Milimo 11:23 - Amazwi Yakwe Leza 2013

²³ Lino wafisile nu kulola vino Leza wapolelile antu, aya nu luzango nga ayanena yonsi kuti mu myenzo yao yatwalilile mu utailo ni cumi ku Mwene.

Milimo 11:23 Referans Kwoze

1 Kolinto 15:58

Caleka, mwe inane akundwe, komelikini nupya tekelini mutanenuka. Cincilini lyonsi lino mukutumikila Mwene. Mwamanya ukuti mukuombela Mwene mutaya kucula sile.

Milimo 14:22

Yakomelezya yano ataile nu kuyakonkomezya kuti yatwalilile kuya acumi mu utailo. Yayasambilizya yati, “Pakuti tukingile mu Wene wa mwiyulu, tulinzile kupita mu ntazi zingi.”

Milimo 13:43

Lino antu ali pa ukongano yasalangana, Ayuda na Akulukuwa aingi asenusi yalondela Paulo na Banaba. Atumwa yavwanga kunoyali nu kuyakomelezya kuti yatwalilile kwemelela mu cikuku cakwe Leza, wino uwali nu luse panoyali.

1 Yoane 2:28

Endi, mwe ana mwe ikalini mu utandano na aliwe, pakuti lino alaloleka swemo tuce tupame kwaula kuya ni nsonyi pa Wanda wa kwiza kwakwe nupya.

2 Timoti 3:10

Lelo wemo walondela usambilizyo wane, kuteeka mwenzo kwane, kutemwa kwane, kuposya kwane,

Kolose 1:6

Ilandwe Lisuma likutwalilila kuleta upolelelo nupya likusalangana mu nsi yonsi, ndi vino likacita lyonsi pakasi kinu kufuma pa wanda uno mwatandike kuvwa pa cikuku cakwe Leza nu kucimanyikisya vino caya.

Milimo 20:24

Lelo ntasakamile pa umi wane, pano nkulonda sile kuti imale umulimo uno Mwene Yesu wampile ukucita, uwa kukosola Ilandwe Lisuma lya pamulandu wa cikuku cakwe Leza.

3 Yoane 1:4

Kusi cuze icikanzanzya kuluta pakuvwa ukuti ana yane yakayela icumi.

Milimo 14:26

Kuku akuno yapatama mu wato yaswilila ku Antioki, kuno yapilwe cikuku cakwe Leza pamilimo ino yatiyamala kuomba.

Yoswa 23:8

Lelo mulinzile kuya acumi kuli Yawe Leza winu, wakwe vino mwacita kufika ni lelo kwene.

Malango 30:20

Muce mwatemwa Yawe Leza winu, mwamuyela nu kuya akutailwa kunoli, nga nawe alaleka mwemwe na amu mupanda winu mwikale amanda avule mu mpanga ino walavile ukupeela ivikolwe vinu, Abulaamu, Isaki, na Yakobo.”

Malango 10:20

Mwaoopa Yawe Leza winu nu kumutumikila. Muye akutailwa kunoli nu kucita amalayo inu mwi zina lyakwe aliwe wenga sile.

Yoane 15:4

Ikalini munondi nani munomuli. Musambo utangaseeka vizao onga ndi utailundinye ku mutingi. Mu musango uli onga namwe kwene mutangaseeka vizao suka ndi mwikala munondi.

Mateo 16:24

Lyene Yesu anena alondezi yakwe ati, “Muntu umwi ndi akasi kundondela, aikanye, aisendele ulupanda nga andondele.

Yoswa 22:5

Lelo mutekele kuti musunge amasunde na malamulo yano Mose umuomvi wakwe Yawe wamupile yano yakati mwatemwa Yawe Leza winu nu kucita ukulonda kwakwe. Nupya muye acumi kunoli nu kumutumikila ni myenzo inu yonsi nu umi winu onsi.”

2 Kolinto 1:17

Pa kukwata pange lii uzye nemo nafutwike? Nanti uzye nkaloleka wa muntu umwi wino akati, “Ee” nanti “Awe” kuti azanzye sile antu yauze?

Milimo 20:32

“Lyene ndakai namwika mu makasa yakwe Leza, mwikale nu mwi Landwe lya cikuku cakwe, ilili nu kumukuula nu kumupeela upolelelo uno Leza wasungila antu yakwe onsi.

Milimo 15:40

Paulo nawe asolola kupita na Sailasi, lino aina Klistu yauze yaika mu makasa ya Mwene.

Mako 2:5

Lino Yesu walola utailo wao, anena icite ati, “Mwanane, maifyo yako yelelwa.”

Danieli 1:8

Lelo Danieli wene aipingula ukukana ikowezya umwisikulu ku vyakulya na waini wakwisano, nga auzya cilolo mukalamba kuti amupeele insambu zyakuntaikowezya mu musango kwene ndi uu.

Mapinda 23:28

Akoline ni cipondo cino cikateyamila antu umu nzila, nupya wene akataanya ivyupo umukutalamika aonsi uku aci yao.

Mapinda 23:15

Mwanane, ndi waca wakwata amano, lyene nemo ndatemwa wakwe cimwi.

Masamu 17:3

Nanti angala wemo wasakaula umu mwenzo wane, nupya wiza wampima usiku, wanjezya umu musango uli onsi, lelo pasi nanti umulandu umwi uno wazana. Nemo nsilanda iviipe.

Milimo 4:36

Alino Yosefu mwina Levi uwavyalilwe ku Kupulo, wino atumwa yatemile izina yati Banaba (Cikusenula ukuti, “Wino akacincizya.”)

Loma 12:8

Ndi twapelwa uwila wa kukomelezya yauze, mu cumi tulinzile kuyakomelezya. Wino wensi akwankana na auze vintu vino akweti, mu cumi alinzile apeele kwaula kuitemwa. Wino wensi ali pa utunguluzi, mu cumi alinzile aombesye ningo. Wino wensi akucitila auze milimo ya luse, mu cumi alinzile acita ni nsansa.

2 Kolinto 6:1

Mu kuomba pamwi na Leza, lyene tukumupapata kuti mwapokelela cikuku cakwe Leza, mutaleka cikuku ciye caula mulimo.

1 Petulo 5:12

Siluvano uwangazwilizye kulemba kalata wii, nupya nkuti wene umwina witu uwakutailwa muli Klistu. Nemo nkulonda kumukomelezya nu kupeela umboni uwakuti cikuku cakwe Leza kunomuli ica cumi. Komelekini muno cili.

Yuda 1:4

Pano antu yamwi yakaifya, yasokelela munotuli ukwaula kumanyika. Nupya yakasenula ilandwe lya pa cikuku cakwe Leza witu pakuti yaipele insambu pa miyele yao ya winyi. Yene yakana Yesu Klistu, Musambazi nupya Mwene witu wenga sile. Antu yaa yalavunukwa ndi vino calembwa mpiti mu malembelo.

2 Yamwene 18:6

Na cico cali umukuti aliwe wenga sile wasakamalanga Yawe ukwaula ukumusangukila. Wene wayelanga amasunde yano Yawe wapile Mose.