Mika 4:10 - Amazwi Yakwe Leza 2013

¹⁰ Mwalu kwaseela nu kunyunguluka, mwe antu aku Yelusalemu, wa mwanaci wino ali pipi nu kulela. Pano ndakai mulinzile ukufuma mu musumba uo, kuti mukikale mu mitanda. Mulasendwa nu kuya ku Babiloni. Lelo kuku kwene Yawe alamukulula ku anisi inu.

Mika 4:10 Referans Kwoze

Ezaya 48:20

Fumini mu musumba wa Babiloni, utukini mufume mu mpanga ya uzya. Umilini utupundu twa nsansa, musansante umulandu uu ale mukuti, “Yawe watakulula Yakobo, umuomvi wakwe.”

Oseya 13:13

Wene akunyunguluka wa mwanaci wino ali pipi nu kulela. Izlaeli wapelwa insita nayuze yakuya umumi. Lelo wene iciwelewele sana, cakuti aposiwa nu kumanya cico, wa mwana akanya akali pipi nu kuloleka. Lelo lino insita yakako yakuvyalwa yapalama, kene katakasi ukufuma mu ndilwa.

Oseya 2:14

Caleka, namalyombeleka umwanaci wiyo, namapita nawe ku lwanga nu kulanda nawe mu mazwi amutembo.

Ezaya 45:13

Anene natinkatusya Kilusi kuti uwololoke ucitwe. Ndololola inzila zyonsi muno alapitamo. Wene alakuululula umusumba wane wa Yelusalemu nu kuleka antu yane ali mu uzya yaye antungwa, ukwaula kuti umwi amulipile nanti kumupa amafukakanwa.” Avino Yawe Wamaka yonsi wavwanga.

Ezaya 43:14

Yawe, Mukuluzi winu, Wamuzilo wilya wakwe Izlaeli, wavwanga wati, “Apamulandu wakumupususya ndatuma impuka ya vita kuti vikalwisye aina Babiloni. Ndawisya imifikilo ya mpongolo, cakuti utupundu tuno amu musumba yakapunda, tulasanguka impooma.

2 Yamwene 20:18

Nanti sile amu mupanda wako, ukufuma mu ana yano waivyalila, yalayasenda nu kuyatungula nga yalatumikila umwene waku Babiloni umwi sano lyakwe.”

Umbwilo 12:14

Mwanaci wapilwe maapa yaili yakwe lyang'anda kuti apapuke aye ku ncende yakwe mu lwanga. Mu amuno alasungwa ningo pa myaka itatu na citika, ukoopa kuti cizoka cingamonona.

Oseya 1:10

Lelo aina Izlaeli yalavula wa musensenga uwamu nkumba yakwe yemba, uno utangapimwa nanti kupendwa. Pali ndakai Leza akuyanena ati, “Mwemo musi antu yane,” lelo uwanda uliza lino wene alayanena ati, “Mwemwe ana yakwe Leza wa umi!”

Yelemiya 15:21

Ndakutuula ku makasa ya aipe nupya akakate.”

Masamu 106:10

Wayapuswisye umu makasa yakwe yayo ayazunyizye, wayatuula umu makasa ya mwanisi.

2 Milandu 36:20

Ali pakusenda yao asile impondo ayatwala uku Babiloni kuko kuno yaile yamuombela nga yaombela na ana yakwe kwene mpaka nu kukwiza kwa wene waku Pesya.

2 Milandu 33:11

Icalenga Yawe ayatumila ivita vikalamba vyaku Asilya apakuti vizanze Ayuda. Iyalema Manase nu kumutotola na maswelo umu mwili. Alino lyene iyamunyepa ni minyololo nu kumusenda ku Babiloni.

2 Yamwene 25:4

Alino ilinga lya musumba lyaongolwike. Lelo nanti ivita vya ina Babiloni vyazingulwike umusumba, umwene Zedekiya pamwi ni vita vyakwe yapuusile apa nsita ya usiku. Apa kupuuka yalondile inzila iyalungama uku calo ca mwene nu kwiza pitilila apa mpongolo iyayela apakasi ka viumba viili, nu kulungama uku mukonko wa Yodani.

Yelemiya 29:20

Ali cino fwandi mwemo mwe muno natumile uku uzya, mwensi mwemuno nafumizye mu Yelusalemu nu kumutwala ku Babiloni, mule munguvwe.

Yelemiya 48:41

Umusumba wa Kelioti ulapokwa nga na malinga yalapokwa. Mu wanda ulya imyenzo ya vita vyaku Moabu ilaya wa mwenzo wa mwanaci wino ali pipi nu kulela.

Yelemiya 52:27

Nu mwene waku Babiloni ayakoma kuku kwene ku Libula umu mpanga ya Hamati. Avino Ayuda yasenzilwe ku mpanga yakutali ukufuma ku mpanga yakumwao.

Mika 5:3

Caleka Yawe alatazyela Izlaeli, mpaka ukufika na pa nsita ilya, lino mangu wilya wino ali pipi nu kupapa alalela umwana. Lyene asyala amu mutundu wakwe yalaswilila ku ina Izlaeli yauze.

2 Milandu 36:23

“Kilusi umwene waku Pesya wavwanga wati, ‘Yawe, Leza wa mwiyulu wampeela amawene yonsi apanonsi, nupya wansonta kuti imukuulile Ng'anda ikulu umu Yelusalemu umu mpanga ya Yuda. Umuntu ali wensi uwa munomuli nupya uwamu antu yakwe Leza, angaswilila kweneko. Yawe Leza umwene wakwe aye na aliwe.’ ”

Yelemiya 4:31

Nuvwile inkuuta kwati izya mwanaci wino ali pipi nu kulela ukuilizyanya kwati a wiyo akwelepa umwana wiyeli. Kwali kuli kulila kwakwe Yelusalemu, wino akwasela sile wataanza na makasa ala akuti, Owe mwe! Nazanzwa! Yene yakwiza ku kunkoma!

Yelemiya 13:4

“Yanga ku Luzi lwa Yufulate, uye ukafise umuindi mu vipongo vya mawe.

Mika 5:2

Yawe akuti, “Lelo we Betelemu waku Efulata, nanti angala wewe munono mu misumba yakwe Yuda, lelo munuli ndafumya umuntu wino alateeka aina Izlaeli. Intuntuko yakwe wiyo iya mpiti mpiti, kutandikila sile uku katalili.”