Mateo 7:28 - Amazwi Yakwe Leza 2013

²⁸ Lino Yesu wamala kuvwanga vintu vii, maumba yazunguka misambilizizye yakwe.

Mateo 7:28 Referans Kwoze

Luka 4:32

Onsi yazunguka pa misambilizizye yakwe, pano mazwi yakwe yali na maka.

Mako 1:22

Antu amuvwile yazunguka cuze pa misambilizizye yakwe. Wene atasambilizyanga wakwe yakasambilizya ya Masunde, lelo wa muntu akweti maka.

Yoane 7:46

Yakalinda yavwanga yati, “Kutatala kwaya umuntu akavwanga vyeo ndi vino umuntu wii akuvwanga.”

Mako 6:2

Pa Sabata atandika kusambilizya mu ng'anda ya mapepo. Antu aingi, amuvwile yazunguka cuze. Alino yauzyanya yati, “Uzye aukwi kuno umuntu wii wafumya vintu vii vyonsi? Amano ya musango ci apelwa kunoli, pakuti acita ivinjelengwe?

Luka 4:22

Antu yonsi yavwanga visuma vya pali aliwe, nga yazunguka pa mazwi asuma yano wavwanzile. Yavwanga yati, “Uzye wii asi mwana wakwe Yosefu?”

Yoane 7:15

Ayuda yazunguka cuze, yavwanga yati, “Uzye umuntu wii wamanya uli malembelo, vino atasambilila?”

Mateo 22:33

Lino maumba yuvwa cii, yazunguka cuze pa usambilizyo wakwe.

Luka 19:48

Lelo yatazanyile nzila yakucita cii, pamulandu wakuti insita zyonsi wikalanga na antu ala yakuuvwa kunoli.

Mako 11:18

Yasimapepo akalamba na yakasambilizya ya Masunde, lino yuvwa cii, yatandika kulonda inzila yakuti yakomelemo Yesu. Lelo yamoopanga, pano iumba lyonsi lyazungwike pa usambilizyo wakwe.

Mateo 26:1

Lino Yesu wamala kuvwanga vintu vii anena alondezi yakwe ati,

Mateo 11:1

Pacisila lino Yesu wamala kusunda alondezi yakwe ikumi na yaili, afumako ku cifulo cici, aya ku kusambilizya nu kukosola mu misumba yuze iyaya mu Galile.

Masamu 45:2

Wemo wewe monsi umwi umusuma ukuluta yonsi nupya wewe kavwanga umwi akavwanga usaka sana. Umu cumi, Leza wakupolelela insita zyonsi.

Mateo 19:1

Lino Yesu wamala kuvwanga vintu vii afuma ku Galile aya ku mpanga ya Yudeya, ku mbalama yuze ya luzi lwa Yodani.

Mateo 7:27

Lyene imvula itonya, mulamba nawe aiiza ni cipupu ciza cipuma pa ng'anda iyo, nga nayo ipona, kupona kukulu cuze.”

Mateo 7:29

Wene atasambilizyanga wakwe yakasambilizya ya Masunde, lelo wa muntu akweti maka.

Luka 2:47

Onsi amuvwile yazunguka pa kwaasuka kwakwe kwa mano.

Luka 7:1

Lino Yesu wamala kuvwanga vintu vii vyonsi ku antu akuuvwa, lyene aingila mu Kapenaumu.