Milimo 15:22 - Amazwi Yakwe Leza 2013

²² Lyene atumwa na aikolo, pali pamwi ni iuvi lyonsi yelenganya kusolola aomvi yamwi kufuma mwi umba nu kuyatuma ku Antioki pamwi na Paulo na Banaba. Lyene yasola Yuda, wino yamanga Basabasi nga na Sailasi, antu yaa oili yano acindikwe cuze mu ina.

Milimo 15:22 Referans Kwoze

Milimo 15:27

Lyene twamutumila Yuda na Sailasi, yao alamunena pa manso inu vintu vili vimwi na vino tukulemba.

Milimo 15:40

Paulo nawe asolola kupita na Sailasi, lino aina Klistu yauze yaika mu makasa ya Mwene.

1 Petulo 5:12

Siluvano uwangazwilizye kulemba kalata wii, nupya nkuti wene umwina witu uwakutailwa muli Klistu. Nemo nkulonda kumukomelezya nu kupeela umboni uwakuti cikuku cakwe Leza kunomuli ica cumi. Komelekini muno cili.

2 Tesalonika 1:1

Kalata kufuma kuli ne Paulo, na Siluvano, nga na Timoti. Ku antu amwi uvi lyaku Tesalonika, antu yakwe Leza Tata nu Mwene Yesu Klistu.

1 Tesalonika 1:1

Kalata kufuma kuli ne Paulo na Siluvano na Timoti. Ku antu amwi uvi lyaku Tesalonika, antu yakwe Leza Tata nu Mwene Yesu Klistu. Cikuku cakwe Leza nu mutende viye kunomuli.

Milimo 18:5

Lino Sailasi na Timoti yafisile kufuma ku Makedoniya, Paulo wasumvile nsita yonsi mu kukosola ilandwe lya Mwene, ala akunena Ayuda ukuti Yesu ali Klistu.

Milimo 15:32

Yuda, na Sailasi, yano ali akakosola yavwanga mazwi akuyakomelezya nu kuyatekezya.

Milimo 1:23

Lyene iimika antu yaili, Yosefu wino wamwangwa ukuti a Basabasi, (nupya wamwangwa ukuti a Yusito) nga na Matiyasi.

Milimo 17:14

Lilyo kwene aina yatuma Paulo kuti aye kuli yemba, lelo Sailasi na Timoti yasyala mu Belea.

Milimo 17:10

Zuwa lino kwafita, aina yatuma Paulo na Sailasi ku Belea. Lino yafikako, yaya ku ng'anda yamapepo ya Ayuda.

Milimo 17:4

Yamwi munoyali yataila mazwi yailundanya kuli Paulo na Sailasi, nga ni umba lya Agiliki yano apepanga Leza, na anaci acindame, nao kwene yailundanya kunoyali.

Milimo 16:29

Kalinda alenga kuti yamuletele ulukozyo nga asimwila mukasi, apona pa ngazo zyakwe Paulo na Sailasi ala akuzakaza.

Milimo 16:25

Pa nsita imwi, manye usiku pakasi, Paulo na Sailasi yapepanga nu kwimba inyimbo kuli Leza, na anyepwe yauze yakutikanga kunoyali.

Milimo 16:19

Lino yakateeka yakwe yamanya vino isyuko lyao lyakupanga ulupiya lyasila, yalema Paulo na Sailasi yayakunkizya ku cilye ca alasi.

Milimo 15:25

Caleka swemo twati tukomenkana swensi pali pamwi nu kuzumilizyanya kuti tusolole inkombe zimwi nu kuzituma kunomuli. Zyene ziliza na yacuza itu akundwe, Banaba na Paulo.

Milimo 15:23

Alino yayatumilizya kalata uwatangi, “Swe atumwa na aikolo, swe ina inu, twatuma ulau kuno muli mwe ina itu amu Akulukuwa, akaikala mu Antioki, Silya na Kilikya.

Milimo 11:22

Impwelo pali cii yafisile nu kwi iuvi lyaku Yelusalemu, caleka yatumile Banaba ku Antioki.

Milimo 8:14

Atumwa amu Yelusalemu yuvwa ukuti antu amu Samaliya yapokelela izwi lyakwe Leza. Caleka yatuma Petulo na Yoane kunoyali.

2 Milandu 30:12

Ikasa lyakwe Yawe lyali na pa antu aku Yuda, kuti aleke ukuti yonsi yakwate amapange na kampingu wa mpomvu umu kulondela iceo cakwe na mazwi ya malombwe yakwe.

2 Milandu 30:4

Fwandi umulandu uo wazanzizye umwene na antu yonsi akongine.

2 Samueli 3:36

Fwandi antu yonsi apakulola vyonsi vino umwene wacita pasi pakuzanga.

Milimo 11:19

Yao ataile yasalangine pamulandu wakuzunyiwa ukwatandike lino yakomile Sitivini. Yamwi yafisile ku Fonisya, ku Kupulo mpaka nu ku Antioki, ala yakukosola ilandwe ku Ayuda yatupu.

Milimo 11:20

Lelo yamwi muli yao ataile, aonsi afumile ku Kupulo nu ku Kuleni, yaile ku Antioki yakukosola ilandwe nu ku Akulukuwa kwene, yayanena Ilandwe Lisuma lya Mwene Yesu.

Milimo 11:27

Mu manda yalya yakasema yamwi yafumile ku Yelusalemu iiza ku Antioki.

Milimo 15:3

Amwi uvi yayasukilila pa lwendo, yasalala mu Fonisya na Samaliya ala yakulandila ataile vino Akulukuwa yataile muli Leza, ilandwe lii lizanzya ataile.

Milimo 15:30

Inkombe zikatuka ulendo zipita, zifika ku Antioki. Lino zyafika zikonganika iuvi nu kulipela kalata.

2 Kolinto 1:19

Cii, cili vivyo pamulandu wakuti Yesu Klistu Mwana wakwe Leza wene lyonsi kwene waya a “Ee” nupya atatala waya a “Awe”. Wene ali wino Siluvano, Timoti, nga nani twamunenyile pali aliwe.