Mateo 9:31 - Amazwi Yakwe Leza 2013

³¹ Lelo yene yapita nu kusalanganya ilandwe mu mpanga ilya yonsi.

Mateo 9:31 Referans Kwoze

Mako 7:36

Lyene Yesu apeela ilamulo ku antu kuti yatanena umuntu nanti umwi. Lelo lino wayapeela ilamulo lii kuti yatanena umwi, yene yatwalilila kunena antu.

Mateo 9:26

Awe mpwelo ya cintu cii isalangana mu mpanga yonsi.

Mateo 4:24

Ni landwe lya pali aliwe lisalangana mu mpanga yonsi ya Silya na antu yamuletela alwale alwile ndwala zya misango yonsi nga na yao ali ni mipasi yankota na yao ali ni vifumfumi, pamwi ni vite, nga ayapozya.

Mateo 14:1

Mu manda yalya, Helodi kateeka uwamu Galile uvwile mpwelo ya pali Yesu.

Mateo 28:15

Caleka asilika yatoola impiya nu kucita vino yasimapepo akalamba yayanenyile, nga ni landwe lii lisalangana monsi mu Ayuda, kufika ni lelo kwene.

Mako 1:28

Lyene lilyo kwene impwelo ya pali Yesu isalangana konsi mu muputule wa mpanga ya Galile.

Luka 4:14

Lyene Yesu aswilila ku Galile, na maka yakwe Mupasi Wamuzilo yali nawe. Ilandwe lya pali aliwe lisalangana mu mpanga yonsi yapalime kuku.

Luka 4:37

Impwelo ya pali Yesu isalangana mu mpanga yonsi yapalime kuku.

Luka 5:15

Lelo ilandwe lya pali Yesu lisalangana konsi, na maumba akulu cuze iiza ku kumuvwa nu kupoziwa indwala zyao zyonsi.

Luka 7:17

Ilandwe lya pali Yesu lisalangana mu mpanga yonsi ya Yudeya nu mu mpanga zyuze izya zingulwike.