumi nataila mu Mwene.” Alino atupapatila kuti twingile.

Milimo 16:15 Referans Kwoze

Milimo 11:14

Ali nu kuvwanga amazwi kunuli yano wewe na amu ng'anda yako muli nu kutuulilwamo.’

Ayebulai 13:2

Mwaiusya kuzengela aenyi mu mang'anda inu. Kwali antu yamwi yano acisile vikwene nu kuzengela angeli kwaula kumanya.

Milimo 16:33

Lino ucili usiku, kalinda wa ng'anda yaminyololo ayasenda nu kuyafulila ivilonda. Alino wene pamwi na amu ng'anda yakwe yawatiziwa lilyo kwene.

Luka 24:29

Lelo yamupapata yati, “Ikala naswe, pano ilanzi lyatemba na kakuku ikatola.” Caleka aingila aikala nao.

Utandiko 19:3

Lelo Loti atwalilila ukupapata, nga yazumila yapita nawe ku ng'anda. Alino Loti apanga imikate iyaulamo icitutumusi, ayateyanyizizya cakulya cisuma, nga yalya.

3 Yoane 1:8

Swe ina Klistu, lyene tulinzile ukwazwa antu yaa pakuti tukumeko ku mulimo wao uwa kusalanganya ilandwe.

3 Yoane 1:5

We mukundwe, wemo wewe wacumi mu mulimo uno ukaombela aina Klistu yauzo, nanti yene yali ainamasi.

1 Petulo 5:12

Siluvano uwangazwilizye kulemba kalata wii, nupya nkuti wene umwina witu uwakutailwa muli Klistu. Nemo nkulonda kumukomelezya nu kupeela umboni uwakuti cikuku cakwe Leza kunomuli ica cumi. Komelekini muno cili.

Filimoni 1:17

Caleka ndu kanjelenganya wakwe cuza kunuli, lyene uzengele Onesimasi ndi vino unganzengela.

Filipi 1:7

Lyonsi nkaelengenya pali mwemwe mu mwenzo wane. Pano namutemwa cuze. Pano mwensi mwakumako pamwi nani muli vino Leza wancitila, pali ndakai lino indi mu ng'anda yaminyololo nga na lilyo lino nali kunzi kuti ncingilile Ilandwe Lisuma nu kulikosola na maka.

Efeso 1:1

Kalata kufuma kuli ne Paulo, ne muno nasolwa kuti nje mutumwa wakwe Klistu Yesu. Ku antu yakwe Leza yonsi yao akaikala mu Efeso nupya alondezi ataila muli Klistu.

Galatiya 6:10

Caleka tulinzile kucita visuma ku muntu wensi vino tungacita nu kuluta kuli yao ali alondezi yakwe Klistu.

2 Kolinto 12:11

Nacitanga vintu kwati nene mutumpe. Lelo mwemwe mwandenzile kucita vii, pano mwange mulande visuma vya pali nene. Pano nanti angala nemo nsi cimwi, lelo ntacepa kuluta pa atumwa inu yano mukati yacindamisya.

2 Kolinto 5:14

Kutemwa kwakwe Klistu ukukatupindulula pano twamanya kwaula kutwisika kuti muntu wenga wafwilile antu onsi, lyene swensi kwene twakuma ku mfwa yakwe.

Loma 16:23

Mwine ng'anda Gayusi, muno Iuvi likakongana, nawe kwene watuma ulau. Elasita, kasunga wa cipao camu musumba, nga nu mwina witu Kwatosi, nayo kwene yatuma ulau.

2 Yoane 1:10

Acino lyene ndi umwi wiza kunomuli kwaula kuleta usambilizyo uu, mutamupokelela mu ng'anda inu nanti ukumulamuka.

Milimo 18:8

Kilisipa, intunguluzi ikalamba yamu ng'anda ya mapepo wataile mu Mwene, pali pamwi na amu ng'anda yakwe onsi. Antu aingi yauze amu Kolinto yano auvwile ilandwe yataila, nga yawatiziwa.

Milimo 8:38

Mutungwi apeela ilamulo kuti iceleta limilile. Lyene Filipo na mutungwi iingila mu manzi oili, nga Filipo amuwatizya.

Milimo 8:12

Lelo lino yataila kukosola kwakwe Filipo pi Landwe Lisuma lya Wene wakwe Leza nga na pi zina lyakwe Yesu Klistu, yawatiziwa onsi, aonsi na anaci.

Luka 14:23

Mwene nawe anena muomvi ati, ‘Pita mu miseo nu umu nzila zyamu mitengo nu kukuulizya antu kuti iize, pa kuti ng'anda yane izule.

Mateo 10:41

Wino wensi alazengela kasema pamulandu wakuti akasema, alapeelwa cilambu cakwe kasema. Na wino wensi alazengela umuntu umololoke pano wene akacita ivyawololoke pa manso yakwe Leza, alapeelwa cilambu ca muntu umololoke.

2 Yamwene 4:8

Uwanda umwi Elisya aya ku Syunemu ukwikalanga umwanaci umwi umukama. Wene wapapatilanga kasema Elisya kuti aalya icakulya uku ng'anda ukwakwe lyonsi lino Elisya wapita inzila kwene iyo.

1 Samueli 28:23

Saulo akana nga avwanga ati, “Ntakulya awe.” Lelo antu yakwe iyaya ku lusansa lwa mwanaci iyamupapata, nga nawe auvwa kunoyali. Alino akatuka pansi nga aikala pa citanda.

Utandiko 33:11

Napapata pokelela uwila wane uno natindeta kunuli. Mwene Leza wali nu luse kunondi nu kumpela vyonsi vino nkulonda.” Yakobo watwalilile ukumupapata mpaka lino Esau wazumile apokelela uwila.

Mateo 3:6

Yene yailongwelanga maifyo yao, nga nawe ayawatizya mu luzi lwa Yodani.

Milimo 16:31

Nao yaasuka yati, “Taila mu Mwene Yesu, alino ulatuulwa, wewe na amu ng'anda yako.”

Milimo 16:34

Pacisila cakwe vii ayatwala ukwakwe nga ayapeela vyakulya. Aliwe pamwi na amu ng'anda yakwe yali nu luzango, pano ndakai yataila muli Leza.