Milimo 13:52 - Amazwi Yakwe Leza 2013

⁵² Lelo alondezi amu Antioki yazuziwa nu luzango nga na Mupasi Wamuzilo.

Milimo 13:52 Referans Kwoze

1 Tesalonika 1:6

Acino, lino mwazumile ilandwe, mwemo mwakolinye sweswe nu Mwene mu micitile. Mwacuzile, lelo Mupasi Wamuzilo wamusansamusyanga.

Loma 15:13

Mwene Leza ali ntulo ya upaalilo, aleke muzange muye nu mutende cuze kupitila mu utailo winu munoli, pakuti upaalilo winu utwalilile kukula mu maka yakwe Mupasi Wamuzilo.

Galatiya 5:22

Lelo Mupasi Wamuzilo wene akatulenga kuti twatemwana, kuya nu luzango, mutende, kuteeka mwenzo, uluse, cikuku, kuya a cumi,

Milimo 4:31

Lino yamala kupepa, ng'anda ino yakonganilemo itenta. Onsi yazuziwa na Mupasi Wamuzilo, alino yatandika kukosola ilandwe lyakwe Leza nu kuposya.

2 Kolinto 8:2

Yene yeziwe cuze na macuzi yano yapisilemo. Lelo luzango lwao lwali lukulu cuze cakuti kupeela kwao kwali kukulu cuze nanti angala yali apina cuze.

Loma 5:3

Pasi pali cico sile cino tukailumbilapo lelo na pa macuzi itu kwene, pano twamanya vino ucuzi ukaleta kuposya

Milimo 2:4

Alino yonsi yazuziwa na Mupasi Wamuzilo nga cila muntu atandika kuvwanga mu lulimi lwa cilendo kulingana na vino Mupasi wamupeela maka yakuvwanga.

Mateo 5:12

Mwazanga cuze. Pamulandu wakuti cilambu cinu mwiyulu icikulu. Pano vivyo kwene avino yazunyanga na yakasema yano amukolelile.

1 Petulo 4:13

Lelo zangini pano mukukumako ku macuzi yakwe Klistu, kuti muce muye nu luzango cuze lino alaloleka mu lulumbi.

Yakobo 1:2

Inane, mwelenganye ukuti mwemwe yasyuke lino kweziwa kwa misango yonsi kwiza pakasi kinu.

Loma 14:17

Mu Wene wakwe Leza cintu cikulu asi kulya nanti kumwa, lelo kucita vyawololoke, mutende nu luzango, vino vikapelwa na Mupasi Wamuzilo.

Milimo 5:41

Atumwa nao yafuma mwi Tengo, yazanga cuze, pano Leza wayapendile kuya alinge kusulwa pamulandu wi zina lyakwe Yesu.

Milimo 2:46

Uwanda nu wanda yakongananga ku kupepa mu Ng'anda ikulu yakwe Leza. Yalyanga apali pamwi mu mang'anda yao, ukulya cakulya ni myenzo ya luzango ifuke,

Milimo 11:29

Lyene alondezi yonsi yuvwana ukusangula vya kutuma ku kwazwa aina Klistu yauze aku Yudeya, nga cila muntu asangula kulingana na pano akwatile.