Milimo 10:15 - Amazwi Yakwe Leza 2013

¹⁵ Nupya izwi lyuvwika kunoli liti, “Vino Leza wasangulula utataka ukuti vikowele.”

Milimo 10:15 Referans Kwoze

1 Kolinto 10:25

Nanti cingaya vivyo, mwemwe antungwa kulya cintu cili consi cikakaziwa mwi sokoni lya nyama, kwaula kuuzya iuzyo nanti lyonga pakuti mutasakamika myenzo inu.

Mateo 15:11

Pasi cimwi cino cikaingila mu mulomo wa muntu cingamukowezya, lelo cino cikafuma mu mulomo wa muntu cene cingamukowezya.”

Tito 1:15

Vintu vyonsi ivisanguluke kuli yao akwata myenzo isanguluke. Lelo kusi cimwi icisanguluke kuli yao akowela nupya atataila. Yene yakwata kwelengenya kukowele ni myenzo yao yakowela.

Mako 7:19

Pano cisiingila mu mwenzo wakwe lelo munda yakwe alino pacisila cikafumila kunzi.” (Mukuvwanga cii Yesu walanzile ukuti vilyo vyonsi vilinzile kuliwa.)

Loma 14:14

Mu kuilundanya nu Mwene Yesu Klistu, nasininkizya vino Leza wacita vyakulya vyonsi kuya visanguluke. Lelo ndi ukwelenganya ukuti vyakulya vimwi ivikowele, ale lyene kunuli ivikowele.

Milimo 10:28

Alino ayanena ati, “Mwemo mweisikulu mwamanya ningo vino Muyuda, ukulingana ni mipepele yakwe, atazumiliziwa ukulanda nanti ukuminkana na Akulukuwa. Lelo Leza watandanga vino ntalinzile nataka umuntu umwi ukuti wakowela nanti atasanguluka.

Milimo 11:9

Nupya izwi livwanga kufuma mwiyulu liti, ‘Vino Leza wasangulula utataka ukuti vikowele.’

Loma 14:20

Mutaleka indya inu yonone mulimo wakwe Leza. Vyakulya vyonsi vilinzile kuliwa, lelo caya ukuluvyanya lino mwalenga auzo ukwifya pamulandu wa vyakulya vino mukalya.

Milimo 15:20

Mu cifulo cakwe cico, tulinzile kuyalembela kalata wa kuyanena kuti yatalya ivyakulya vikowele pano vyapeelwa ku tuluwi. Yaisunge ku ulenzyo, nga nu kuntalya inyama zino yanyonga, nanti kulya uwazi.

Milimo 15:9

Atapusinye pakasi kakwe sweswe na alio, lelo wasangulwile myenzo yao pano yataile.

Milimo 15:29

mutalya vyakulya ivyapeelwa ku tuluwi, mutalya uwazi. Mutalya inyama zinyongwe. Muisunge ku ulalelale. Muli nu kucita ningo ndi cakuti mwaisunga ku kuntacita vintu vii. Mwikale ulumi.”

Umbwilo 14:20

Alino matingi yafenwa mu ciwina cakufenelamo kunzi ya musumba. Alino uwazi ufuma mu ciwina cakufenelamo uno wizile uya kwati luzi luno mu utali lwali makilomita myanda itatu nu kuzika kwakwelo kwali manye mamita yaili.

Milimo 10:16

Cii cacitike amaila yatatu, nga lyene icintu cico cisendwa kwiyulu.