Milimo 13:49 - Amazwi Yakwe Leza 2013

⁴⁹ Lyene izwi lyakwe Leza lisalangana konsikonsi mu mpanga ilya.

Milimo 13:49 Referans Kwoze

Milimo 19:10

Wacitanga vikwene kufika na pa myaka iili, na antu yonsi atenzi mu muputule wa mpanga ya Asiya, Ayuda na Akulukuwa kwene, yuvwile izwi lya Mwene.

Milimo 12:24

Lelo izwi lyakwe Leza litwalilila kusalangana nu kukula.

Milimo 19:26

Ndakai, mukuuvwa nu kuilolela mweisikulu vino umuntu wi Paulo akucita. Akuti yaleza apangwa na makasa ya antu yasi yaleza awe, nupya wataongola nu kupuulula antu aingi, muno mu Efeso na konsi mu muputule wa mpanga ya Asiya.

Milimo 9:42

Lyene impwelo ya pali cii isalangana konsi mu Yopa, antu aingi yataila mu Mwene.

Milimo 6:7

Caleka Ilandwe lyakwe Leza lisalangana konsi, nga ni mpendwa ya alondezi yavulilangako mu Yelusalemu. Yasimapepo yano ataile Ilandwe Lisuma, nao mpendwa ikula.

Mateo 9:31

Lelo yene yapita nu kusalanganya ilandwe mu mpanga ilya yonsi.

Milimo 13:12

Lino mulasi wiya walola icacitika, ataila. Lyene azunguka cuze pa vintu vino yasambilizyanga ivya Mwene.