Mika 2:7 - Amazwi Yakwe Leza 2013

⁷ Uzye ukwelenganya ukuti amu mupanda wakwe Yakobo yalinzile ukunenwa vii vyonsi? Uzye Yawe camufulila ukuteeka umwenzo? Uzye icumi kwene wene alacita ivyamusango uu? Uzye wene asilanda amazwi yamutembo ku antu akacita ivisuma?”

Mika 2:7 Referans Kwoze

Masamu 84:11

Pano wemo we Yawe Leza, awewe tukazina mwenemo nupya wewe uli kavwangila witu. Watukwatila inkumbu nu kucindamika, ukatucindamika. We Yawe, usitwima ivisuma sweswe swe antu yako, swe ya miyele isuma.

Yelemiya 15:16

Wemo wavwanzile kunondi nga nani intezya amazwi yako yonsi. Nene wakwako, we Yawe Leza Wamaka yonsi, na mazwi yako ali luzango ni nsansa zyane.

Masamu 15:2

Awiyo akapita uwakaele, wiyo akacita ni vilungamane, wiyo akavwanga ivyacumi vyamu mwenzo wakwe.

Zakaliya 4:6

Acino umungeli wilya anena amazwi yakwe Yawe Wamaka yonsi kuli Zelubabeli akuti, “Ivilacitika, asi ku maka ya vita ukulalenga vicitike, nanti asi ku maka yako foo, lelo vilacitika sile ku maka ya Mupasi wane.

Oseya 14:9

Wiyo wino akweti amano auvwikisye ivintu vii. Wiyo wino angiluka, amanyikisye. Pano inzila zyakwe Yawe izya ololoke, nupya mukapita yayo akacita vyaololoke, lelo yacisanguka yakapumeka mwenemo.

Ezaya 50:2

Uzye pacani cino ntazanyilepo nanti wenga lino nizile? Uzye pacani cino kutali nanti wenga wakwasuka lino nalaizye? Uzye ikasa lyane lyali ilipi ilyakuposiwa kumutuula? Uzye ntakwata amaka akumutuula? Apakukalipa kwane sile, nemo ningakamya yemba ni nguzi cakuti ni nswi zyonsi izyaya mwenemo zikamilwe, apamulandu nu kuulizya amanzi, zifwe nu kufwa uku lusala.

Mapinda 28:18

Wiyo uwakaele alapusuka, lelo wiyo akatelengana pakasi ka nzila zili, alaponela pansi muli yonga.

Mapinda 10:29

Yawe ali linga lya kuzinamo yayo akacita vyaololoke, lelo wene akaonona yayo akacita iviipe.

Mapinda 10:9

Umuntu uwakwata icumi asipita mu uzanzo. Lelo wiyo akapita umu nzila ziipe wene alamanyikwa.

2 Timoti 3:5

Yene yalailanga kuya apefi, lelo upefi wao utalaloleka uwa cumi. Fumako ku antu amusango uu.

2 Kolinto 6:12

Asi sweswe twayala myenzo kuno muli. Lelo mwemwe mwayala myenzo inu kuno tuli.

Loma 7:13

Uzye lyene cii cikusenula ukuti icintu cisuma icandenga kuya mufwe? Awe, asi vivyo! Lelo iifyo ilyacisile vii. Pa kuomvya icintu cisuma, iifyo lyandetela imfwa pakuti mucumi umwata wakwelyo uwa kwifya usokololwe. Acino kupitila mu Masunde, iifyo likaloleka kuya lipisye.

Yoane 8:39

Nao yamunena yati, “Tata a Abulaamu.” Yesu ayanena ati, “Ndi mwemwe ana yakwe Abulaamu, nga mukacita vintu vili vimwi na vino Abulaamu wacitanga.

Mateo 3:8

Mwaomba imilimo isuma yakulanga vino mwati muzenzuka.

Mika 3:9

Uvwini vii, mwe ntunguluzi zya amu mupanda wakwe Yakobo, mwe muno mukateeka aina Izlaeli, mwe muno mukasuula ulungami nu kolonganya vyaololoke.

Yelemiya 2:4

Mwe ang'anda yakwe Yakobo, mwe nko zyonsi zya ina Izlaeli, uvwini amazwi yakwe Yawe.

Ezaya 58:1

Yawe wavwanga wati, “Pundisya utacilikizya izwi lyako! Uwangulisye wi penga! Kalipila antu yane apa kusanguka kwao, unenole na ang'anda yakwe Yakobo apa maifyo yao.

Mapinda 14:2

Yayo akapita umu ulungami yakazangila Yawe, lelo atumpe yene yakamusosya nu kumuzewanya.

Mapinda 2:7

Wene akaazwilizya antu akacita vyaololoke nupya acumi nu kuyacingilila.

Masamu 119:65

We Yawe, wawaka ulayo wako, nupya wewe musuma kunondi ne muzya wako.

Mpendwa 11:23

Yawe nawe aasuka Mose ati, “Uzye ikasa lyakwe Yawe iliipi? Ulailolela wemwisikulu, ndi cakuti izwi lino nakunena lilafikiliziwa nanti foo.”

Masamu 119:68

Iye mwe vino wazipa, vino waya nu luse! Nsambilizye amasunde yako.

Masamu 18:26

Uku antu aswepe imyenzo ukailanga ukuya umuswepe umwenzo. Lelo uku antu aipe myenzo, wemo ukailanga ukuti usi cuza wao.