Mateo 9:35 - Amazwi Yakwe Leza 2013

³⁵ Lyene Yesu apitana mu misumba nu mu mizi yonsi kwene, ino yali pipi na yemba uwaku Galile. Wene asambilizya mu mang'anda ya mapepo nu kukosola Ilandwe Lisuma lya Wene wakwe Leza, nu kupozya indwala zya misango yonsi, ni ndema.

Mateo 9:35 Referans Kwoze

Milimo 10:38

Mwamanya vya pali Yesu uwaku Nazaleti, na vino Leza wapongolwile Mupasi Wamuzilo panoli nu kumupeela maka. Wapisile konsi konsi, ala akucita visuma nu kupozya yonsi yano acuziwanga na Ciwa, pano Leza wali nawe.

Mako 6:56

Lyene na konsi kuno Yesu wayanga, mu mizi, nu mu misumba, nu mu mpanga, antu yasendanga alwale nu kuyaleta mu musolo wa pi sokoni. Alino yamulenga kuti aleke alwale yaleme nanti kwi sempele lya cizwalo cakwe. Na yano yonsi alemileko yapoziwe.

Mateo 11:5

Impafu zikulola, vilema vikupita, yakwe tembwe yakupoziwa, yacipuuli yakuuvwa. Afwe yakututululwa, ni Landwe Lisuma likukosolwa ku apina.

Luka 13:22

Lyene Yesu apita mu misumba nu mu mizi, ala akusambilizya lino ali pa lwendo lwaku Yelusalemu.

Milimo 2:22

“Mwe ina Izlaeli, uvwini mazwi yaa. Yesu uwaku Nazaleti umuntu wino Leza watumile kuli mwemwe, walangililwe mu vinjelengwe, mu vizungusyo, nga nu mu vilangililo vino Leza wacisile kupitila munoli. Mumanyile vii vyonsi, ukuti ivya cumi pano vyacitike.

Mako 6:6

Wene azunguka cuze, pano antu yatakweti utailo munoli. Alino aya mu mizi yazingulwike ala akusambilizya antu.

Mateo 11:1

Pacisila lino Yesu wamala kusunda alondezi yakwe ikumi na yaili, afumako ku cifulo cici, aya ku kusambilizya nu kukosola mu misumba yuze iyaya mu Galile.

Mateo 10:1

Yesu aama alondezi yakwe ikumi na yaili, ayapeela amaka akufumya mipasi yankota nu kupozya indwala zya misango yonsi nga ni ndema.

Mako 1:14

Lino Yoane yamunyepa mu ng'anda yaminyololo, Yesu waile ku Galile ku kukosola Ilandwe Lisuma lyakwe Leza.