Milimo 13:27 - Amazwi Yakwe Leza 2013

²⁷ Antu akaikala mu Yelusalemu, nga ni ntunguluzi zyao, yatamanyile vino Yesu ali Katuula, nanti ukwiluka mazwi yakwe yakasema yano yakawelenga cila Sabata. Lelo pa kuvunuka Yesu ku mfwa, yalenzile kuti mazwi yakwe yakasema yafikiliziwe.

Milimo 13:27 Referans Kwoze

Milimo 3:17

“Acino ndakai, inane, natimanya vino mwemo pamwi ni ntunguluzi zinu mwacisile cii pamulandu wa kuntamanya kwinu.

Loma 11:25

Kuli nkama ya cumi, inane, ino nkasi mumanye kuti mutize mwaelenganya ukuti mwemwe yamano. Inkama iyakuti, ukukoma kwa myenzo ya ina Izlaeli kusi kwa manda pe, lelo kulatwalilila kufika pa nsita ino Akulukuwa yonsi asolwa iiza kuli Leza.

Milimo 15:21

Pano kufuma ku mpiti Masunde yakwe Mose yawelengwa pa manda aingi mu mang'anda ya mapepo cila Sabata, nga na mazwi yakwe yakakosolwa mu misumba yonsi.”

Luka 24:20

Yasimapepo akalamba nga ni ntunguluzi yamupile kuti apingulwe ukufwa, alino yamutanyile.

2 Kolinto 4:4

Yene yatataila, pano Satana wino ali leza uwa nsi ii, walesyanya kuti yatalola luswepo ululi Ilandwe Lisuma lya pali Klistu uwa lulumbi.

2 Kolinto 3:14

Mu cumi mano yao yali muli kupi. Ni lelo kwene insalu ikayavimba lino yakuwelenga zya mu upangano wa mpiti. Insalu ingavimbuka sile lino muntu waya muli Klistu.

1 Kolinto 2:8

Kusi kateeka nanti umwi uwamanyile cimwi pa mano yaa. Ndi yakateeka yamanyile mano yaa, yatange yatane Mwene wa lulumbi pa lupanda.

Milimo 28:23

Caleka yuvwana na Paulo uwanda wakukongana, na pa wanda kwene uo iiza aingi ku ng'anda kuno Paulo wikalanga. Kufuma katondo kufika nu usiku Paulo ayalondolwela nu kuyanena ilandwe lya Wene wakwe Leza. Aezya kusininkizya kunoyali pali Yesu kupitila mu kuwelenga ivyalembwa mu Masunde yakwe Mose nga ni mpapulo zyakwe yakasema.

Yoane 15:21

Lelo yalacita vintu vii vyonsi kunomuli pamulandu wakuti mwemwe yakwane, pano yatamanya uwantuma.

1 Timoti 1:13

Wene wacisile cii nanti angala mu manda apita cisila namuvwangile viipe, nu kumuzunya nga nu kumutuka. Lelo Leza wali na mizu kunondi pamulandu wakuti lilya ntakweti utailo nupya ntamanyile cino nacitanga.

Yoane 16:3

Antu yalacita vintu vii kunomuli pano yatamanya Tata, nanti anene.

Yoane 8:28

Caleka Yesu ayanena ati, “Alala mwatumpula Mwana wa Muntu, lyene mulamanya vino ‘Nene ali nene kwene.’ Alino mulamanya vino nsyaicitila cimwi nenga, lelo nkavwanga sile vino Tata wanena kuti mvwange.

Luka 22:34

Yesu nawe amunena ati, “Nakunena, Petulo, ilelo kwene, lino mukolwe atacili alamule wemo umankana maila yatatu ale ukuvwanga vino utamanyile.”

Mateo 22:29

Yesu nawe aasuka ati, “Mwaponga, pano mutamanya malembelo, nanti maka yakwe Leza.

Utandiko 50:20

Mumine akapi ukucita uyi kunondi, lelo Leza ausenula ukuya usuma, pakuti atuule umi wa antu avule yano ali nu umi pa wanda wilelo.

Luka 23:13

Lyene Pilato aama yasimapepo akalamba, intunguluzi zya Ayuda nga na antu silesile,

Yoane 5:39

Mwemo mukalondelezya nu kusambilila mu malembelo, pano mukaelenganya vino mulazanamo umi wape. Malembelo kwene yaa yakapela umboni pamulandu wane.