Mateo 8:20 - Amazwi Yakwe Leza 2013

²⁰ Yesu amunena ati, “Yankusa yakwata ininga umwa kulala, ni vyunyi vyakwata ivinsanzo, lelo Mwana wa Muntu atakwata pa kusamila mutwe wakwe.”

Mateo 8:20 Referans Kwoze

Masamu 84:3

Tuncelelya twailukila icinsanzo na kamimbi nako kaimatila ing'anda iyakusungilamo utwana, apa kavuwa kako, we Yawe Leza Wamaka yonsi, Mwene wane na Leza wane.

Luka 2:7

Wavile umwana umonsi iyeli, amufupa mu nsalu nga amulalika mu mulangu pano mutali ncende mu ng'anda ya enyi.

2 Kolinto 8:9

Mwamanya cikuku ca Mwene witu Yesu Klistu. Nanti angala wali umukama, wene waicisile mupina kuti muye akama kupitila mu upina wakwe.

Luka 2:16

Lyene yacincila yapita yaya yazana Maliya na Yosefu ala alalike mwana kanya mu mulangu.

Luka 2:12

Na cii cimaya cilangililo kunomuli. Mumaya mukazane mwana akanya kafufilwe mu nsalu nupya kalalikwe mu mulangu.”

Masamu 109:22

Nene mulanda nupya umupuzi. Umwenzo wane umukasi watiuciswa.

Masamu 69:29

Lelo kwene nemo nene mulanda, nupya inkucula. We Leza sinkatusye nupya untuule?

Luka 8:3

Na Yoana muka Chuza uwali musika wakwe Helodi. Na Susana na anaci yauze aingi yano aomvyanga cuma cao pa kutumikila Yesu na alondezi yakwe.

Mateo 12:32

Wino wensi alavwanga mazwi aipe pa Mwana wa Muntu angelelwa. Lelo wino wensi alavwanga mazwi aipe pali Mupasi Wamuzilo wene atalelelwa, ndakai ni nsita ikwiza.

Masamu 104:17

Ali kuno ivyunyi vikalukila ivinsanzo, apa ntonje ntonje. Ali pano na yanamakungwe yakatongama.

Mateo 19:28

Yesu nawe ayanena ati, “Cumi namunena vino mu manda akwiza, mu nsi ipya, Mwana wa Muntu alikala pa cilimba cakwe ca wene ca lulumbi. Namwe kwene mwe muno mukamulondela, mulikala pa vilimba ikumi na viili vya wene nu kupingula inko zya Izlaeli ikumi na ziili.

Mateo 17:9

Lyene lino yacili tentemuka mwamba, Yesu ayapeela ilamulo ati, “Mutanena nanti umwi pa cilolwa cino mwalola, kufika lino Mwana wa Muntu alazyukuka kufuma ku afwe.”

Mateo 16:27

Pano Mwana wa Muntu aliiza pali pamwi na angeli yakwe mu lulumbi lwakwe Isi. Lyene alalambula nanti kuvunuka cila muntu kulingana ni vicitwa vyakwe.

Mateo 16:13

Lyene lino Yesu wafika ku mpanga yapalime ku musumba wa Kesaliya Filipi, auzya alondezi yakwe ati, “Uzye antu yakati Mwana wa Muntu aweni?”

Mateo 12:40

Pano wakwe vino Yona waizi munda ya ciswi amanda yatatu musanya nu usiku, avino nu Mwana wa Muntu alalala mu musili amanda yatatu musanya nu usiku.

Mateo 12:8

Pano Mwana wa Muntu wakwata maka akupingula vya kucita pa Sabata.”

Masamu 40:17

We Yawe, nemo nene mupina nu mulanda, lelo uwalukunjiiusya. Wewe kazwa wane na katuula wane. Sungala ucincile ukwiza ntuula.

Danieli 7:13

Lino naweni ivintu vii usiku mu cilolwa, naweni umwi uwalolike wa muntu. Wene ala akwika na makumbi amwiyulu. Alino aiza kuli wiyo uwaliko ku katalili nga yauze yamutwala kunoli.

Masamu 104:12

Uku miti iyaya umu mbali mbali ya nguzi, ali kuno ivyunyi vikalukila ivinsanzo nu kulila ali kuno vikalilila.

Mateo 13:37

Nawe ayanena ati, “Wino uwatile imbezu zisuma, Mwana wa Muntu.

Mako 8:38

Muntu ndi waya ni nsonyi pali nene na pa mazwi yane mu mukulo uu uwa uzelele nu wankota, Mwana wa Muntu alaya ni nsonyi panoli lino aliza pali pamwi na angeli yamuzilo, mu lulumbi lwakwe Isi.”

Luka 9:58

Yesu amunena ati, “Yankusa yakwata ininga umwa kulala, ni vyunyi vyakwata ivinsanzo, lelo Mwana wa Muntu atakwata pa kusamila mutwe wakwe.”

Luka 12:8

“Cumi, namunena vino wino wensi walanda paswe ukuti uwakwane, Mwana wa Muntu nawe alacita cili conga panoli pa manso ya angeli yakwe Leza.

Luka 18:8

Awe! Namunena vino wene alayavwangila zuwa. Lelo lino Mwana wa Muntu aliza uzye alazana utailo mu nsi?”

Luka 21:36

Acino pempulini nu kupepa nsita zyonsi pakuti muye na maka a kuutuka ku vintu vyonsi iviliza vicitike, nga nu kwimilila pa manso ya Mwana wa Muntu.”

Yoane 1:51

Nupya ayanena ati, “Cumi, namunena vino mulalola iyulu lyalekuka na angeli yakwe Leza yakukwela nu kwika pa Mwana wa Muntu.”

Yoane 3:13

Pasi umuntu watala wakwela kwiyulu, suka sile Mwana wa Muntu wino uwisile kufuma kwiyulu.”

Yoane 3:14

Wakwe vino Mose wasamike inzoka ya mukuwa pa cimuti mu lwanga, avino nu Mwana wa Muntu ali nu kusamikwa pa cimuti

Yoane 6:27

Mutaombela cakulya cino cikalowa, lelo mwaombela cakulya cino cikaikalilila manda pe nupya cikapela umi wape. Cii cili cakulya cino Mwana wa Muntu alamupeela, pano Leza Tata wamupeela insambu yakucita vivyo.”

Yoane 6:53

Yesu ayanena ati, “Cumi namunena vino ndi mutangalya mwili wa Mwana wa Muntu nu kumwa wazi wakwe, mutangaya nu umi.

Yoane 6:62

Uzye lyene cingaya uli ndi mwaweni Mwana wa Muntu akukwela kwiyulu, kuswilila kuno wafumile?

Yoane 12:34

Caleka iumba limunena liti, “Tuvwile mu Masunde itu vino Katuula uwalavilwe alaya nu umi manda pe. Uzye lyene wemo ungavwanga uli uti, Mwana wa Muntu alinzile kusamikwa pa cimuti? Uzye Mwana wa Muntu wii aweni?”

Yoane 13:31

Walanga lino Yuda wafuma, Yesu ayanena ati, “Ndakai lulumbi lwa Mwana wa Muntu lwasokololwa. Na Leza lulumbi lwakwe lwasokololwa mu Mwana wa Muntu.

Milimo 7:56

Ayanena ati, “Lolini! Nalola iyulu ililekuka nu Mwana wa Muntu aimi kwi kasa lilunji lyakwe Leza!”