Mika 7:16 - Amazwi Yakwe Leza 2013

¹⁶ Antu amu nko zyuze lino yalalola ivintu vivyo yaluvwa insonyi, nanti angala yakwata amaka uli. Yalalemelela apa milomo, nu kufundika amakutwi apa kupelembekela.

Mika 7:16 Referans Kwoze

Ezaya 26:11

Anisi yako yatamanya ukuti wemo ungayakalipila. Ala we Yawe leka insonyi ziyaleme, leka yacule ucuzi uno wayateyanyizizya. Yalange ukutemwa kuno watemwa antu yako.

Ezaya 52:15

Ali vino alalenga ukuti imitundu iingi izunguke, na yamwene kwene yatalalanda apakulola icata cakwe, apakulola cino citatazile cilandwapo, nanti ukulola cino citatazile cuvwike.”

Yobo 40:4

“Amazwi yano natimvwanga, akuzaila sile we Leza. Uzye fwandi ivyani vino nemo ningavwanga? Nemo ningika sile ulupi lwane apa mulomo, ulupi lwane apa kanwa, casila.

Umbwilo 11:18

Antu atakuzumila yali ni cipyu lelo insita ya ukali wako yatifika. Ii ili nsita yakuti afwe yapingulwe. Insita yatifika ya kupeela vilambu ku yaomvi yako, yakasema nu ku antu yako yonsi yano akucindika, akulu na anono kwene. Insita yatifika ya konona yao akaonona insi!”

Loma 3:19

Lelo swemo twamanya ukuti vyonsi ivyaya mu Masunde vyakuma antu kwene yao apilwe Masunde, pakuti kutaya umuntu nanti wenga uwakuipela insambu, nga na pakuti amu nsi yamanye vino Leza alayapingula.

Zakaliya 12:9

Pa nsita iyo ndatandika ukulovya antu amu mitundu yonsi alawilila ku mutundu wakwe Yelusalemu.

Mika 5:8

Antu yakwe Yakobo asyala yonsi yalalulumba umu antu amu nko zyuze, pakasi ka antu aingi, wakwe cisama wino akulunga cakuti angalya. Yalaya wa mwana wakwe cisama, pakasi ka ufyo wa mfwele, wino ndi wazingilila, azivwantukila nu kuzilepola. Nga lelo kusi umwi wakuzipususya.

Ezekelo 38:23

Ali vino nemo ndalanga antu ya mitundu yuze ukuti nene mukulu, nupya nene mucindami. Ali lino antu yalasininkizya ukuti fwandi nene, indi Yawe.”

Ezaya 66:18

Apa mulandu wa vicitwa vyao vino manyile, nasya nize nkolonganike antu amitundu yonsi kwene. Alino lyene iliza iilolele yonga ucindami wane.

Masamu 126:2

Nga lino umu tunwa twitu mwazile inseko, pasi pakuseka nu kwimba nu luzango! Na antu amu mitundu ya mumbali yavwanganga yati, Yawe watayacitila ivyakuzunguka!

Yobo 21:5

Mwemo munguvwikisye vino nkulanda, mumazunguka sile icakuti muleme ni minwe inu apa milomo ya pansi.

Mapinda 30:32

Ndi wacita uwelewele uwa kusoka, uvwa ni cipyu, nga nupya welenganya penepo, vimba nu lupi lwako apa kanwa.

Mika 3:7

Yakasema yalaya ni nsonyi pakuposiwa kwao, nga yakasapoola yalazewana, pamulandu wakuti Leza atalayaasuka.

Hagai 2:22

Indi nu kuwisya yamwene yonsi amitundu ya inamasi yonsi nga nu kulovya maka yao. Indi nu kuzangawalika amaceleta na akakwelapo yonsi. Indi nu kulovya imfwalasi zizi na akakwelapo yonsi yali nu kukomana.