Milimo 15:19 - Amazwi Yakwe Leza 2013

¹⁹ Yakobo atwalilila kuvwanga ati, “Ukwelenganya kwane ukwakuti, tutalinzile kwanola Akulukuwa yano akusenukila kuli Leza.

Milimo 15:19 Referans Kwoze

Milimo 15:28

Mupasi Wamuzilo pamwi naswe twati tuzumilizyanya ukuti tutalinzile kumutwika cisendo nacuze kuluta pali vii vikalondekwa,

1 Tesalonika 1:9

Antu yaya yonsi yakulanda pa kuzengela kuno mwatuzengile, nga na vino mwazenzwike ku kupepa tuluwi nu kutandika kutumikila Leza wa cumi nupya uwa umi.

Milimo 15:24

Tuvwa vino antu yamwi apisile kufuma umwi umba litu yati yamwanola nu kuvulunganya kampingu winu pali vino yavwanzile. Swemo tutayatumile kuti yacite vivyo.

Milimo 26:20

Kutandikila mu Damasiko nu kwiza mu Yelusalemu nga nu mu mpanga yonsi ya Yudeya nga ni ya Akulukuwa, nakosozile ukuti yalinzile kuzenzuka yataile muli Leza, nu kucita ivintu ivyakulanga ukuti yati yazenzuka.

Oseya 14:2

Welini kuli Yawe, nu kumulenga muti, “Utwelele amaifyo itu yonsi. Uuvwe ni ipepo litu nga naswe tumakulumbanyanga.

Ezaya 55:7

Umwipe ate imisango yakwe, ni ntalanganyi nayo amapange yakweyo. Kayale sile yasenukile kuli Yawe, ukuti ayelele uluse, kuti Leza witu nawe alayelela cuze.

Galatiya 2:4

nanti angala yamwi yalondanga ukuti avino ciye. Antu yaa, iizanga kwati nayo yataila, lelo yene yasokelelanga mwiumba litu wa nengu, pakuti yangalondelezya untungwa uno twakwata muli Klistu. Yene yalondanga kutucita azya.

Milimo 15:10

Caleka, uzye pacani mukwezya Leza pa kutwika cisendo pa nsizi zya ina Klistu Akulukuwa, cino vikolwe vitu nanti sweswe twaposiwa kusenda?

Milimo 21:21

Yuvwa ukuti wasambilizyanga Ayuda yano aikala mu mpanga zya Akulukuwa kuti yasule Masunde yakwe Mose, ala ukuyanena ukuti yatasilamula ana yao nanti ukulondela intambi zya Ayuda.

Milimo 21:25

Lelo pamulandu wa Akulukuwa yano ati yataila, twayatumila kalata uwakuyanena ukuti yatalinzile ukulya icilyo cili consi capeelwa ku tuluwi, nanti kulya uwazi, nanti nyama imwi inyoongwe, nupya yalinzile ukuisunga kufuma ku uzelele.”