Mika 5:11 - Amazwi Yakwe Leza 2013

¹¹ Ndonona imisumba yamu mpanga inu nu kuwisya amalinga inu.

Mika 5:11 Referans Kwoze

Zakaliya 4:6

Acino umungeli wilya anena amazwi yakwe Yawe Wamaka yonsi kuli Zelubabeli akuti, “Ivilacitika, asi ku maka ya vita ukulalenga vicitike, nanti asi ku maka yako foo, lelo vilacitika sile ku maka ya Mupasi wane.

Amosi 5:9

Aliwe kwene akaonona apinguzi ya mpanzela, nupya aliwe kwene akaongolola amalinga yao.

Oseya 10:14

anisi inu yalamukatusizya inkondo. Amalinga inu yonsi yalononwa ndi vino cali apa wanda wa nkondo lino umwene Syalamani ononyile umusumba wa Beti Alibele. Wene walenzile ukuti yamangu kumwi na ana yao yalyatolwe.

Ezekelo 38:11

Ulalanda ukuti, namakatukila impanga ino itacingililwa, namazanza antu yaa yano yaikalila ku matwi cele, umu misumba ino itakwata amalinga, imilyango nanti mipikilizyo.

Ezaya 6:11

Alino nani namuzya nati, “Ale lyene fwandi we Mwene, icintu cii cilapelela pi?” Nga nawe angasuka ati, “Ukufika sile na pano imisumba ilononeka isyale amatongwa. Ukufika sile na pano amang'anda yalononekela yasyale sile ivipompa. Alino nupya ukufika sile na pano impanga ilasyalila amapooli.

Ezaya 1:7

Impanga inu yatisanguka amapooli, ni misumba inu nayo yaongoloka nu kupya nu moto. Ainamasi yakusampa impanga inu nu konona akali konsi akaya mwenemo, namwe ala mukuilolela vivyo kwene mwenga.

Nyimbo zya ndosya 2:2

Ukwaula nu kuvwa uluse, Yawe wataonona imisumba yonsi yamu mpanga yakwe Yakobo. Cipyu cipyu, wene wataonona amalinga yano yacingililanga impanga. Watalenga nu kuti uteko uzewane kumwi na yakateeka yamwenemo.

Ezaya 2:6

Umu cumi, watutazyela antu yako, amu mupanda wakwe Yakobo. Mu mpanga mwatimuzula yasin'ganga yaufi, ukufuma uku ufumondaka, uku mpanga ya ina Filisti. Antu lyene yambukilwa ni misango ya inamasi.

Ezaya 27:9

Uyi wa ina Izlaeli, ana yakwe Yakobo, utalelelwa foo. Suka sile manye lino yalamala ukutamola amawe yano yakuulila utuvuwa twa antu atamanya Leza. Vilaya ivyakusyunola ndi vino yakasyunola insio, nupya suka yakamale ukonona amaunkolanya yakwe Asyela yonsi, kumwi ni viimbili vya tuvuwa tonsi utwakocelapo ubani.