Milimo 13:48 - Amazwi Yakwe Leza 2013

⁴⁸ Lino Akulukuwa yuvwa cii, yazanga nu kutasya ilandwe lya Mwene. Na yao yonsi yano Leza wasolwile kuti yaye nu umi wape, yataila mu Mwene.

Milimo 13:48 Referans Kwoze

Efeso 1:4

Na lino insi itali kuti iumbwe, Leza wene watusolwile mpiti kuti tuye akwakwe muli Klistu, pakuti tuye amuzilo nupya aula mulandu kunoli. Pamulandu wa kutemwa kwakwe

Loma 11:7

Lyene, cili uli? Aina Izlaeli yatazanyile cino yalondanga. Impendwa sile inono yakwe yano Leza wasolwile acizanyile. Asyala yene ayakomya myenzo.

Yoane 10:16

Nkweti mfwele nazyuze zino zisi zyamu citata cii. Nazyo kwene namala nde nzilete. Ziluvwa izwi lyane nga zilaya ufyo onga nu mucemi wenga.

Yoane 11:52

Asi pamulandu wakufwila sile Ayuda, lelo kuti akonganike na antu yakwe Leza yonsi yano asalangana konsi.

Efeso 1:19

nga na kuti mumanye na maka yakwe aataikulila yano akaomba munotuli swe ya utailo. Maka ya ulamba ali yamwi

Milimo 2:41

Lino aingi yuvwa ilandwe lyakwe, yalipokelela, nga yawatiziwa. Uwanda kwene ulya antu kulingana na mazimbi yatatu yailundanya kwi umba.

Milimo 22:10

Lyene imuzya inti, ‘Uzye namacita uli Mwene?’ Mwene anena ati, ‘Katuka yanga ku Damasiko, akuno yayakunena vino Leza watakusolwela kuti ucite.’

Luka 7:8

Pano nani kwene, nene muntu uwalasikwa na maka ku uteko pi sika lya ntunguluzi zikulu. Nani kwene nakwata asilika yano nkaangalila. Ndi nanena wenga nati, ‘Pita!’ Nawe apita, nu ku muze inti, ‘Iza!’ Nawe aiiza, nupya ndi nanena muzya wane nati, ‘Cita cii!’ Nawe acita.”

Loma 13:1

Muntu wensi alinzile kuyela maka yakwe yakateeka, pano kutaya uteko utafuma kuli Leza. Mauteko yonsi akwe Leza, uwayasonta.

Milimo 28:23

Caleka yuvwana na Paulo uwanda wakukongana, na pa wanda kwene uo iiza aingi ku ng'anda kuno Paulo wikalanga. Kufuma katondo kufika nu usiku Paulo ayalondolwela nu kuyanena ilandwe lya Wene wakwe Leza. Aezya kusininkizya kunoyali pali Yesu kupitila mu kuwelenga ivyalembwa mu Masunde yakwe Mose nga ni mpapulo zyakwe yakasema.

Milimo 2:47

ala yakulumbanya Leza, nu kutemwikwa na antu onsi. Na cila wanda Umwene walundangako kwi umba lyao antu nayauze yano atuulwangwa.

Milimo 20:13

Twakolezile tuya uku wato tupatama tuya ku Asosi, kuno twali nu kuya kungula Paulo. Watunenyile kuti avino tukacite, pano wene wapisile ku mulundu.

Mateo 28:16

Alondezi ikumi na wenga yapita ku Galile ku mwamba uno Yesu wayanenyile kuyako.

Masamu 138:2

Nkukupepa umu kulola uku Ng'anda yako ikulu. Namatakola izina lyako, pamulandu wa citemwiko cako, ni cisinka cako. Ulayo wako wakula ukuluta apa lulumbi lonsi.

2 Tesalonika 3:1

Mukusyalikizya, mwe inane, mwatupepelako. Cii cilazwilizya kusalanganya zuwa Ilandwe lya Mwene nga nayauze nao yalipokelele nu mucinzi. Wakwe vino mwemo mwacita.

1 Kolinto 16:15

Inane, mwamanya vino Sitefano pamwi na amu ng'anda yakwe ayano yatandike kuya aina Klistu a nkolelo mu mpanga ya Akaya nupya yaipela aisikulu ku kuomba vyonsi vino yangacita pamulandu wa antu yakwe Leza. Inane, nkumupapata,

Milimo 15:31

Lino antu yawelenzile kalata, myenzo yao izuziwa nu luzango cuze pa kuvwa mazwi yaa aukomelezyo.

Milimo 15:2

Lyene Paulo na Banaba yapusana na antu yaa, yaikana ni vikanza cuze pamulandu uu, alino iuvi lipingula kuti Paulo na Banaba nayauze mwi uvi yaye ku Yelusalemu yakalole atumwa na ikolo pamulandu uu.

Milimo 13:42

Lino Paulo na Banaba yacili fuma mu ng'anda yamapepo, antu yayapapata kuti yace yakakosole nupya pi Sabata ililalondelela.

Milimo 8:8

Caleka mwali luzango lukulu cuze mu Samaliya.

Mateo 25:46

Lyene antu yaa yalavunukwa manda pee, lelo antu akacita ivyawololoke yalaya nu umi wape.”

Milimo 13:12

Lino mulasi wiya walola icacitika, ataila. Lyene azunguka cuze pa vintu vino yasambilizyanga ivya Mwene.

Loma 8:28

Nupya twamanya ukuti mu vintu vyonsi Leza akaomba kuti vizipile yao amutemwa. Yao ali yano Leza waama pano lyali lili pange lyakwe.

Efeso 1:5

Leza wasolola mpiti kutucita ana yakwe kupitila muli Klistu. Cii camuzanzizye umwisikulu mwi pange lyakwe.

Efeso 1:11

Vintu vyonsi vikacitwa kulingana na vino Leza wateyanya. Wene watusolwile kuti tuye antu yakwe muli Klistu. Wene wacisile cii pamulandu wi pange lyakwe, lino limikwa pali vino wasolwile kufuma nu ku utandiko.