Milimo 15:28 - Amazwi Yakwe Leza 2013

²⁸ Mupasi Wamuzilo pamwi naswe twati tuzumilizyanya ukuti tutalinzile kumutwika cisendo nacuze kuluta pali vii vikalondekwa,

Milimo 15:28 Referans Kwoze

Yoane 16:13

Lelo lino Mupasi wa cumi aliza, wene alamutungulula ku cumi cakwe Leza consi. Pano atalaivwangila. Lelo vintu vyonsi vino alauvwa avino alavwanga, nga alamumanyisya ni vintu ivili nu kwiza.

Mateo 11:30

Pano ikoli lyane lino nkazwika ilyangupale, ni cisendo cino nkatwika citanyooma.”

Umbwilo 2:24

“Lelo yamwi asyala munomuli amu Tiatila yatayela usambilizyo uu uwipe, mwemo mutasambilila vino yauze yakati, ‘Nkama zikulu zyakwe Ciwa.’ Nkumunena ukuti ntalika cisendo nacuze panomuli.

1 Petulo 1:12

Leza wasokolwile kuli yakasema yaa ukuti mulimo uno yene yaombanga utali wakuyazwa aisikulu. Lelo wakwazwa mwemwe. Yene yakosozile vintu vii kunomuli mu maka yakwe Mupasi Wamuzilo, wino Leza watumile kufuma kwiyulu. Angeli nao kwene yakalondesya kumanya vintu vii.

1 Kolinto 14:37

Ndi cakuti umuntu umwi akutunganya ukuti wene akasema, alinzile kumanya ukuti vino nkumulembela, ilamulo ilyafuma ku Mwene Leza.

1 Kolinto 7:40

Nanti cingaya vivyo, mwanaci wiyo angaya ni nsansa kuluta ndi cakuti wikala kwaula kutwalwa. Lii, lili langulusi lyane, nupya nani kwene nkwelenganya vino nkweti Mupasi Wamuzilo.

Milimo 15:19

Yakobo atwalilila kuvwanga ati, “Ukwelenganya kwane ukwakuti, tutalinzile kwanola Akulukuwa yano akusenukila kuli Leza.

Milimo 15:8

Lyene Leza, wino uwamanya vyaya mu myenzo ya antu, walanzile vino watazengela Akulukuwa pa kuyapela Mupasi Wamuzilo, wakwe vino naswe watupile.

Milimo 5:32

Naswe sweswe yakambone ya vintu vii, na Mupasi Wamuzilo kwene, wino Leza watapela kuli yano akamuyela.”

1 Tesalonika 4:8

Caleka wino wensi uwakana usambilizyo uu ala wene asyakukana umuntu, lelo akukana Leza, wino akamupeela Mupasi wakwe Wamuzilo.

1 Kolinto 7:25

Pali vino mwalemvile pamulandu wa antu atatwala, nemo ntakweti lamulo kufuma ku Mwene. Lelo nkupeela langulusi lyane wakwe umwi wino angatailwa pano Mwene waya na mizu kunondi.

Milimo 15:25

Caleka swemo twati tukomenkana swensi pali pamwi nu kuzumilizyanya kuti tusolole inkombe zimwi nu kuzituma kunomuli. Zyene ziliza na yacuza itu akundwe, Banaba na Paulo.

Mateo 23:4

Pano yene yakanyepa visendo vinyomesye yatwika auze, vino yene yatange yalemeleleko nu kuyazwa.

Milimo 16:4

Lino yapitanga mu misumba, yanenanga ataile masunde yano cilye ca atumwa na ikolo amu Yelusalemu yapingwile, yayakonkomezya ukuyasunga.