Milimo 11:14 - Amazwi Yakwe Leza 2013

¹⁴ Ali nu kuvwanga amazwi kunuli yano wewe na amu ng'anda yako muli nu kutuulilwamo.’

Milimo 11:14 Referans Kwoze

Milimo 16:15

Wene pamwi na amu ng'anda yakwe yawatiziwa, nga atwama ati, “Izini mwikale mu ng'anda yane ndi mwati mulola ukuti icumi nataila mu Mwene.” Alino atupapatila kuti twingile.

Milimo 10:22

Yaasuka yati, “Konelio musika wa vita watatutuma. Wene umuntu musuma wino akaoopa Leza, nga na Ayuda yamucindika cuze. Mungeli wa Mwene wamunenyile kuti akwame ku ng'anda yakwe, pakuti akuvwe cino waya vwanga.”

Milimo 10:6

Wene umwenyi mu ng'anda yakwe kanyuka wa mpapa zina lyakwe a Simoni, wino ng'anda yakwe yakulwa mu nkumba yakwe yemba.”

Milimo 10:2

Wene wali umuntu uwacindike Leza. Konelio pamwi na amu ng'anda yakwe yoopanga Leza. Wene wazwilizyanga Ayuda pakulu cuze, nupya wapepanga Leza lyonsi.

Milimo 2:39

Pano ulayo uno Leza walavile uli pali mwemwe na pa ana inu, na pali yano yonsi ali kutali, yano Umwene Leza witu alaama kunoli.”

Yoane 20:31

Lelo vii vyalemvilwe kuti mutaile vino Yesu ali Katuula, Mwana wakwe Leza, nga nu mukutaila munoli muye nu umi wape.

Utandiko 17:7

“Ndafikilizya kusunga upangano wane kunuli nu ku amu mupanda wako mu mikulo ilalondelela yonsi. Wene ulaya upangano wa manda pe. Ndaya Leza wako na Leza wakwe yano amu mupanda wako.

Yoane 12:50

Nani namanya vino ilamulo lyakwe likatungulula ku umi wa pe! Caleka vino nkukosola avino Tata wanenyile, avino nkavwanga.”

Yoane 6:63

Mupasi wakwe Leza aliwe akapeela umi. Amaka ya muntu yatangapeela umi. Amazwi yano namunena yene akapeela Mupasi wakwe Leza nu umi.

Yoane 4:53

Lyene isi amanya vino cali pa kasita kaka kwene lino Yesu wamunenyile ati, “Umwana wako amaya umumi.” Caleka wene pamwi na amu ng'anda yakwe yataila.

Luka 19:10

“Mwana wa Muntu wizile kuti alonde nu kutuula aponge.”

Mako 16:16

Wino wensi alataila nu kuwatiziwa, wene alatuulwa. Lelo wino wensi atalataila alavunukwa ku mfwa.

Yelemiya 32:39

Ndayapeela umwenzo uze upya, ni mipitile yuze iipya apakuti yace yangopa, nga lyonsi cice cayazipila alio kwene na ana yao aalalondelela pacisila cao.

Mapinda 20:7

Umulungami, wiyo akapita umu nzila ya ukaele, ana yakwe alamulondelela pacisila yalasyuka.

Masamu 112:2

Ana ya muntu wiyo yalaya na maka muno nsi, nu luko lwakwe lulaya ulupolelelwe.

Masamu 103:17

Lelo icikuuku cino Yawe wakwatila yao amucindika, awe cumi cene icakuyelelela pee, nu usuma wakwe nao usi wakusila umwapelela inkulo zyonsi.

Utandiko 18:19

Namusolola kuti nawe angapeela isunde ku ana yakwe pamwi na amu mupanda wakwe kuti yayela nene, yacita vyawololoke ni vyaulungami. Ndi avino yangaya, lyene ndamucitila vyonsi vino namulaya.”

1 Kolinto 1:16

Endi nupya nawatizye Sitefano pamwi na amu ng'anda yakwe kwene. Lelo ntange niusye ndi nawatizye muntu na muze.

Milimo 18:8

Kilisipa, intunguluzi ikalamba yamu ng'anda ya mapepo wataile mu Mwene, pali pamwi na amu ng'anda yakwe onsi. Antu aingi yauze amu Kolinto yano auvwile ilandwe yataila, nga yawatiziwa.

Milimo 10:43

Wii ali wino yakasema yonsi yacitile umboni pa kuvwanga vino Leza alelela maifyo ya muntu ali wensi uwataila mwi zina lyakwe.”

Yoane 6:68

Simoni Petulo amwaasuka ati, “Mwene, uzye aweni namuze wino tungayako? Mazwi yako yakapela umi wape.

Milimo 11:13

Nawe atunena vino waweni mungeli aimi mu ng'anda mwakwe, amunena ati, ‘Tuma umuntu umwi ku Yopa kuya aama umuntu izina lyakwe Simoni Petulo.