Mika 6:15 - Amazwi Yakwe Leza 2013

¹⁵ Mulakomela lelo mutalazombola, muleenga amafuta ya miolivi, lelo mutalayaomvya. Mulafena amatingi lelo mutalamwa waini wayako.

Mika 6:15 Referans Kwoze

Zefaniya 1:13

Ala ivyuma vyao vilasampwa, nga na mang'anda yao yalaongololwa. Amang'anda yano yakuula yatalikalamo foo. Na matingi yano yalima yatalamwako waini wayako, awe.”

Amosi 5:11

Mukatitikizya apina nu kuyiila lino yakusonka imisonko ya mbezu zyao. Uli mulandu uno nanti mungakuula uli amang'anda ayembe akuulilwa na mawe, mutalikala mwenemo.

Yelemiya 12:13

Antu yane yatovya ingano, lelo yamazombola sile ivikona. Yaombesya apa maka, lelo yaicuzya sile. Apa mulandu ni cipyu cane ivyakulya vyakana.”

Hagai 1:6

Akula mwakomela imbezu izingi lelo mukazombola sile tunono. Nanti mungalya lelo musiikuta, imumwa lelo ulusala lutangaputuka. Nanti limwi imuzwala lelo ukwaula ukukankamuka. Ukufola kwene nanti mungafola impiya kuno muli mwe yakaomba lelo zitalatala zivule nanti panono. Mwakolana na antu akasembela amanzi umu cituluke.”

Aina Levi 26:20

Kuombesya kwinu konsi kutalamutumbwila nanti cimwi, pamulandu wakuti impanga inu italamezya ivilimwa nga ni miti nayo italaseeka viseekwa.

Yoane 4:37

Pano muvwango uu uwa cumi, uwakuti, ‘Umwi akakomela, nga muze nawe akazombola.’

Yobo 31:8

Lyene umwi kaize alye vino nakomiile, navino vyamela umu calo cane navyo kayaviipoole.

Habakuku 3:17

Cingaya cemvya nanti umutingi utangaseeka ivizao, nu musamvu utangaya ni luwa nu kuseeka ivizao, ni cazi kwene citangaseeka, lelo umu vyalo vyao mutakatale mufume kamwi. Nga imfwele mu vitata ni ng'ombe zyao kwene mu nduwa zifwe zilukute zyonsi.

Aina Levi 26:16

ndalenga kuti muvunukwe. Nkaalenga kuti uzanzo upone panomuli ni ndwala zyaula kupoziwa, ni ndwala zyakulenga kuti mupafule nga nu kulenga kuti umi winu ucepe. Mukaalima nu kukomela imbezu zinu. Lelo musizombola nanti cimwi, pamulandu wakuti anisi inu yakaamucimvya nu kulya ivyakulya vinu.

Yakapingula 6:4

Iyakuula insakwe mu mpanga ilya nu konona ivilimwa ukufika na lwaku kaeya kuzinguluka incende yaku Gaza. Iyapokolola imfwele zyao zyonsi, ing'ombe na yapunda, ukwaula kusiila aina Izlaeli nanti cimwi cino yangaomvya mu umi wao.