Mateo 8:26 - Amazwi Yakwe Leza 2013

²⁶ Yesu ayanena ati, “Mwe ya utailo unono! Uzye pacani muvwa intete?” Lyene Yesu akatuka, alesya cipupu na maimbi, nga kuya cele.

Mateo 8:26 Referans Kwoze

Masamu 65:7

Wewe ukamyalalika imiza pali yayemba kumwi na maimbi ni mpokoma zya antu.

Masamu 89:9

Awewe ukatonsya yemba nga watumbalala, awewe ukamyalalika amaimbi yakwe.

Mateo 6:30

Leza akazwika isote lyamu mpanga, ililipo ilelo na mutondo lisontekwa umoto. Uzye wene atalalusya kuzwika mwemwe, mwe ya utailo unono?

Loma 4:20

Lelo pa kuvwa vino Leza wamulavile atali na kutentengana mu utailo wakwe, nanti kutwisika ulayo wakwe Leza. Utailo wakwe wamukomelizye nga alumbanya Leza.

Mateo 16:8

Yesu wamanyile cino yalanzyanyanga, caleka ayauzya ati, “Mwe ya utailo unono, uzye pacani mukulanzyanya pamulandu wakuti musi na mukate?

Umbwilo 10:2

Wene wakweti kalupapulo kanono kano kali akakupulwe mwi kasa lyakwe lilunji. Wene alyata lwazo lwakwe lwilunji pali yemba nga nu lwimani pa musili,

Habakuku 3:8

We Yawe uzye inguzi izyatizikukalifya? Uzye imilonga yatikuletela icipyu? Uzye a yemba uwakusosizye, lino wakwezile pa mfwalasi zyako nu kuleta ucimvyo ku antu yako?

Naumi 1:4

Wene akapeela yemba ilamulo, nga nawe apwa! Wene akakamya inguzi. Ni vimelwa vyamu vyalo vyaku Basyani nu ku Kalimeli avyumika. Na maluwa aku Lebanoni yafooka.

Ezaya 63:12

Aukwi ukwaya Yawe uwaomvyanga amaka yakwe nu kuleka ukuti Mose acite ivintu vyakuzunguka, ivyakupandula Yemba apakasi pakuti antu yakwe yapite, nga nu kuleka ukuti Yawe alumbuke amanda pe?”

Mateo 8:27

Na antu yazunguka yati, “Uzye wii umuntu wa musango cii, wino cipupu na maimbi vyamuyela?”

Mateo 17:20

Alino nawe aasuka ati, “Apamulandu wakuti mukweti utailo unono.” Cumi namunena vino, “Ndi mukweti utailo nanti unono wa lumbezu lwakwe musunta, munganena umwamba uu muti, ‘Sungutila’ nga nao ulasungutila. Kusi cimwi cino mungaposiwa kucita.” [

Luka 4:35

Yesu akalipila mupasi wankota ati, “Myalala, fuma mu muntu wi!” Mupasi wankota umuponya pansi ala yakulola, alino ufuma kwaula kumucisa.