Milimo 14:21 - Amazwi Yakwe Leza 2013

²¹ Paulo na Banaba yakosola Ilandwe Lisuma mu Debe yalonka antu aingi yataila muli Yesu. Lyene yaswilila ku Lisitala, ku Ikoniamu, nu ku Antioki mu Pisidiya.

Milimo 14:21 Referans Kwoze

Milimo 14:19

Lelo Ayuda yamwi aizile kufuma ku Antioki wa Pisidiya nu ku Ikoniamu yatonsya maumba ku lusansa lwao, nga yatama Paulo na mawe, yamukulila nu kunzi yamusumba, yelenganya vino watafwa.

Milimo 14:1

Ivyacitike ku Antioki ivyacitike nu ku Ikoniamu kwene. Paulo na Banaba ingila mu ng'anda ya mapepo ya Ayuda, yene yakosola na maka cakuti Ayuda na Akulukuwa aingi yataila muli Yesu.

Milimo 13:51

Atumwa nao yakunta lukungu lwa ku ngazo zyao kuya umboni kuno yali, yapita ku Ikoniamu.

2 Timoti 3:11

kuzunyiwa kuno nazunyiwe, nga na macuzi yane. Wamanya vyonsi vino vyancitikile mu Antioki, mu Ikoniamu, nga nu ku Lisitala, kuzunyiwa ukwipisye kuno naposizye! Lelo Mwene wankulwile kuli vii vyonsi.

Milimo 14:6

Lino atumwa yacimanya, yutukila ku Lisitala na Debe, misumba yaku Likoniya alino nu ku mpanga zyazingulwikeko.

Milimo 13:14

Kufuma ku Pelige yapitilila yafika ku Antioki wa Pisidiya. Pa Sabata yaya iingila mu ng'anda yamapepo, ikala pansi.

Mateo 28:19

Caleka yangini konsi mu nsi mucite antu amu nko zyonsi kuya alondezi yane. Mwayawatizya mwi zina lyakwe Tata, nu Mwana, nu Mupasi Wamuzilo,

Milimo 16:2

Onsi aina ali mu Lisitala nu mu Ikoniamu yatasyanga milimo yakwe Timoti.

Milimo 15:36

Pacisila ca manda yamwi Paulo anena Banaba ati, “Katuswilile tukatandalile aina itu mu mizi yonsi muno twakosozile mazwi ya Mwene, nu kulola miyele yao vino ili.”

Milimo 14:8

Mu Lisitala mwikalanga umuntu uwali icite. Kufuma ku kuvyalwa kwakwe atatazile aye na maka ya kupita.

Milimo 2:47

ala yakulumbanya Leza, nu kutemwikwa na antu onsi. Na cila wanda Umwene walundangako kwi umba lyao antu nayauze yano atuulwangwa.

Milimo 14:7

Kuku nako yakosola Ilandwe Lisuma.

Milimo 14:15

“Uzye pacani mukucita cii mwe antu? Swemo sweswe antunze sile wakwe vino muli! Tuli kuno kuti tukosole Ilandwe Lisuma, kuti mufume ku vintu vyasile sile mutandike kupepa Leza wa umi, uwaumvile iyulu, insi, yemba ni vyayamo.

Milimo 14:26

Kuku akuno yapatama mu wato yaswilila ku Antioki, kuno yapilwe cikuku cakwe Leza pamilimo ino yatiyamala kuomba.