Milimo 14:19 - Amazwi Yakwe Leza 2013

¹⁹ Lelo Ayuda yamwi aizile kufuma ku Antioki wa Pisidiya nu ku Ikoniamu yatonsya maumba ku lusansa lwao, nga yatama Paulo na mawe, yamukulila nu kunzi yamusumba, yelenganya vino watafwa.

Milimo 14:19 Referans Kwoze

2 Timoti 3:11

kuzunyiwa kuno nazunyiwe, nga na macuzi yane. Wamanya vyonsi vino vyancitikile mu Antioki, mu Ikoniamu, nga nu ku Lisitala, kuzunyiwa ukwipisye kuno naposizye! Lelo Mwene wankulwile kuli vii vyonsi.

2 Kolinto 11:25

Maila yatatu aina Loma yanyambozile nu mukota ukulu, nga iila lyonga anisi yane nao yantamile na mawe. Maila yatatu napuswike mu kuunda kwa mato muli yemba, nga iila lyonga nali pali yemba uwanda nu usiku upuma.

Milimo 14:5

Lyene Akulukuwa na Ayuda pamwi ni ntunguluzi zyao, yuvwana kuti yayakatukile nu kuyatama na mawe.

Milimo 13:45

Lino Ayuda yalola wingi wa antu, yuvwa uzuwa cuze, yalanda mazwi ya miponto akukanya vino Paulo wavwanganga.

2 Kolinto 11:23

Uzye yene aomvi yakwe Klistu? Nemo nkuvwanga wakwe cipena, lelo nemo nene muomvi wino alusile yaya. Naombesya kuluta alio, nupya nayalilwe mu ng'anda ya minyololo maila aingi kuluta alio. Nanyambozilwe maila aingi kuluta alio nga lyonsi nali mu uzanzo wa kufwa.

Milimo 7:58

yamufumizya kunzi ya musumba, nga yamutama na mawe. Yakambone yasya makoti yao ku mulumendo umwi izina a Saulo.

1 Kolinto 15:31

Inane cila wanda nemo nkalolenkana ni mfwa. Kuitakizya kuno nkweti munomuli pamulandu wakwe vino Klistu wacita ukwalenga kuti ndande vii.

Milimo 17:13

Lelo lino Ayuda amu Tesalonika yuvwa ukuti Paulo wakosola mazwi ilandwe lyakwe Leza nu mu Belea kwene, yaya ku kutunkola antu ukuti yapange mpanzela.

Milimo 9:16

Nani nemwisikulu ndamulanga vintu vyonsi vino alacula pamulandu wi zina lyane.”

Milimo 22:20

Na lino yakomanga Sitivini kambone wako, nani kwene apano nali, nsininkizya kukomwa kwakwe ala nkulolela ni vizwalo vyakwe yao amukomile.’

Milimo 14:21

Paulo na Banaba yakosola Ilandwe Lisuma mu Debe yalonka antu aingi yataila muli Yesu. Lyene yaswilila ku Lisitala, ku Ikoniamu, nu ku Antioki mu Pisidiya.

Yelemiya 22:19

Wene alazikwa wakwe punda, nupya yalamukwetulula yamusende nu kumusumbila ukunzi ya mpongolo zyakwe Yelusalemu.”

Milimo 13:14

Kufuma ku Pelige yapitilila yafika ku Antioki wa Pisidiya. Pa Sabata yaya iingila mu ng'anda yamapepo, ikala pansi.

Milimo 14:1

Ivyacitike ku Antioki ivyacitike nu ku Ikoniamu kwene. Paulo na Banaba ingila mu ng'anda ya mapepo ya Ayuda, yene yakosola na maka cakuti Ayuda na Akulukuwa aingi yataila muli Yesu.

Milimo 14:2

Lelo Ayuda atakasi kutaila yatunka Akulukuwa kuti yapate aina Klistu.

Milimo 14:4

Lyene antu amu musumba yapaatukana paili. Iumba limwi liwila ku atumwa ni lyuze ku Ayuda.

Milimo 14:18

Lelo nanti angala atumwa yavwanzile vii, kwasile panono kuti yaposiwe kulesya antu kupeela impolelwa kunoyali.

Milimo 14:26

Kuku akuno yapatama mu wato yaswilila ku Antioki, kuno yapilwe cikuku cakwe Leza pamilimo ino yatiyamala kuomba.

Milimo 15:26

Yene yapela umi wao ku kuombela Mwene witu Yesu Klistu.

2 Kolinto 11:26

Mukasi ka nyendo zyane zingi, nali mu uzanzo wakusambela kwa nguzi, nu wa vipondo, nu wa Ayuda nga na Akulukuwa. Umi wane wali mu uzanzo mukasi ka misumba ikulu, mu lwanga, pali yemba, nga na pakasi ka antu yano aitakanga ukuti aina Klistu lelo yatali vivyo.

1 Tesalonika 2:14

Mwe ina itu, ivintu ivyamucitikile, ivili vimwi ni vyacitikile amu mauvi yakwe Leza mu Yudeya, azumila Klistu Yesu. Mwemo mwacuzile pamulandu wa kuzunyiwa na akazi kinu ndi vino Ayuda yayazunyizye.